https://www.youtube.com/watch?v=OgoX4-ku0oc

Kbckhabar, urlabari-4, Morang (2025)

04/08/2025

लुकी–लुकी आफ्नो जीवनसाथीको फोन हेर्ने इच्छा किन हुन्छ ?
सोमबार, १९ साउन
आफ्नो जीवनसाथीको मोबाइल फोनमा जासूसी गर्ने बानी सबैभन्दा बढी महिलामा हुन्छ । युनिभर्सिटी अफ ब्रिटिस कोलम्बिया र युनिभर्सिटी अफ लिस्बनको एक संयुक्त अध्ययनले अधिकांश मानिसले आफ्ना साथी तथा जीवनसाथीको फोन चेक गर्ने गरेको पत्ता लागेको जनाइएको छ ।
यसो गर्नुको पछाडि मुख्य रुपमा जलन हुनु देखिएको छ । साथै आफ्नो जीवनसाथीसँग दोस्रो व्यक्तिको सम्बन्ध विस्तार नहोस् भन्ने चाहनाका कारण यसो गर्ने गरेको देखिएको छ । अध्ययनले के देखाएको छ भने अधिकांश मानिसलाई आफ्ना साथी, प्रेमी, जीवनसाथीले फोन चेक गर्नलाई अनेक रुपमा निहुँ खोजे पनि घुर्की लाए पनि उनीहरु त्यस्तो कुरालाई इन्कार गर्न सक्दैनन् ।
सुरुमा फोन चेक गर्न नदिएजस्तो गरेपनि त्यसो नगर्न उनीहरुले आफ्ना प्रेमी तथा जीवनसाथीलाई रोक्दैनन् । यद्यपि, केही मानिस भने यस्तो कुरालाई मन पराउँदैनन् । आफ्नो फोन अरुलाई चेक गर्न नदिएकै कारण उनीहरुको सम्बन्ध टुट्ने पनि सक्छ ।

31/07/2025

“महामण्डलेश्वर” र “जगतगुरु” घोषणा गरियो’-शिवशक्ति बाबा
लेटाङ, १५ साउन ।
मोरङको लेटाङ–९, जाँतेका सुजनकुमार पूर्वछाने मगर, जो ‘शिवशक्ति बाबा’का नामबाट चिनिन्छन् । उनले आफूलाई “महामण्डलेश्वर” र “जगतगुरु” घोषणा गरिएको बताएका छन् ।
लेटाङ स्थित आफ्नै आश्रममा मंगलबार आयोजित पत्रकार सम्मेलनमा शिवशक्ति बाबाले सुनसरीको रामधुनीमा असार २७ गते सम्पन्न धार्मिक समारोहमा आफूलाई उक्त उपाधि प्रदान गरिएको जानकारी दिएका छन् । उक्त कार्यक्रम नरेन्द्र मोदी विचार मञ्च भारत, अन्तर्राष्ट्रिय सन्त वैदिक मञ्च, इन्डो–नेपाल रिलेसन एन्ड पिस फाउन्डेसन र विश्व वैदिक गुरुकुल फाउन्डेसन (१०८ देश) द्वारा संयुक्त रुपमा आयोजना गरिएको थियो ।
शिवशक्ति बाबाका अनुसार, भारतमा हुने आगामी कुम्भ मेलामा आफूलाई औपचारिक रूपमा “महामण्डलेश्वर” तथा “जगतगुरु” को उपाधि प्रदान गरिनेछ । उनले भने, “मैले यो उपाधि पढाइ वा ज्ञानबाट होइन, जन्मसिद्ध दैविक शक्तिका आधारमा प्राप्त गरेको हुँ ।”
शिवशक्ति बाबालाई विभिन्न अन्तर्राष्ट्रिय सम्मान तथा पुरस्कार समेत प्रदान गरिएको बाबाको सचिवालयका सचिव बासुदेव सिजाली मगरले जानकारी दिएका छन् । तीमध्ये ‘विश्व दैविक शक्ति महारत्न अवार्ड २०२५’, ‘अन्तर्राष्ट्रिय गौरव अभिमान पुरस्कार २०२५’ र ‘जन्मसिद्ध दैविक शक्ति प्राप्त व्यक्तिको हैसियतमा मानार्थ डाक्टर उपाधि’ उल्लेखनीय छन् ।
त्यसैगरी, शिवशक्ति बाबालाई इन्टीच्युट अफ इन्टरप्रेनरशीप एण्ड म्यानेजमेन्ट स्टडीज (IEMS) द्वारा सम्मान गरिएको तथा उनलाई अन्तर्राष्ट्रिय सन्त बौद्धिक मञ्च र विश्व वैदिक गुरुकुल फाउन्डेसन अन्तर्गत धार्मिक–सांस्कृतिक विभागको संयोजक पदमा पनि नियुक्त गरिएको बताइएको छ। पत्रकार सम्मेलनमा शिवशक्ति बाबाले आफू सानैमा वनझाँक्रीसँगको सम्पर्कपछि जन्मसिद्ध दैविक शक्ति प्राप्त भएको र त्यसै शक्तिको प्रयोग गरी विशेषगरी प्यारालाइसिस, बोली गुमेका तथा जंगली रोगहरू भएका बिरामीहरूको सेवा गर्दै आएको दाबी गरेका छन् । त्यस्तै उनले दैविक शक्तिबाट दुःखी–पीडितको सेवा तथा सहयोगमा आफू समर्पित रहेको बताएका छन् । उनलेे साउन २६ गते त्रिकालेश्वर मन्दिर परिसरमा श्री श्री श्री १००८ रामस्वामी शिरोमणि दास लल्लि महाराज र श्री श्री श्री १००८ बालकानन्द गिरि महाराजको उपस्थितिमा विशेष सम्मान समारोह आयोजना गरिने जानकारी दिएका छन् ।

