15/10/2025
सन् २०२६ को टी२० विश्वकप क्रिकेटका लागि एशिया तथा पूर्वी एशिया प्यासिफिक छनोट प्रतियोगिताअन्तर्गत 'सूपर सिक्स'को खेलमा नेपालले ओमानलाई ३८ रनले हराएको छ।
ओमानमा जारी खेलमा नेपालले टस जितेर ब्याटिङ रोज्दै १५२ रनको लक्ष्य दिएको थियो।
जवाफी ब्याटिङमा ओमानले २० ओभरमा ९ विकेटको क्षतिमा ११३ रन मात्र बनाएको थियो।
आजको खेलमा नेपालका लागि कुशल भुर्तेलले सर्वाधिक ६९ रन बनाएका थिए।
सूपर सिक्स अङ्कतालिकामा समान अङ्क पाएका नेपाल र ओमान विश्वकपका लागि छनोट भइसकेका छन्।
छनोटसँगै लगातार टी२० विश्वकप खेल्ने नेपालको लक्ष्य पूरा भएको छ।
अब नेपालले आफ्नो अन्तिम खेलमा शुक्रवार सामोआको सामना गर्ने छ।
