Mero Santv

06/06/2026

सीमासम्बन्धी प्रधानमन्त्रीको अभिव्यक्तिबिरुद्ध श्रम संस्कृति पार्टीले शनिबार काठमाडौंमा प्रदर्शन गरेको छ । नेपालले भारतको भूमि मिचेको भन्ने प्रधानमन्त्रीको अभिव्यक्ति राष्ट्रिय हित बिपरित रहेको भन्दै श्रम संस्कृति पार्टीले शनिबार काठमाडौंको माइतीघरमा खवरदारी सभासहित विरोध प्रदर्शन गरेको हो।
प्रदर्शनमा सहभागीहरुले संसदमा प्रधानमन्त्रीले दिएको अभिव्यक्ति तथ्यहिन रहेकाले फिर्ता गर्नुपर्ने माग गरेका थिए । साथै उनीहरुले नेपाली माटोको रक्षा गरौं, राष्ट्रको सम्मान जोगाऔं, गैरजिम्मेवारी अभिव्यक्तिको विरोध गरौं लगायत लेखिएका प्लेकार्ड प्रदर्शन गरेका थिए ।

सो क्रममा श्रम संस्कृति पार्टीका सांसद आरेन राईले सीमाका बिषयमा प्रधानमन्त्रीले सदनमा गैरजिम्मेवार अभिव्यक्ति दिएको बताए । उनले हरेक देशको सीमा समस्या रहेको भन्दै सीमा समस्या र सीमा मिच्ने बिषय फरक भएको बताए । उनले सदनमा आफूहरुले राख्दै आएको अडान कायमै रहने समेत बताए।

06/06/2026

दक्षिणकाली सडकखण्डमा सुमो र बोलेरो जिप एकआपसमा ठोक्किँदा १४ जना घाइते भएका छन् ।
मकवानपुरको इन्द्रसरोवर गाउँपालिका–३ धारा ढोला स्थित दक्षिणकाली सडकखण्डमा हेटौंडाबाट काठमाडौंतर्फ जाँदै गरेको ना।१ ज ७२०७ नम्बरको सुमो र विपरीत दिशाबाट आउँदै गरेको बीएए ९७६८ नम्बरको बोलेरो एकआपसमा ठोक्किएका हुन् ।
दुर्घटनामा बोलेरोका चालकसहित दुवै सवारी साधनमा सवार १४ जना घाइते भएका छन् । घाइतेमध्ये ४ जनाको अवस्था गम्भीर र १० जनाको अवस्था मध्यम रहेको प्रहरीले जनाएको छ ।
सबै घाइतेलाई उद्धार गरी उपचारका लागि काठमाडौं ल्याइएको छ । सुमो चालकलाई थप अनुसन्धानको लागि प्रहरीले नियन्त्रणमा लिएको छ

06/06/2026

राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) ले माध्यमिक शिक्षा परीक्षा (एसइई) को पूरक (ग्रेडवृद्धि) परीक्षा सम्पन्न भएको दुई साताभित्र नतिजा प्रकाशन गर्ने गरी तयारी गरेको छ । आगामी असार १ देखि ९ गतेसम्म पूरक परीक्षा हुँदैछ । यसअघि, एसइई- २०८२ को परीक्षाफल एक महिनामा प्रकाशन गरिएको थियो । परीक्षा नियन्त्रक टुकराज अधिकारीले आगामी असार २५ गतेभित्र पूरक परीक्षाको परीक्षाफल प्रकाशन गरिने बताउनुभयो । एसइईमा एक लाख ४६ हजार ५०७ विद्यार्थी ‘ननग्रेडेड’ भएकामा पूरक परीक्षामा कतिले सहभागिता जनाउँछन् भन्ने यकिन तथ्याङ्क प्राप्त भइनसकेको उहाँले बताउनुभयो । ‘ग्रेड सी’ भन्दा कम प्राप्त गरेका विद्यार्थी पूरक परीक्षामा सहभागी हुनेछन् ।