19/04/2025

उर्लाबारी वडा नम्बर ४ मा रहेको बिसाल टोलको बाटोमा दुबै तर्फ ड्रेन निर्माण गर्दै गरेको केही झलक :

13/04/2025

एसईई खारेज १० सम्मको परीक्षा विद्यालयमै हुने
मोरङ, ३१ चैत
प्रतिनिधिसभाको शिक्षा, स्वास्थ्य तथा प्रविधि समितिअन्तर्गतको उपसमितिमा माध्यमिक शिक्षा परीक्षा एसईई
खारेज गर्ने सहमति भएको छ । विद्यालय शिक्षा विधेयकमाथि चलिरहेको दफावार छलफलका क्रममा उक्त सहमति भएको जनाईएको छ ।
समितिका अनुसार अब विद्यालय शिक्षालाई दुई तहमा विभाजन गरिनेछ । आधारभूत तह (कक्षा १ देखि ८) र माध्यमिक तह (कक्षा ९ देखि १२) । यसअनुसार कक्षा ८ सम्मको परीक्षा स्थानीय तहले सञ्चालन गर्नेछ भने कक्षा ९ देखि १२ सम्मको परीक्षा राष्ट्रिय परीक्षा बोर्डको व्यवस्थापनमा हुनेछ ।
यो निर्णयसँगै अब कक्षा १० को परीक्षा विद्यालयस्तरमै सञ्चालन गरिनेछ । यसपछि राष्ट्रिय तहको अन्तिम परीक्षा भने कक्षा १२ मा मात्रै हुनेछ। यस कदमलाई शिक्षाविद्हरूले स्वागत गरेका छन्, जसले स्थानीय तहको भूमिकालाई सुदृढ बनाउने र विद्यार्थीको मूल्याङ्कनलाई प्रभावकारी बनाउने बताइएको छ ।

13/04/2025

प्रधानमन्त्र केपी ओलीले ताप्लेजुङ, झापा, तेह्रथुमका वभिन्नि १५ सामुदायकि वद्यिालयलाई ल्याप्टप र शैक्षकि सामग्री वतिरण गर्दै गरेको एक झलक :–

13/04/2025

‘निर्माणपछि भारतका जनतालाई समेत उपचार सुविधा दिन सकिन्छ’– ओली
चैत, ३१ आईतबार
प्रधानमन्त्री केपी शर्मा ओलीले झापाको गौरादह नगर अस्पतालको शिलान्यास गरेका छन् । उनले स्थानीय बासिन्दा र छिमेकी भारतीयलाई उपचार सुविधा दिने बताएका छन् । सरकार प्रविधिको माध्यमबाट आधारभूत सेवा उपलब्ध गराउन प्रतिबद्ध छ । जे एण्ड जे निर्माण सेवासँग २०८३ सालसम्म रु १२ करोड ५९ लाख ७९ हजार ४९६ को लागतमा निर्माण गर्ने सम्झौता भएको छ ।

