
15/07/2025
ओखलढुङ्गामा जन्मिएका सुमन कार्कीले मोरङमा +२ पछि आफ्नो पढाइसँगै ३ वर्ष रेडियोमा काम गरे । रेडियोमा काम गर्दैगर्दा विभिन्न कार्यक्रम चलाएका उनले आफूमा भएको क्षमतालाई टेलिभिजनको पर्दा मार्फत प्रस्तुत गर्ने सपना देखे । त्यही सपना पूरा गर्न २०७२ सालमा काठमाडौँ आएका उनलाई पढाइ खर्च जुटाउन निकै गाह्रो भयो र रेडियो अडियोमा काम गर्न थाले । त्यहाँ काम गर्दैगर्दा धेरै कलाकारहरु भेट्न पाए र आफूले भेटेका कलाकार साथै विभिन्न व्यक्तिहरूको क्यारिकेचर गर्न थालेका उनी विभिन्न कमेडी कार्यक्रममा सहभागी हुँदै अहिले टेलिभिजनको पर्दा मार्फत दर्शकमाझ लोकप्रिय बनेका छन् । उनी भन्छन्, "सानैदेखि कमेडियन बन्ने रहर थियो । काठमाडौँ आएपछि मेरो रहर पेसामा बदलियो र मैले मेरो पेसालाई निरन्तरता दिएकै कारण आज यो स्थान सम्म आइपुगे ।" ❤️
Story. Suresh Timalsina