okhaldhungakhabar.com

30/05/2026

सुनकोशी र दूधकोशीको संगमस्थल जोर्तिघाटमा दुईमुखे पुल बन्यो

30/05/2026

30/05/2026

बेथुखर्क, ज्यामिरे || ओखलढुंगा

26/05/2026

देम्बाडाँडा, पोकली र चम्पादेवी मन्दिरलाई पर्यटकीय केन्द्रका रुपमा विकास गरियोस् : विश्वराज पोखरेल

24/05/2026

ओखलढुंगा । खिजीदेम्बा गाउँपालिकामा रहेको लिखु ४ जलविद्युत आयोजना प्रभावित क्षेत्रमा सामुदायिक सहयोग कार्यक्र.....

23/05/2026

युगकवि सिद्धिचरण श्रेष्ठको ११५ औं जन्मजयन्तीको अवसरमा ओखलढुंगामा आयोजित 'ओखलढुंगा कविता उत्सव तथा खुला कविता प्रतियोगिता' मा झापा दमकका विवेक दुलाल क्षेत्री प्रथम हुनुभएको छ । देशभरबाट प्राप्त २०० भन्दा बढी कविका सिर्जनालाई पछि पार्दै 'उचाइको प्रयोगशालाबाट' शीर्षकको कवितामार्फत उहाँले १५ हजार रुपैयाँ नगदसहित प्रमाणपत्र प्राप्त गर्नुभयो ।

सर्जक चौतारी ओखलढुंगा र सिद्धिचरण संग्रहालय समितिको संयुक्त आयोजनामा भएको उक्त प्रतियोगितामा उत्कृष्ट १० कविताहरु वाचनका लागि छनोट गरिएका थिए । तीमध्ये ८ कविहरु प्रतियोगितामा सहभागी भएका थिए । प्रतियोगितामा 'ऐनामा हराएका फूलहरू' शीर्षकको कविताका सर्जक झापाकै निकेश डाँगी 'विक्षिप्त' द्वितीय र 'घडी र चक्र' शीर्षकको कविताका सर्जक काभ्रेपलाञ्चोकका प्रताप चौलागाई तृतीय बन्नुभएको छ । उहाँहरूले क्रमशः १० हजार र ५ हजार रुपैयाँ नगद पुरस्कार सहित प्रमाणपत्र प्राप्त गर्नुभयो । कार्यक्रमका प्रमुख अतिथि एवं सिद्धिचरण नगरपालिकाका उपप्रमुख केदारबाबु बस्नेतले युगकविले देखाएको क्रान्तिकारी मार्गको स्मरण गर्दै नगरपालिकाले साहित्यको उत्थानका लागि सधैं सहयोग गर्ने प्रतिबद्धता व्यक्त गर्नुभयो ।

सोही अवसरमा 'सिद्धिचरणको काव्य चेतना र आजको युवा आवाज' शीर्षकमा कार्यपत्र प्रस्तुत गर्दै शिक्षक तथा समालोचक युवराज दाहालले वर्तमान एआईको युगमा पनि मानवीय संवेदना र सिद्धिचरणको विद्रोही चेत उत्तिकै सान्दर्भिक रहेको बताउनुभयो । वि.सं. १९६९ जेठ ९ गते ओखलढुंगामा जन्मिनुभएका सिद्धिचरण श्रेष्ठले आफ्नो बाल्यकालको सात वर्ष ओखलढुंगामा बिताउनुभएको थियो । कार्यक्रममा युगकविले साहित्यमा दिनुभएको योगदानको चर्चा गरिएको थियो । कविता उत्सवमा आमन्त्रित तथा अतिथि कविहरू चन्द्र गुरुङ, हेमन यात्री, सबिता फागोसहित दर्जनौँ स्रष्टाहरूले आफ्ना चोटिला कविता वाचन गर्नुभएको थियो ।

प्रतियोगितामा उत्कृष्ट ५ भित्र पर्न सफल अन्य कविहरूमा खोटाङका अनाम उपेक्षित, सोलुखुम्बुका किशोर बायुङ राई, धनकुटाका विनोद विवश र ओखलढुंगाका पेशल कुमार बराल तथा सुमन दाहाल रहेको सर्जक चौतारीका अध्यक्ष वीरेन्द्र तामाङले जानकारी दिनुभयो ।

23/05/2026

युगकवि सिद्धिचरण श्रेष्ठको ११५ औं जन्मजयन्तीको अवसरमा ओखलढुंगा सदकाममा रहेको सिद्धिचरण पार्कमा युगकविको फोटोमा माल्यार्पण गरिँदै ।