06/04/2025

शेरबहादुर भण्डारी उपाध्यक्ष पदका आकांक्षी
उर्लाबारी, २४ चैत
नेकपा (एमाले) उर्लाबारीको दोस्रो नगरअधिवेशन चैत २६ गते हुने भएको छ ।
नयाँ नेतृत्व चयनका लागि विभिन्न आकांक्षीहरूले उम्मेद्वारी घोषणा गरिरहेका
छन् ।
यसैक्रममा उर्लाबारी–४ निवासी तथा पुराना एमाले कार्यकर्ता शेरबहादुर भण्डारीले उपाध्यक्ष पदमा उम्मेद्वारी दिने घोषणा गरेका छन् । मिलनसार र सहयोगी स्वभावका भण्डारी पार्टीका गतिविधिमा सक्रिय रहँदै आएका छन् । पार्टीभित्र एकता, सांगठनिक सुदृढीकरण र जनअपेक्षाहरू सम्बोधन गर्ने प्रतिबद्धता जनाउँदै उनले नेतृत्व तहमा रहेर काम गर्ने इच्छा व्यक्त गरेका छन् ।
भण्डारी उर्लाबारी उद्योग वाणिज्य संघको अध्यक्षमा एमालेतर्फबाट निर्वाचित हुने पहिलो व्यक्ति हुन् । उनले संघको नेतृत्वमा रहँदा उर्लाबारी महोत्सव आयोजना गरी स्थानीय व्यापार प्रवद्र्धनमा महत्वपूर्ण भूमिका खेलेका थिए । व्यवसायीहरूको हकहितका लागि गरेका उनका कार्यहरू प्रशंसित
छन् । उनलाई जिताउनुपर्नेमा पार्टीका अगुवा कार्यकर्ताहरूले जोड दिएका छन् ।

06/04/2025

अधिवेशन तँछाड मछाड गर्ने मैदान नबनोस्‌
उर्लाबारी, २४ चैत
नेकपा एमाले अहिले देशभरि पालिका स्तरका कमिटीहरूको अधिवेशनमा व्यस्त छ । संगठन विस्तार, नेतृत्व चयन र कार्यदिशा निर्माणका लागि यो प्रक्रिया महत्वपूर्ण मानिन्छ । तर, पछिल्लो समय अधिवेशनहरू चुनावी होडबाजीमा सीमित बन्दै गएको देखिन्छ । कामभन्दा पदप्राप्तिमा केन्द्रित प्रवृत्तिले पार्टीको दीर्घकालीन सुदृढीकरणमा प्रश्नचिह्न खडा गरेको छ ।
पार्टीको जडभन्दा माथिसम्मको संरचना एक सशक्त, नीतिनिष्ठा र जनउत्तरदायी कार्यकर्ता उत्पादनमा टेकेर अगाडि बढ्नुपर्छ। तर, अहिलेको अधिवेशनहरूमा देखिएको माहोल उल्टो छ—जहाँ कार्यकर्ताहरू विचार र निष्ठाको सट्टा भागबण्डा र गुटगत समर्थनमा व्यस्त छन्। नेताहरू पद र शक्ति केन्द्रित राजनीतिमा रमाइरहेका छन् भने युवाशक्ति निराश बन्दै छ ।
नेपालको वर्तमान राजनीतिक परिस्थितिमा जनताले स्थायित्व, पारदर्शिता र विकासमुखी कार्यदिशा खोजिरहेका छन् । त्यसका लागि दलहरूले गहिरो आत्ममूल्यांकन गर्दै स्थानीय तहदेखि नै जनभावनालाई आत्मसात गर्न सक्नुपर्छ। अधिवेशन पदको मात्र खेल होइन, यो पार्टीभित्र नेतृत्व सृजनाको सशक्त माध्यम हुनुपर्छ ।
नेकपा एमालेजस्तो पुरानो र सुदृढ संगठनले अब अधिवेशनलाई सच्चा कार्यकर्ता निर्माणको अवसरको रूपमा लिनुपर्छ। व्यवहारिक रूपमा काम गर्न सक्ने, जनतासँग जोडिन सक्ने, नीतिगत बहस गर्न सक्ने र संगठनलाई बलियो बनाउने खालका व्यक्तिहरू अघि ल्याइनु आवश्यक छ। केवल चुनाव जित्ने क्षमता भएर मात्रै नेताको हैसियत पाइने हो भने संगठन खोक्रो बन्ने खतरा रहन्छ ।
अतः पालिका स्तरका अधिवेशनहरूलाई केवल चुनावी प्रतिस्पर्धा बनाउने होड बन्द गरौं। त्यसलाई कार्यकर्ता प्रशिक्षार्थी थलो बनाऔं, जहाँ नेताहरू सिर्जना हुन्छन्, विचारहरू विकसित हुन्छन् र पार्टी जनउत्तरदायी
बन्छ । जे होस् अधिवेशन तँछाड मछाड गर्ने मैदान नबनोस् ।

