PNN Khabar

14/04/2026

पर्वत, स्याङ्जा र गुल्मीको संगम स्थल सेतीवेणीमा आज नयाँ वर्षको विशेष रौनक! 🌸

11/04/2026

“शून्य बाँकी फ़ाईल सप्ताह”

टेबलमा अनावश्यक रूपमा थन्किने, निर्णयमा ढिलाइ हुने प्रवृत्ति रोक्नका लागि यस्तो अभियान सञ्चालन गर्न लागिएको प्रधानमन्त्री कार्यालयले उल्लेख गरेको छ ।

09/04/2026

Breaking: आज देखि पेट्रोलमा १७ र डिजेलमा २५ रुपैयाँ मूल्य बढेको छ । खाना पकाउने ग्यासको मुल्य पनि १०० रुपैयाँले बढ्यो ।

09/04/2026

ताप्लेजुङको आठराई त्रिवेणी गाउँपालिकामा आइतबार बिदा नहुने

08/04/2026

भाेलि चैत्र २६ देखि वैशाख २ गतेसम्म अाेमकार ईभेन्ट्स हवद्वारा वालिङ खेलमैदानमा सञ्चालन गरिने विविध साङ्गितिक कार्यक्रम सहितकाे First Expo काे तयारीले झकिझकाउ हुँदै...

08/04/2026

07/04/2026

करदाता सेवा कार्यालय बागलुङका प्रमुख कपिल सिल्वालले कर प्रशासनलाई प्रविधिमैत्री र विकेन्द्रीकृत बनाउने सरकारको नीति अनुसार पैयूँमा यो सेवा विस्तार गरिएको जानकारी दिनुभयो। प्रमुख सिल्वालले भन्नुभयो, "स्थानीय सरकारसँगको सहकार्यमा हामीले करदातालाई सहज बनाउन खोजेका हौं। भोलिदेखि नै प्यान दर्तादेखि अन्तःशुल्क नवीकरणसम्मका सबै प्राविधिक कार्यहरू यहीँबाट सुरु हुनेछन्।"

07/04/2026

पैयुँ गाउपालिकामा कार्यरत शिक्षक किशोर सापकोटा लेख्नु हुन्छ…
पैयूँमा विद्युत र सिम नेटवर्कको समस्या: हजारौं स्थानीय प्रभावित, समाधानमा सम्बन्धित निकाय मौन !

पर्वत, पैयूँ गाउँपालिका:पर्वत जिल्लाको दक्षिणी भेगमा पर्ने पैयूँ गाउँपालिका, जिल्लाकै दोस्रो ठूलो व्यापारिक केन्द्रका रूपमा चिनिने क्षेत्र हो। यहाँ पर्ने हातेमालो बजार दैनिक व्यापारिक गतिविधिका लागि महत्त्वपूर्ण केन्द्र मानिन्छ। तर, पछिल्ला दिनहरूमा यहाँका हजारौं स्थानीय बासिन्दा लगातारको विद्युत् आपूर्ति समस्या र कमजोर सिम नेटवर्कका कारण गम्भीर समस्यामा परिरहेका छन्।

स्थानीयका अनुसार विद्युत् बारम्बार जाने, लामो समयसम्म नआउने तथा मोबाइल नेटवर्क अत्यन्त कमजोर हुने समस्याले दैनिक जीवन, व्यापार, शिक्षा तथा सञ्चारमा प्रत्यक्ष असर परेको छ। विशेषगरी विद्यार्थीहरू अनलाइन अध्ययनमा बाधा खेपिरहेका छन् भने व्यापारीहरू डिजिटल कारोबार गर्न असमर्थ भएका छन्।

यस समस्याको समाधानका लागि न त नेपाल टेलिकम ले ठोस पहल गरेको देखिन्छ, न त स्थानीय सरकार नै प्रभावकारी रूपमा अघि बढेको छ। साथै हाल निर्वाचित सांसदहरूबाट पनि यस विषयमा चासो नदिइएको भन्दै स्थानीयवासी असन्तुष्ट देखिएका पैयूँका स्थानीय बासिन्दाहरूले सम्बन्धित निकायको ध्यानाकर्षण गराउँदै यथाशीघ्र विद्युत् आपूर्ति सुधार र भरपर्दो नेटवर्क सेवा उपलब्ध गराउन माग गरेका छन्।
“यस्तो समस्या लामो समयसम्म सहेर बस्न सकिन्न, तत्काल समाधान आवश्यक छ।”

अहिले पैयूँ क्षेत्रका बासिन्दा आशा गरिरहेका छन् कि सम्बन्धित निकाय र जनप्रतिनिधिहरूले चाँडै नै यस गम्भीर समस्याको समाधानतर्फ कदम चाल्नेछन्।

