30/05/2026
मनोहर जनता माध्यमिक विद्यालयमा बिहानि सत्रमा कक्षा सञ्चालन गर्ने
मधुमल्ला / मोरङको मिक्लाजुङ गाउँपालिका–७, मधुमल्लास्थित श्री मनोहर जनता माध्यमिक विद्यालयले शैक्षिक सत्र २०८३ का लागि कक्षा ११ मा बिहानि सत्रमा भर्ना खुला गरेको छ।
विद्यालयले शिक्षा तथा व्यवस्थापन (Management) संकायमा अध्ययन गर्न इच्छुक विद्यार्थीहरूका लागि भर्ना प्रक्रिया सुरु गरेको जनाएको छ। विद्यालयका अनुसार शिक्षा संकायअन्तर्गत Child Development & Learning, English, Nepali, Health, Instructional Pedagogy & Evaluation लगायतका विषयहरू अध्ययन गराइनेछ भने व्यवस्थापन संकायमा Accounting, Economics, Business Studies, Computer तथा Hotel Management विषयहरू सञ्चालन हुनेछन्।
विद्यालयले अनुभवी शिक्षकद्वारा गुणस्तरीय शिक्षा, बालमैत्री वातावरण, विज्ञान, गणित तथा कम्प्युटर प्रयोगशाला, पुस्तकालय, स्वच्छ खानेपानी, क्यान्टिन, विद्यालय बस सेवा, ICT–Integrated शिक्षण प्रणाली तथा Guidance & Counselling सेवा उपलब्ध गराउँदै आएको जनाएको छ।
विद्यालयमा कक्षा ११ र १२ का लागि छुट्टै शैक्षिक भवनको व्यवस्था रहेको छ। साथै आर्थिक रूपमा कमजोर, जेहेन्दार तथा पिछडिएका वर्गका विद्यार्थीहरूका लागि छात्रवृत्तिको समेत व्यवस्था गरिएको विद्यालयले जनाएको छ।
विद्यालय प्रशासनका अनुसार भर्ना फाराम वितरण सुरु भइसकेको छ र इच्छुक विद्यार्थी तथा अभिभावकलाई समयमै सम्पर्क गरी भर्ना प्रक्रिया पूरा गर्न अनुरोध गरिएको छ।