06/04/2025

मलको अभावले किसानहरु समस्यामा
मोरङ, २४ चैत
मुलुकभरि चैतदेखि सुरु भएको धान, मकै लगायतका बालीका लागि आवश्यक
रासायनिक मलको चरम अभावले किसानहरु गम्भीर समस्यामा परेका छन् । उक्त विषयमा अखिल नेपाल किसान महासंघले गम्भीर ध्यानाकर्षण गराउँदै सरकारसामु तत्काल समस्या समाधानको माग गरेको छ ।
महासंघले एक विज्ञप्ति जारी गर्दै युरिया र पोटास मलको चरम अभावका कारण किसानहरुको कृषि उत्पादन र जीविकोपार्जनमा गम्भीर असर परेको जनाएको छ। महासंघका अध्यक्ष डा. प्रेम बंगालद्वारा हस्ताक्षरित विज्ञप्तिमा भनिएको
छ, “राज्यले मलका लागि अनुदानको व्यवस्था गरे पनि आपूर्ति र वितरणमा भएको लापरवाहीले किसानहरु सास्ती भोग्न बाध्य भएका छन् ।”
विज्ञप्तिमा नेपाल सरकार र सम्बद्ध निकायहरुले मल आपूर्तिको आधारभूत जिम्मेवारी निर्वाह गर्न नसकेको भन्दै आलोचना गरिएको छ । साथै, दीगो समाधानका लागि ठोस रणनीति र योजना बनाउँदै मलको सहज उपलब्धता सुनिश्चित गर्न सरकारसँग जोडदार माग गरिएको छ ।
महासंघले सबै श्रमजीवी किसानहरुलाई एकजुट हुन पनि आह्वान गरेको छ ।
゚

