Darpan Fm 99.2 mhz

22/02/2026

यस दर्पण एफएममा कार्यरत पत्रकार प्रिय धन लाई जन्मदिनको शुभकामना ❤️❤️🌹🌹

31/01/2025

12/11/2022

कार्यक्रम : दर्पण क्विज
हरेक साताको शनिबार बिहान १० बजेको समाचारपछि
सहभागिताका लागि फोन 078410117
म्यासेजका लागि 9823133123

09/11/2022

मध्यविन्दु नगरपालिकामा एकीकृत शैक्षिक व्यवस्थापन सुचना प्रणाली इमिस सम्बन्धी १ दिने तालिम सम्पन्न
प्रिय धन , दर्पण एफएम , चोरमारा
२३ कार्तिक २०७९
मध्यविन्दु नगरपालिकामा एकीकृत शैक्षिक व्यवस्थापन सूचना प्रणाली इमिस सम्बन्धी १ दिने तालिम बुधबार सम्पन्न भएको छ । विद्यालयको शैक्षिक गतिविधि अद्यावधिक गर्ने सफ्टवेयर सम्बन्धी धेरै काम नहुँदा विद्यालयको शैक्षिक गतिविधि सफ्टवेयर मार्फत अपडेट समेत नहुँदा समस्या हुन सक्ने भन्दै नगरपालिका भित्रका सम्पूर्ण सामुदायिक र संस्थागत सबै विद्यालयका कम्प्युटर शिक्षकलाई पुनर्ताजगी तालिम प्रदान गरिएको मध्यविन्दु नगरपालिका शिक्षा शाखा प्रमुख उपसचिव टेक प्रसाद पाण्डेले जानकारी दिनुभयो ।
मध्यविन्दु नगरपालिका शिक्षा युवा तथा खेलकुद शाखाको आयोजनामा पुनर्ताज़गी तालिम प्रदान गरिएको शिक्षा अधिकृत कृष्ण प्रसाद रेग्मीले बताउनुभयो । तालिम मध्यविन्दु नगरपालिकाको सभाहलमा बुधबार सम्पन्न भएको हो । कार्यक्रम मध्यविन्दु नगरपालिकाका शिक्षा युवा तथा खेलकुद शाखा प्रमुख टेक प्रसाद पाण्डेको अध्यक्षतामा सम्पन्न भएको हो । कार्यक्रममा बोल्नुहुँदै पाण्डेले विद्यार्थी ढाँटेर अनुदान प्राप्त गर्ने प्रवृत्तिको अन्त्य यहि प्रविधिका कारण सफल भएको भन्दै प्रविधिसंगै चलायमान हुन सबैमा आग्रह समेत गर्नुभयो ।
तालिममा शिक्षा अधिकृत कृष्ण प्रसाद रेग्मीले सहजीकरण गर्नुभएको थियो । नगरपालिका भित्रका सबै विद्यालयले कार्तिक मसान्तभित्रै इमिस अपडेट गर्नुपर्ने निर्देशन समेत दिईएको शिक्षा अधिकृत कृष्ण प्रसाद रेग्मीले बताउनुभयो । अब सरकारबाट प्राप्त हुने हरेक अनुदान इमिसलाई आधार मानेर प्रदान गरिने हुँदा सत्य तथ्य र तत्काल अपडेट गर्न पनि शिक्षा अधिकृत रेग्मीले आग्रह गर्नुभयो ।पुनर्ताज़गी तालिम प्राप्त गरेकोमा इमिस हेर्ने शिक्षक भने खुशी देखिएका थिए ।
साथै उनीहरुले इमिसबाटै आर्थिक कारोबारको बिलिंग सिस्टम समेटिनु पर्ने सुझावसमेत राखेका थिए । सहभागीको तर्फ़बाट शान्तिदीप इंग्लिश बोर्डिंग स्कुल मध्यविन्दु १० का शिक्षक नारायण थापा र शान्ति आधारभूत विद्यालय मध्यविन्दु १ सेतापानीका शिक्षक यमुना अधिकारीले शिक्षा युवा तथा खेलकुद शाखा मध्यविन्दुलाई तालिम आयोजना गरेकोमा धन्यवाद ज्ञापन गर्नुभएको थियो । साथै तम्सरिया इंग्लिश बोर्डिंग स्कुल मैनाघाटका संचालक सागर ढकालले अनुभव साटासाट गर्दै सहजीकरणमा सहयोग गर्नुभएको थियो ।

