https://www.facebook.com/305975379934245/

Easykhabar, Patan, Patan (2025)

05/09/2025

लण्डन । थारु कल्याणकारिणी सभा युकेले आउँदो सेप्टेम्बर १३ तारिखदेखि फेल्थम, लण्डनमा सुरु हुन लागिरहेको दोश्रो एनआरएन कप फुटबल प्रतियोगितामा सहभागिता रहने जनाएको छ । गैर आवासीय नेपाली संघ (NRNA) यूकेको आयोजनामा हुने यो प्रतियोगिता स्प्रिङवेस्ट एकेडेमी, ब्रोवेल्स लेन, फेल्थम (TW13 7EF) मा बिहान ८:३० बजेबाट सुरु हुनेछ । प्रतियोगिता ९-ए-साइड फुटबल ढाँचामा सम्पन्न हुनेछ । मुख्य समूह (१८–३५ वर्ष) अन्तर्गत विजेताले २२ सय युरो तथा उपविजेताले ११ सय युरो नगद पुरस्कार पाउनेछन् । थारु कल्याणकारिणी सभा युकेका सचिव प्रशान्त चौधरीले टोली सहभागी हुने जानकारी दिनुभएको हो । साथै, खेल व्यवस्थापनको जिम्मेवारी …...

लण्डन । थारु कल्याणकारिणी सभा युकेले आउँदो सेप्टेम्बर १३ तारिखदेखि फेल्थम, लण्डनमा सुरु हुन लागिरहेको दोश्रो एन....

30/08/2025

इसाई समाज नवलपरासी पूर्वका अध्यक्ष भोज बहादुर थनेतले नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’लाई इसाई समुदायसँग सम्बन्धित मागसहित ज्ञापनपत्र बुझाएका छन्। इसाई समाजले धार्मिक स्वतन्त्रता र सुविधासम्बन्धी विषयहरू राख्दै विशेषत: इसाई धर्मावलम्बीको लागि चिहान (कब्रिस्तान) को व्यवस्था गर्नुपर्ने तथा भयमुक्त वातावरणमा संगति (सभा/उपासना) गर्न पाउने सुनिश्चितता दिलाउनुपर्ने माग प्रस्तुत गरेको थियो। ज्ञापनपत्र बुझाइसकेपछि प्रचण्डले मागलाई ध्यानपूर्वक सुनेर सकारात्मक प्रतिक्रिया व्यक्त गरेका छन्। उनले धार्मिक स्वतन्त्रता नेपालको संविधानले सुनिश्चित गरेको अधिकार भएको र व्यवहारमै कार्यान्वयन गर्न आफू प्रयासशील रहने बताएका सहभागीहरूले जानकारी दिए। यस अवसरमा प्रचण्डले थारु डण्डास्थित थनेत परिवारमा पुगेर भेटघाट...

Please be advised that LiteSpeed Technologies Inc. is not a web hosting company and, as such, has no control over content found on this site.

16/08/2025

वीरगञ्ज । नेपाल इन्जिनियर्स एसोसिएसन (NEA) निर्वाचन–२०८२ को वीरगञ्ज केन्द्रमा CDEN, SEN, PEAN, NEON, SEAN र EJU प्यानल विजयी भएको छ। शनिबार वीरगञ्ज इन्स्टिच्युट अफ टेक्नोलोजी (BIT) मा सम्पन्न निर्वाचनमा गठबन्धन प्यानलका सबै पदाधिकारी उम्मेदवारले प्रतिस्पर्धीलाई हराउँदै ऐतिहासिक जित हासिल गरेका हुन्। यसअघि पनि प्रचारप्रसारमा अग्रता लिएको गठबन्धन प्यानलले अध्यक्षदेखि सदस्यसम्म सबै पदमा विजयी भएर संगठनभित्रको नेतृत्व आफ्नो पक्षमा तानेको हो। निर्वाचन परिणामसँगै विजयी प्यानलका उम्मेदवारहरूलाई समर्थकहरूले विजयी जुलुससहित स्वागत गरेका छन्। स्थानीय इन्जिनियरहरूले यसलाई “एकता, सेवा र पेशागत नेतृत्वको जीत” भन्दै खुशी व्यक्त गरेका छन्।

Please be advised that LiteSpeed Technologies Inc. is not a web hosting company and, as such, has no control over content found on this site.