06/04/2025

निर्वाचनमा बहुपक्षीय प्रतिस्पर्धा सिर्जना
उर्लाबारी, २४ चैत
यही चैत २६ गते हुने नेकपा एमाले उर्लाबारी नगर कमिटीको निर्वाचन अत्यन्तै रोचक बन्दै गएको छ । अध्यक्ष, उपाध्यक्ष, सचिव र उपसचिव द्वय पदका लागि दर्जनौं उम्मेद्वारहरूले आ–आफ्नो दाबी प्रस्तुत गरेसँगै निर्वाचनमा बहुपक्षीय प्रतिस्पर्धा सिर्जना भएको छ ।
अध्यक्ष पदका लागि उर्लाबारी–७ का मेघराज श्रीपाली, निरोज तिम्सिना, उर्लाबारी–१ का गोपाल रिमाल, उर्लाबारी–९ का सुरेन्द्र शेर्मा र उर्लाबारी–४ का यम न्यौपानेले उम्मेद्वारी घोषणा गरेका छन् । यसैगरी उपाध्यक्ष पदमा
शेरबहादुर भण्डारी, सुरेश शाक्य, योगराज लाबुङ लिम्बु, खेमचन्द्र थापा र भरत मणि गौतमले दाबी गरेका छन्।
सचिव पदमा चेतन सिग्देल, इन्द्रबहादुर भट्टराई र सुनिल धिमालबीच प्रतिस्पर्धा हुने अवस्था छ। उपसचिव द्वय पदमा अमृता नेपाली, रुद्र लामिछाने, छविलाल दाहाल, नित्तम चौहान र कल्पना नाल्बो उम्मेदवार बनेका छन् । खुल्ला सदस्य पदमा उर्लाबारी–४ का सक्रिय युवा तथा व्यवसायी सुनिल बोहोराले उम्मेदवारी घोषणा गरेका छन् ।
त्यसैगरी लेखा समिति संयोजकमा उर्लाबारी ४ का दुर्गाराम कार्कीले उम्मेद्वारी घोषणा गरेका छन् । निर्वाचन प्रमुख तथा प्रदेश कमिटी सदस्य भीष्मा रेग्मीका अनुसार हालसम्म उर्लाबारी नगर भित्र नवीकरण गरिएका १,०८० जना संगठित सदस्यहरूमध्येबाट २०४ जना प्रतिनिधिहरू चयन गरिएका छन् । यी प्रतिनिधिहरूले आगामी नेतृत्व चयन गर्नेछन् ।
यस निर्वाचनलाई सर्वसम्मत बनाउन पार्टीको नेतृत्व पंक्ति लागि
परेको नगर अध्यक्ष गंगाप्रसाद बास्तोलाले जानकारी दिएका छन् । यद्यपि अहिलेको माहोलले प्रतियोगिता चर्किएको संकेत दिएको छ ।
उम्मेद्वारहरूले घरदैलो अभियानलाई तीव्र बनाउँदै आफ्ना एजेन्डा प्रस्तुत गरिरहेका छन् । प्रतिनिधिहरू अनुभवी र काम गर्न सक्ने नेतृत्वको पक्षमा मतदान गर्नुपर्ने आवाज उठाइरहेका छन् ।
नगर कमिटीमा जाने प्रतिनिधिहरूको छनोट वडागत भूगोल तथा क्लस्टर प्रतिनिधित्वका आधारमा भइरहेको छ । निर्वाचनको सम्पूर्ण कार्यक्रम चैत २६ गते सम्पन्न हुनेछ भने मतदान चैत २७ गते हुने निर्वाचन समितिले जनाएको छ ।
यो निर्वाचनले उर्लाबारीका एमाले कार्यकर्ताहरूको विशेष ध्यान खिचेको छ । तर नेतृत्व कसको पोल्टामा पर्छ भन्ने विषय मतदानपछि मात्रै प्रष्टिनेछ । जे होस्, सबै उम्मेद्वारहरू सशक्त नेतृत्वको दाबी गर्दै नगर पार्टीलाई नयाँ दिशामा डो–याउने प्रतिबद्धतासहित मैदानमा उत्रिएका छन् ।
゚