22/10/2022

वन विनाश र क्षयीकरण न्यूनिकरणमा सामुदायिक वनको भूमिका र योगदान सम्बन्धी जिल्ला स्तरीय गोष्ठि शनिबार हुप्सेकोट–३ को मयुर पोखरी सामुदायिक वन उपभोक्ता समूहको भवनमा सम्पन्न भएको छ ।

22/10/2022

तिहार लागेसँगै चोरमारा बजारमा चहलपहल बढ़यो ,
शनिबार साँझको दृश्य

21/10/2022

निस्दी गाउँपालिका ४ मित्यालमा रहेको मौलादेवी आधारभूत विद्यालयमा देऊसी भैलो प्रतियोगिता सम्पन्न
प्रिय धन , नवलपुर

पाल्पाको निस्दी गाउँपालिका ४ मित्यालमा रहेको मौलादेवी आधारभूत विद्यालयमा देऊसी भैलो प्रतियोगिता सम्पन्न भएको छ । विद्यालयको शुक्रबारीय नियमित कार्यक्रम अन्तरगत प्रतियोगिता सम्पन्न भएको हो । कार्यक्रममा बोल्दै विद्यालयका प्रधानाध्यापक ङनिसरा सुनारीले संस्कृति संरक्षण र प्रवर्धनका लागि विद्यालयमा प्रतियोगिता संचालन गरिएको बताउनुभयो । उहाँले शिक्षा संगसँगै संस्कार र परम्परा भुल्न नहुने भन्दै आगामी दिनमा पनि यस्ता खालका सांस्कृतिक कार्यक्रमको आयोजना गरिने बताउनुभयो । प्रतियोगितामा गण्डकी सदनका संयोजक कमला सोतीको समूह प्रथम र सगरमाथा सदनका सम्झना सोतीको समूह दोस्रो भएको थियो । विजेताहरुलाई पुरस्कार समेत वितरण गरिएको थियो । २०७८ सालमा सो विद्यालयमा कक्षा ८ मा अध्ययनरत विद्यार्थीद्वारा प्रथम पुरस्कारको सौजन्य भएको थियो भने विद्यालय व्यवस्थापन समितिका अध्यक्ष पान बहादुर सोतीले दोस्रो पुरस्कारको सौजन्य गर्नुभएको थियो । कार्यक्रमको संचालन मौलादेवी आधारभूत विद्यालयका सहायक प्रधानाध्यापक कुबेर पाण्डेले गर्नुभएको थियो ।

16/10/2022

नवलपुरका विद्यालयलाई निर्वाचन आचारसंहिता पालना गर्न शिक्षा विकास तथा समन्वय इकाई नवलपुरको निर्देशन
प्रिय धन
मंसीर ४ गते हुने संघ तथा प्रदेशको निर्वाचनमा आचारसंहिता पालना गर्न नवलपुरका सम्पूर्ण विद्यालयलाई निर्देशनात्मक अनुरोध गरिएको छ । आइतबार शिक्षा विकास तथा समन्वय इकाई नवलपुरका प्रमुख रूद्र शर्माद्वारा एक सूचना जारी गर्दै विद्यालयलाई आचारसंहिता पालना गर्न भनिएको हो । सूचनामा आचारसंहिता विपरित विद्यालय हाताभित्र कुनै पनि राजनैतिक दल वा उम्मेदवारका तर्फ़बाट सभा , जुलुस , बैठक , सम्मलेन , छलफल अन्तरक्रिया जस्ता कार्यक्रम गर्ने अनुमति नदिन र विद्यालय व्यवस्थापन समिति , शिक्षक , कर्मचारीबाट समेत उक्त आचार संहिता विपरीत कुनै पनि कार्य नगर्न नगराउन अनुरोध गरिएको छ ।
आचारसंहिता उल्लंघन गरेको पाइएमा निर्वाचन कसूर बमोजिम सजाय हुने समेत चेतावानी दिईएको छ ।

