16/07/2026
नयाँ सरकार आयो, आशा जगायो, तर अन्ततः साना र सोझा लगानीकर्तालाई नै सिध्यायो!
नेपालमा नयाँ राष्ट्रिय स्वतन्त्र पार्टी (रास्वपा) सम्मिलित सरकार आएपछि अब त सेयर बजारले गति लेला, देशको अर्थतन्त्र सुध्रिएला र हाम्रो दुःखको कमाइ सुरक्षित होला भनेर देशैभरका लाखौँ लगानीकर्ताले भएभरको पैसा, दुःख-पसिनाको कमाइ सेयर बजारमा खन्याए। तर विडम्बना! नयाँ सरकारका अर्थमन्त्रीले बजारलाई राहत दिनुको साटो उल्टै पूँजीगत लाभकर (CGT) बढाएर बजारको ढाड सेक्ने काम गरे।
परिणामस्वरूप, बजार झन् तीव्र गतिले घट्यो र आम लगानीकर्ताले हेर्दाहेर्दै ६ खर्ब रुपैयाँ भन्दा बढी गुमाउनु पर्यो! यो केवल अंकको गिरावट होइन, यो लाखौँ सर्वसाधारणको रगत-पसिनाको कमाइ स्वाहा भएको क्रूर यथार्थ हो। गरिब र मध्यमवर्गीय जनतालाई उकास्छु भन्ने सरकारले उल्टै भएको पुँजी पनि सिध्याउने नीति ल्याउनु कहाँको न्याय हो?
आम गरिब र साना लगानीकर्ताको उद्धारका लागि र धराशयी बन्दै गएको सेयर बजारलाई जोगाउन अर्थमन्त्रीज्यूले तुरुन्तै अव्यावहारिक कर नीति परिमार्जन गर्नुपर्छ। सेयर बजारलाई खेलौना ठान्न बन्द गरियोस्!
तत्काल पूँजीगत लाभकर (CGT) घटाएर २.५% र ५% कायम गरियोस्!
बजार र लगानीकर्ता डुबाउने नीति खारेज होस्!