06/06/2026

राष्ट्रिय स्वतन्त्र पार्टी (रास्वपा) सभापति रवि लामिछानेले पार्टीको पहिलो महाधिवेशन प्रक्रियाअन्तर्गत जारी जिल्ला अधिवेशनका क्रममा पार्टीका नेता–कार्यकर्तालाई लोकतान्त्रिक अभ्यास, समावेशी नेतृत्व र संगठनात्मक संस्कारलाई सुदृढ बनाउन आग्रह गरेका छन्।

सामाजिक सञ्जालमा पोष्ट गर्दै लामिछानेले वडा र पालिका तहका अधिवेशन सफलतापूर्वक सम्पन्न भएको र अब जिल्ला अधिवेशनहरू पार्टीको भविष्यको दिशा तय गर्ने महत्वपूर्ण अवसर भएको बताएका छन्।

06/06/2026

रास्वपाको कुन जिल्लाको अधिवेशन कहिले ?
पहिलो दिन आज शनिबार ३६ जिल्लाहरूको अधिवेशन हुँदैछ । आज कोशीका ८ जिल्लाहरू झापा, मोरङ, तेह्रथुम, ताप्लेजुङ, भोजपुर, संखुवासभा, ओखलढुङ्गा र सुनसरी, मधेशका २ जिल्लाहरू महोत्तरी र रौतहट, बागमती प्रदेशका ८ जिल्लाहरू दोलखा, काठमाडौँ, भक्तपुर, नुवाकोट, मकवानपुर, काभ्रे सिन्धुपाल्चोक र सिन्धुलीऽ गण्डकी प्रदेशका ५ जिल्लाहरू स्याङ्जा, कास्की, पर्वत, बागलुङ र म्याग्दी, लुम्बिनी प्रदेशका ८ जिल्लाहरू गुल्मी, नवलपरासी, पाल्पा, कपिलवस्तु, दाङ, बाँके, बर्दिया र रोल्पा, कर्णाली प्रदेशका २ जिल्लाहरू कालीकोट र सल्यान र सुदूरपश्चिम प्रदेशका ३ जिल्लाहरू बैतडी, बझाङ र दार्चुलामा अधिवेशन हुँदैछ ।

बाँकी २९ जिल्लामा आइतबार अधिवेशन हुनेछ । जसमा कोशी प्रदेशका ४ जिल्लाहरू उदयपुर, सोलुखुम्बु, खोटाङ र इलाम, मधेश प्रदेशका ४ जिल्लाहरू सिराहा, धनुषा, पर्सा र सर्लाही, बागमती प्रदेशका २ जिल्लाहरू चितवन र ललितपुर, गण्डकी प्रदेशका ४ जिल्लाहरू तनहुँ, नवलपुर, गोरखा र लमजुङ, लुम्बिनी प्रदेशका ३ जिल्लाहरू अर्घाखाँची, रुपन्देही र प्युठान, कर्णाली प्रदेशका ६ जिल्लाहरू सुर्खेत, जाजरकोट, दैलेख, रुकुम, मुगु र जुम्ला र सुदूरपश्चिम प्रदेशका ६ जिल्लाहरू अछाम, डोटी, डडेलधुरा, कैलाली, कञ्चनपुर र बाजुरा रहेका छन् ।

विवादका कारण बारा जिल्ला अधिवेशन भने २६ गते हुने तय भएको छ । रास्वपाले यसपटक प्रथम राष्ट्रिय महाधिवेशन अगावै ७७ मध्ये ६६ जिल्लामा अधिवेशन सम्पन्न गर्न लागेको हो । बाँकी ११ जिल्लाहरूको अधिवेशन राष्ट्रिय महाधिवेशन पश्चात क्रमश: गरिने रास्वपाले जनाएको छ ।

यही जेठ २६ गतेदेखि सात प्रदेशको अधिवेशन सुरु हुनेछ महामन्त्री कबीन्द्र बुर्लाकोटीले जानकारी दिए ।

05/06/2026

विश्व वातावरण दिवसमा “एक बालबालिका, एक बिरुवा” राष्ट्रिय अभियान सञ्चालन

https://merosantv.com/2026/06/05/7925/

हरिपुर्वा/पर्सा (सर्लाही), जेठ २२ — विश्व वातावरण दिवसको अवसरमा “एक बालबालिका, एक बिरुवा” राष्ट्रिय अभियान सर्लाह....

