02/07/2025
सामाजिक संजाल कर्ता गणेश कार्की लेख्छन्, " नेपाली कांग्रेसका महामन्त्रीहरू भोलि देशको नेतृत्व लिन्छु भनेर अभियानमा हुनुहुन्छ । उहाँहरू हिमाल चढ्न, बास्केटबल खेलेकाे भिडियो बनाउन सबै भ्याउनु हुन्छ । नभ्याउने भनेको त्यही नीति पढ्न, प्रतिवेदन पढ्न मात्रै रैछ ।
संसदमा सबै भन्दा कम उपस्थिति उहाँहरुको नै हुन्छ । किन संसद बैठकमा नआएको भन्ने प्रश्नको जवाफ आउँथ्यो, 'थोरै आएर के भयो, काम हेर । संख्या हैन, गुणस्तर हेर ।'
राज्य व्यवस्था तथा सुशासन समितिका गगन थापा र विश्व प्रकाश शर्मा सहित प्रचण्ड लगायतका सांसदहरूले 'कुलिङ पिरियड' रहेको निजामती सेवा विधेयक प्रतिवेदन पढ्दै नपढी 'कुलिङ पिरियड' नहटाएको प्रतिवेदनमा सहि गरेका रहेछन् ।
अहिले कर्मचारीलाई दोष लगाउने बाटो खोज्दैछन् जस्तो छ । भन्लान्, टाइप गर्ने कर्मचारी फटाहा हो । त्यसले नपुगे रामहरि खतिवडा सभापति हो, उसको फट्याइँ हो, उसले प्रतिवेदन पढ्न नै दिएन । नेतृत्वमा बसेकाहरुको यो तर्क आयो भने कुरीकुरी भन्दिनु होला ।
अब सोधौँ, यस अगाडि कति प्रतिवेदन, विधयेक र नीतिहरुमा यस्तै लापरबाही गर्यौ ? सांसदको काम के के हो ?"