16/08/2025

वीरगञ्ज । नेपाल इन्जिनियर्स एसोसिएसन (NEA) को ऐतिहासिक निर्वाचन २०८२ आज वीरगञ्जमा सुरु भएको छ। वीरगञ्ज इन्स्टिच्युट अफ टेक्नोलोजी (BIT) परिसरमा भएको निर्वाचनमा दुई गठबन्धनबीच प्रतिस्पर्धा छ। निर्वाचनमा "Vote for Unite NEA Birgunj" गठबन्धन र "NEAN प्यानल" बीच कडा प्रतिस्पर्धा देखिएको छ। दुबै पक्षले अध्यक्षदेखि सदस्यसम्मका उम्मेदवार घोषणा गरेर प्रचारप्रसारलाई तीव्र पारेका थिए । निर्वाचन प्रक्रियामा इन्जिनियरहरूले बिहानैदेखि मतदानका लागि उपस्थित भएका छन्। BIT क्याम्पस बाहिर ठूलो संख्यामा इन्जिनियर तथा समर्थकहरूको भीड थियो। यस निर्वाचनलाई स्थानीय इन्जिनियरहरूले संगठनको भविष्य र पेशागत नेतृत्वको लागि निर्णायक अवसरको रूपमा लिएका छन्।

वीरगञ्ज । नेपाल इन्जिनियर्स एसोसिएसन (NEA) को ऐतिहासिक निर्वाचन २०८२ आज वीरगञ्जमा सुरु भएको छ। वीरगञ्ज इन्स्टिच्यु...

16/08/2025

काठमाडौं । सहकारी ठगी मुद्दामा रुपन्देही कारागारमा थुनामा रहेका राष्ट्रिय स्वतन्त्र पार्टी (रास्वपा) सभापति रवि लामिछानेलाई कारागार व्यवस्थापन विभागले नक्खु कारागारमा सरुवा गरेको छ। विभागका सूचना अधिकारी सन्देशप्रसाद जोशीका अनुसार शनिबार साँझ लामिछानेलाई विमानमार्फत त्रिभुवन अन्तर्राष्ट्रिय विमानस्थल ल्याइएपछि आवश्यक सुरक्षा व्यवस्था गर्दै नक्खु कारागार पुर्‍याइएको हो। लामिछानेले कारागार सरुवाका लागि दिएको निवेदनका आधारमा विभागले शुक्रबार राति नै नक्खु कारागारमा सार्ने निर्णय गरी रुपन्देही कारागारमा जानकारी गराएको थियो। सोही निर्णयअनुसार आज उनलाई काठमाडौं ल्याइएको हो। सुरक्षा संवेदनशीलतालाई ध्यानमा राख्दै लामिछानेलाई विमानमार्ग हुँदै ल्याई विमानस्थलबाट आयल निगमतर्फको बाटो प्रयोग गरेर नक्खु कारागार लगिएको प्रहरीले जनाएको छ। लामिछानेलाई ल्याइँदै गर्दा समर्थक र कार्यकर्ताहरू विमानस्थल र नक्खु कारागार क्षेत्र वरिपरि ठूलो संख्यामा उपस्थित भएका थिए।

काठमाडौं । सहकारी ठगी मुद्दामा रुपन्देही कारागारमा थुनामा रहेका राष्ट्रिय स्वतन्त्र पार्टी (रास्वपा) सभापति रव.....

16/08/2025

डार्विन, अष्ट्रेलिया । अष्ट्रेलियामा जारी टप इन्ड टी-२० सिरिजमा नेपाल क्रिकेट टोलीले लगातार दोस्रो हार ब्यहोरेको छ। शनिबार मरारा क्रिकेट मैदानमा भएको दोस्रो खेलमा नेपाल बंगलादेश ‘ए’ विरुद्ध ३२ रनले पराजित भयो। बंगलादेश ‘ए’ ले टस जितेर पहिले ब्याटिङ गर्दै २० ओभरमा ६ विकेट गुमाएर १८६ रनको योगफल बनायो। जवाफी ब्याटिङमा उत्रिएको नेपाल निर्धारित २० ओभरमा ७ विकेटको क्षतिमा १५४ रनमै रोकियो। नेपालका लागि कुशल मल्लले सर्वाधिक ५९ रनको योगदान दिए। यसअघि सिरिजको पहिलो खेलमा नेपाल नर्दन टेरिटोरीसँग ४२ रनले पराजित भएको थियो। नेपालले सोमबार मेलबर्न स्टार्ससँग प्रतिस्पर्धा गर्नेछ भने मंगलबार होबार्ट हुरिकेन्सविरुद्ध चौथो खेल खेल्ने तालिका रहेको छ।

Please be advised that LiteSpeed Technologies Inc. is not a web hosting company and, as such, has no control over content found on this site.