05/06/2026

करिब सात महिनाको कार्यकालपछि प्रजिअ कडरियाको सरुवा


सर्लाहीका प्रमुख जिल्ला अधिकारी (प्रजिअ) रामु राज कडरिया को गृह मन्त्रालय, सिंहदरबारमा सरुवा भएको छ।

गत कात्तिक १७ गते जिल्ला प्रशासन कार्यालय मलंगवामा हाजिर भई जिम्मेवारी सम्हालेका कडरियाको स्थानमा विजयराज सुवेदी लाई सर्लाहीको नयाँ प्रमुख जिल्ला अधिकारीका रूपमा सरुवा गरिएको छ। सुवेदी यसअघि जिल्ला प्रशासन कार्यालय धादिङ मा कार्यरत थिए।

गृह मन्त्रालयले शुक्रबार प्रमुख जिल्ला अधिकारीसहित १६ जना सहसचिवको सरुवा गरेको हो।

05/06/2026

आज राति कोशी प्रदेशसहित देशका हिमाली भागमा साधारणतया बदली रहने, पहाडी भाग तथा मधेश प्रदेशमा आंशिक बदली रहने र बाँकी तराई क्षेत्रमा मौसम मुख्यतया सफा रहने महाशाखाको पूर्वानुमान छ। कोशी प्रदेशका थोरै स्थान तथा मधेस, बागमती, गण्डकी, लुम्बिनी र कर्णाली प्रदेशका हिमाली तथा पहाडी भागका एकदुई स्थानमा हल्का वर्षा वा हिमपात हुन सक्ने जनाइएको छ।
साथै, महाशाखाले तापक्रम बढ्ने सम्भावना रहेका विभागले बर्दिया, बाँके, दाङ, कपिलवस्तु, रुपन्देही, नवलपरासी (बर्दघाट–सुस्तापश्चिम), पर्सा, बारा, रौतहट, सर्लाही, महोत्तरी, धनुषा, सिराहा र सप्तरी जिल्लामा आगामी तीन दिनसम्म विशेष सतर्कता अपनाउन आग्रह गरेको छ।
तातो लहरको प्रभावबाट बच्न दिउँसोको समयमा सकेसम्म घरभित्र वा चिसो स्थानमा बस्न, अनावश्यक रूपमा घाममा बाहिर ननिस्कन, हल्का तथा सुती कपडा लगाउन, बाहिर निस्कँदा टोपी वा छाता प्रयोग गर्न तथा प्रशस्त मात्रामा पानी र झोल पदार्थ सेवन गर्न सुझाव दिइएको छ।

05/06/2026

विश्व वातावरण दिवसको अवसरमा वर्ल्ड भिजन इन्टरनेसनल नेपालले ‘एक बालबालिका, एक वृक्ष’ अभियान सुरु गरेको छ। अभियानअन्तर्गत देशभरका ८० हजार बालबालिकाको सहभागितामा वृक्षारोपण गरिनेछ। जलवायु परिवर्तनका चुनौती सामना गर्न बालबालिकामा वातावरणीय चेतना र संरक्षणको भावना विकास गर्ने उद्देश्यले यो अभियान सञ्चालन गरिएको हो। 🌱🌍

04/06/2026

तातो लहरको चेतावनी: सर्लाहीसहित १४ जिल्ला उच्च जोखिममा, तीन दिन विशेष सतर्कता अपनाउन आग्रह