14/10/2022

लक्ष्मी आदर्श आधारभूत विद्यालय अम्रसामा अक्षयकोष स्थापना
प्रिय धन , चोरमारा l
पूर्वी नवलपरासी नवलपुरको मध्यविन्दु नगरपालिका ७ अम्रसामा रहेको लक्ष्मी आदर्श आधारभूत विद्यालयमा शुक्रबार अक्षयकोषको स्थापना गरिएको छ l स्वर्गीय गुप्त बहादुर मल्लको सम्झनामा छोरा लाल बहादुर मल्ल र बुहारी शिव कुमारी मल्लद्वारा शुक्रबार २० हजार १५५ रुपैयाँको अक्षयकोष स्थापनाका लागि विद्यालयमा रकम प्रदान गरिएको हो l मध्यविन्दु नगरपालिकाका कार्यपालिका सदस्य तथा मध्यविन्दु ७ का वडा सदस्य समेत रहनुभएका शिव कुमारी मल्लले विद्यालयका जेहेन्दार बालबालिकाको थप हौसलाका लागि स्वर्गीय ससुराको नाममा अक्षयकोष स्थापना गरेको बताउनुभयो l
रकम ग्रहण गर्दै विद्यालयका विद्यालय व्य्वास्थापन समितिका अध्यक्ष राम प्रसाद पोख्रेल र प्रधानाध्यापक ऋषिराम भुसालले अक्षयकोषका लागि आएको रकमको सहि सदुपयोग गर्ने र सो रकम विद्यार्थीको शैक्षिक उपलब्धि बढाउनका लागि सहयोगीसिद्ध हुने विश्वास व्यक्त गर्नुभयो l
लक्ष्मी आदर्श आधारभूत विद्यालयमा हालसम्ममा विभिन्न व्यक्तिको सम्झनामा तीन लाख रुपैयाँ बढीको अक्षयकोष रहेको विद्यालयका प्रधानाध्यापक ऋषिराम भुसालले जानकारी दिनुभयो l
विद्यालयको नियमित कार्यक्रम दोस्रो त्रैमासिक परीक्षाको परीक्षाफल प्रकाशनको अवसरमा अक्षयकोषको स्थापना गरिएको हो l साथै आज नै विद्यालयको दोस्रो त्रैमासिक परीक्षाको परीक्षाफल समेत प्रकाशन गरिएको छ l कार्यक्रममा मध्यविन्दु नगरपालिका कार्यपालिका सदस्य शिव कुमारी मल्ल , अम्रसा सामुदायिक वन उपभोक्ता समुहका कोषाध्यक ध्रुव न्यौपाने , विद्यालय व्यवस्थापन समितिका सदस्यहरु , शिक्षक अभिभावक संघका सदस्यहरु ज्योति फाल , फुलमाया महतो , देवी महतो लगायतकाको आतिथ्यता रहेको थियो l विद्यालयका प्रधानाध्यापक ऋषिराम भुसालको अध्यक्षता तथा व्यवस्थापन समितिका अध्यक्ष राम प्रसाद पोख्रेलको प्रमुख आतिथ्यतामा कार्यक्रम सम्पन्न भएको हो l

08/10/2022

सामुदायिक रेडियो दर्पण ९९.२ का लेखा समिति संयोजक उदयराज अर्याललाई जन्मदिनको अवसरमा हार्दिक शुभकामना व्यक्त गर्दछौं ।
देवलाल काफ्ले
कार्यवाहक अध्यक्ष एवम् दर्पण एफएम परिवार

08/10/2022

नेकपा एमालेले नवलपुरमा आफ्नो उम्मेदवारको टुंगो लगाएको छ । प्रनितिधि सभा क्षेत्र नं. १ मा कृष्ण पौडेल, क्षेत्र नं. २ मा तिलक महतको नाम टुंगो लागेको हो । यस्तै प्रदेश तर्फ १ क रविन्द्र अधिकारी, १ ख रोशन बहादुर गाहा, २ क पद्मा जिसी र २ ख मा लक्षमण पाण्डेको नाममा टिकट आएको छ ।

07/10/2022

सत्ता गठबन्धन अनुसार नवलपुरमा नेपाली कांग्रेस, माओवादी केन्द्र र नेकपा एसले सिट वाडफाड गरेका छन् । जस अनुसार नवलपुरमा प्रतिनिधि सभा क्षेत्र नं. १ नेपाली कांग्रेस र क्षेत्र नं. २ माओवादी केन्द्रले प्राप्त गर्ने भएको छ । यस्तै प्रदेश तर्फ १ को क नेपाली कांग्रेस, १ को ख नेकपा माओवादी केन्द्र, २ को क नेपाली कांग्रेस र २ को ख नेकपा एसले पाउनेछन् ।