05/04/2025

बोल्ने अधिकार दिएको कि बौलाहा हुने ? ゚゚viralシfypシ゚゚viralシfypシ゚viralシalシ

31/03/2025

एमाले उर्लाबारी अधिवेशनमा अध्यक्षका आकांक्षीहरूको चहलपहल
उर्लाबारी, १८ चैत
नेकपा (एमाले) उर्लाबारीले नयाँ नेतृत्व चयनका लागि यही चैत २६ गते (मंगलबार) नगर अधिवेशन गर्ने भएको छ । बिहीबार उर्लाबारी–३ स्थित नगर पार्टी कार्यालयमा बसेको पूर्ण बैठकले अधिवेशनको मिति तय गरेको हो ।
बैठकमा एमाले केन्द्रीय अनुशासन आयोग सदस्य लक्ष्मीदेवी भण्डारी, प्रदेश कमिटी सदस्य तथा नगर इन्चार्ज भिष्मा रेग्मी तथा प्रदेश सांसद एवं एमाले जिल्ला सचिवालय सदस्य उमाकान्त गौतमले मन्तव्य राखेका थिए । नेताहरूले अधिवेशनलाई सफल बनाउन सबै तहका कार्यकर्ताहरूलाई सक्रिय भूमिका खेल्न आग्रह गरेका छन् ।
नगर अधिवेशनका लागि वडा शाखा कमिटी र जनसंगठनहरूबाट २ सय ११ प्रतिनिधिहरू चयन गरिनेछन् । बैठकमा नगर सचिव गोपालप्रसाद रिमालद्वारा प्रस्तुत सांगठनिक प्रतिवेदन र नगर उपसचिव भरतमणि गौतमद्वारा प्रस्तुत आर्थिक प्रतिवेदन सुझावसहित पारित गरिएको छ । बैठकले अधिवेशनलाई व्यवस्थित बनाउन निर्वाचन, व्यवस्थापन, प्रचार–प्रसार, आर्थिक लगायतका विभिन्न समिति गठन गरेको छ । नगर सचिव गोपालप्रसाद रिमालका अनुसार अधिवेशन एमालेको सांगठनिक सुदृढीकरणका लागि महत्वपूर्ण अवसर हुनेछ ।
अध्यक्ष पदका आकांक्षीहरूबीच तीव्र प्रतिस्पर्धा नेकपा एमाले उर्लाबारी नगर अधिवेशन यही चैत २६ गते हुने भएपछि अध्यक्ष पदका लागि प्रतिस्पर्धा तीव्र बनेको छ । वर्तमान अध्यक्ष गंगाप्रसाद बास्तोलाले नेतृत्व हस्तान्तरण गर्ने घोषणा
गरेपछि आकांक्षीहरूबीच रस्साकस्सी सुरु भएको हो । गंगाप्रसाद बास्तोला उर्लाबारीमा प्रभावशाली नेताको रूपमा चिनिन्छन् । सबैलाई मिलाउने क्षमताका कारण उनले व्यापक प्रभाव जमाएका छन् । यसै क्रममा उर्लाबारी ९ निवासी एमालेका युवानेता सुरेन्द्र शेर्मा, उर्लाबारी ७ निवासी मेघराज श्रीपाली, उर्लाबारी ७ निवासी निरोज तिम्सिना र उर्लाबारी १ निवासी गोपालप्रसाद रिमालले अध्यक्ष पदका लागि दाबी प्रस्तुत गरेका छन् । सुरेन्द्र शेर्माले पार्टीको संगठन विस्तार र सामाजिक गतिविधिमा सक्रिय छन् र उनी यस पटक सबैको समर्थन प्राप्त हुने विश्वासमा छन् ।
यसैगरी मेघराज श्रीपालीले विभिन्न संघसंस्थामा नेतृत्वदायी भूमिका निभाइसकेका विगतमा क्षेत्री सदस्य समेत भएर काम गरिसकेको बताउँदै पार्टीलाई थप उचाइमा पुर्याउने लक्ष्यसहित अध्यक्ष पदमा उम्मेद्वारी दिने घोषणा गरेका छन् ।
त्यस्तै निरोज तिम्सिनाले लामो समयदेखि पार्टीमा सक्रिय रहनुका साथै उर्लाबारीको सचिव लगायतका पदमा बसेर राजनीतिमा संलग्न छन् । लामो संघर्षपछि नेतृत्व हातमा लिने सोचका साथ उनले अध्यक्ष पदमा दाबी गरेको
बताउँछन् ।
त्यसैगरी गोपालप्रसाद रिमाल वर्तमान पार्टी सचिवको जिम्मेवारी सफलतापूर्वक पूरा गरिसकेका छन् । एकपटक अध्यक्ष भएर उर्लाबारीलाई एमालेमय बनाउने योजनासहित उनले उम्मेद्वारी दिने बताएका छन् । त्यस्तै वर्तमान अध्यक्ष गंगाप्रसाद बास्तोलाले सर्वसम्मत नेतृत्व चयनका लागि पहल भइरहेको बताएका छन् । उनले भने, “मैले नेतृत्व हस्तान्तरण गर्ने निर्णय गरिसकेको छु । अब आकांक्षी साथीहरूबीच सहमतिमा नेतृत्व चयनका लागि मेरो तर्फबाट पहल हुनेछ ।” एमाले उर्लाबारी नगर अधिवेशनमा अध्यक्ष पदका आकांक्षीहरूबीचको प्रतिस्पर्धा रोचक हुने देखिएको छ ।
゚

Kbckhabar

04/08/2025

31/07/2025

19/04/2025

13/04/2025

13/04/2025

13/04/2025

06/04/2025

06/04/2025

06/04/2025

06/04/2025

05/04/2025

31/03/2025

Address

Telephone

Website

Alerts

Contact The Business

Shortcuts

Share

Category