07/04/2026

पैयूँमा प्यान र राजस्व सेवा सुरु: गाउँपालिका र करदाता कार्यालयबीच सम्झौता

06/04/2026

पर्वत जिल्लामै पहिलो पैयूँमा आजदेखी प्यान र राजस्व सेवा सुरु:
गाउँपालिका र करदाता कार्यालयबीच सम्झौता !
पैयूँ, पर्वत । पर्वतको पैयूँ गाउँपालिकामा आज मिति २०८२ चैत २३ गतेदेखि कर तथा राजस्वसँग सम्बन्धित सेवाहरू औपचारिक रूपमा सञ्चालनमा आउने भएको छन्। सेवा सञ्चालनका लागि आज गाउँपालिका र करदाता सेवा कार्यालय बागलुङबीच औपचारिक कार्य सम्झौता समेत सम्पन्न भएको छ।
पहुँच र सहजताको नयाँ सुरुवात सम्झौता अनुसार अब पैयूँका बासिन्दाले व्यक्तिगत तथा व्यावसायिक स्थायी लेखा नम्बर (PAN) दर्ता, बायोमेट्रिक, राजस्व दाखिला तथा अन्तःशुल्क इजाजतपत्र नवीकरण जस्ता महत्त्वपूर्ण सेवाहरू आफ्नै गाउँपालिकाबाट प्राप्त गर्नेछन्।
#
कार्यक्रममा बोल्दै पैयूँ गाउँपालिकाका अध्यक्ष तोरण मल्ल ठकुरीले नागरिकलाई घरदैलोमै सरकारी सेवा पुर्‍याउनु नै वास्तविक संघीयता भएको बताउनुभयो। अध्यक्ष ठकुरीले भन्नुभयो, "संघीयता भनेकै नागरिकले आफ्नै दैलोमा सरकारको उपस्थिति महसुस गर्नु र सामान्य कामका लागि पनि केन्द्र धाउनुपर्ने बाध्यता हट्नु हो। हाम्रा व्यवसायी र सर्वसाधारण प्यान दर्ता र कर तिर्नका लागि मात्रै ठूलो खर्च गरेर सदरमुकाम वा बागलुङ जानुपर्ने सास्ती अब अन्त्य भएको छ। वास्तविक संघीयताको अभ्यास पनि यही हो।"

त्यस्तै, करदाता सेवा कार्यालय बागलुङका प्रमुख कपिल सिल्वालले कर प्रशासनलाई प्रविधिमैत्री र विकेन्द्रीकृत बनाउने सरकारको नीति अनुसार पैयूँमा यो सेवा विस्तार गरिएको जानकारी दिनुभयो। प्रमुख सिल्वालले भन्नुभयो, "स्थानीय सरकारसँगको सहकार्यमा हामीले करदातालाई सहज बनाउन खोजेका हौं। भोलिदेखि नै प्यान दर्तादेखि अन्तःशुल्क नवीकरणसम्मका सबै प्राविधिक कार्यहरू यहीँबाट सुरु हुनेछन्।"

आजदेखी नै सेवा सुचारु …

आज भएको सम्झौता लगत्तै सोमबारदेखी नै यी सेवाहरू सुचारु हुने गाउँपालिकाले जनाएको छ। यो व्यवस्थाबाट विशेषगरी स्थानीय व्यापारी, शिक्षक, कर्मचारी र साना उद्यमीहरू प्रत्यक्ष लाभान्वित हुनेछन्। गाउँपालिकाले सम्पूर्ण सेवाग्राहीलाई आवश्यक कागजातसहित कार्यालयमा उपस्थित भई सेवा लिन आह्वान गरेको गाउँपालिकाबाट उपलब्ध हुने मुख्य सेवाहरू:
सूचनाका अनुसार अब करदाताहरूले निम्न सेवाका लागि आन्तरिक राजस्व कार्यालय धाइरहनु पर्ने छैन:

* स्थायी लेखा नम्बर (PAN) जारी गर्ने: नयाँ व्यक्तिगत प्यान कार्ड बनाउने कार्य।
* व्यावसायिक प्यान (Business PAN): व्यवसायलाई आयकरमा दर्ता गर्ने कार्य।
* संशोधन कार्य: प्यान दर्तासँग सम्बन्धित विवरणहरू सच्याउने वा परिमार्जन गर्ने कार्य।
* प्यान रूपान्तरण: दर्ता खारेजी भएका व्यावसायिक प्यानलाई व्यक्तिगत प्यानमा रूपान्तरण गर्ने कार्य।

05/04/2026

चैत २२,[...]

05/04/2026

बिरुवा गाउँपालिकाका विभिन्न स्थानमा आँखा शिविर सञ्चालन हुने.....