21/07/2025
धादिङ नुवाकोट समाज यूकेद्वारा अन्तर्राष्ट्रिय कुङफु पदक विजेता सरिना घले सम्मानित यूकेमा नेपालको शिर उच्च बनाउनुभएकी अन्तर्राष्ट्रिय कुङफु खेलाडी सरिना घलेलाई धादिङ नुवाकोट समाज यूकेले भव्य सम्मान गरेको छ। विभिन्न अन्तर्राष्ट्रिय प्रतियोगितामा उत्कृष्ट प्रदर्शन गर्दै देशलाई पदक दिलाएबापत सरिनालाई यो विशेष कदर गरिएको हो।बागमती प्रदेशका मुख्यमन्त्री बहादुरसिंह लामा र धादिङ नुवाकोट समाज यूकेका अध्यक्ष धनबहादुर तामाङले एनुएल समर गेट टुगेदर कार्यक्रममा सरिनालाई प्रशंसा पत्रसहित सम्मान प्रदान गर्नु भएको छ । यो सम्मानले सरिनाको अथक प्रयास र खेलकुदमा उहाँले पुर्याउनुभएको योगदानलाई कदर गरेको छ। हालै सरिनाले यूकेमा आयोजित दुई महत्त्वपूर्ण प्रतियोगिताहरू डब्लुएमएसी ब्रिटिस ओपन च्याम्पियनसिप र डब्लुएमएसी इङलिस च्याम्पियनसिपमा स्वर्ण पदक जित्दै नेपाललाई अन्तर्राष्ट्रिय खेलकुदमा गौरवमय स्थान दिलाउनुभएको थियो। यसअघि पनि उहाँलाई यसै सफलताका लागि तमु धि समाज यूके र मगर एसोसिएसन यूकेले सम्मान गरिसकेका छन्। नुवाकोटको किस्पाङ गाउँपालिका १, भाल्चेकी सरिना घले हाल यूकेमै मास्टर्स अध्ययन गरिरहनुभएको छ। तेस्रो डान सरिना आगामी सेप्टेम्बर १८ देखि २१ तारिखसम्म यूकेमै हुने डब्लुएमएसी इलाइट वर्ल्ड च्याम्पियनसिपमा सहभागिता जनाउने तयारीमा हुनुहुन्छ। सरिना घलेको यो सफलताले नेपाली खेलकुद क्षेत्रलाई थप प्रेरणा दिएको छ। उहाँको आगामी प्रतियोगिताका लागि हार्दिक शुभकामना जय नेपाल जय किस्पाङ जय भाल्चे ! 🙏🇳🇵✨✨✨✨💥 SaRina Rani Ghale