11/08/2025

भुमिपुत्र थारु/फलेन्द्र मगर, दुवई । युएईमा रहेका आदिवासी जनजातिहरुले ३१औं अन्तर्राष्ट्रिय विश्व आदिवासी दिवस विशेष कार्यक्रमका बीच दुबईको बर दुबईस्थित क्लब SK7 को सभा हलमा भव्यताका साथ सम्पन्न गरेका छन्। "सांविधान प्रदत्त अधिकार आदिवासीहरुको विशेष क्षेत्राधिकार, संरक्षित क्षेत्र र स्वायत्त क्षेत्र कार्यान्वयन गर, प्रदेश र स्थानीय तहमा मातृभाषा लागू गर" भन्ने मूल नाराका साथ आयोजित कार्यक्रममा सभाध्यक्ष बिक्रम लिम्बु, प्रमुख अतिथि युएईका वाणिज्य दूत कृष्ण प्रसाद चापागाईं, र विभिन्न नेपाली संघ–संस्था तथा राजनैतिक भातृ संगठनका प्रमुख तथा प्रतिनिधिहरुको उपस्थिति थियो। अन्तर्राष्ट्रिय विश्व आदिवासी दिवस सन् १९९४ डिसेम्बर २३ मा संयुक्त राष्ट्रसंघको महासभाले अगष्ट ९ का दिन मनाउने निर्णय गरेको हो। तर वैदेशिक रोजगारमा रहेका नेपाली आदिवासी जनजातिहरुले सार्वजनिक विदा मिलाएर हरेक वर्ष आयोजना गर्दै आएका छन्। यस वर्ष युएईमा यो दिवस अगष्ट १० मा मनाइएको हो।...

Please be advised that LiteSpeed Technologies Inc. is not a web hosting company and, as such, has no control over content found on this site.

28/07/2025

काठमाडौं । प्रधानमन्त्री केपी शर्मा ओलीले आउँदो मङ्सिरभित्र दसौँ राष्ट्रिय खेलकुद प्रतियोगिता सम्पन्न गर्ने गरी चुस्त र प्रभावकारी तयारी गर्न निर्देशन दिनुभएको छ। प्रधानमन्त्री निवास बालुवाटारमा आइतबार बसेको विशेष छलफलमा प्रधानमन्त्री ओलीले युवा तथा खेलकुद मन्त्रालय तथा राष्ट्रिय खेलकुद परिषद्को नेतृत्वलाई प्रतियोगिता समयमै सम्पन्न गर्न आवश्यक सम्पूर्ण तयारीमा जुट्न निर्देशन दिनुभएको हो। उहाँले प्रतियोगिता केवल राष्ट्रिय अभ्यास मात्र नभई अन्तर्राष्ट्रिय प्रतिष्ठासँग जोडिएको विषय भएको भन्दै विशेष ध्यान दिन आग्रह गर्नुभयो। “सन् २०२६ मा जापानमा आयोजना हुने एसियन गेम्सको पूर्वसन्ध्यामा हुने यो प्रतियोगिता नेपालको खेलकुद गौरवसँग जोडिएको विषय हो,” प्रधानमन्त्री ओलीले भन्नुभयो, “त्यसैले तयारी भव्य र अनुशासित हुनुपर्छ।”...

काठमाडौं । प्रधानमन्त्री केपी शर्मा ओलीले आउँदो मङ्सिरभित्र दसौँ राष्ट्रिय खेलकुद प्रतियोगिता सम्पन्न गर्ने ग....

28/07/2025

नेपाल समाजवादी पार्टी (नयाँ शक्ति) ले गण्डकी प्रदेशका सबै ११ जिल्लामा धर्ना कार्यक्रम सम्पन्न गर्दै प्रधानमन्त्री केपी शर्मा ओलीलाई प्रमुख जिल्ला अधिकारीमार्फत ज्ञापनपत्र बुझाएको छ। ज्ञापनपत्रमा देशको राजनीतिक, प्रशासनिक र आर्थिक संकटको समाधानका लागि वैकल्पिक राजनीतिक शक्ति अपरिहार्य भएको उल्लेख छ। पुराना दलहरू पुरानै सोच र शैलीमा अड्किएको, लोकतन्त्र दलतन्त्र र सिन्डिकेटमा सीमित भएको पार्टीको धारणा छ। पार्टीले प्रत्यक्ष निर्वाचित कार्यकारी राष्ट्रपति, पूर्ण समानुपातिक प्रणाली, ‘राइट टु रिजेक्ट’ र ‘राइट टु रिकल’, जनलोकपाल गठन, भ्रष्टाचार नियन्त्रण, आत्मनिर्भर अर्थतन्त्र, र मौलिक हकको पूर्ण कार्यान्वयनको माग राखेको छ। साथै, गोरखकाली रबर उद्योग सञ्चालन, बुढीगण्डकी आयोजना निर्माण, पोखरा विमानस्थल र बसपार्क सञ्चालन, र मध्यपहाडी लोकमार्गको ढिलाइ अन्त्य गर्न आग्रह गरिएको छ। पार्टीको सन्देश छ – "अबको दशक विचार सहितको वैकल्पिक राजनीतिक शक्तिको दशक हो।"

नेपाल समाजवादी पार्टी (नयाँ शक्ति) ले गण्डकी प्रदेशका सबै ११ जिल्लामा धर्ना कार्यक्रम सम्पन्न गर्दै प्रधानमन्त्....

28/07/2025

काठमाडौं । नेपाल संघीय संसद्का उपसभामुख इन्दिरा राना छ दिनको औपचारिक चीन भ्रमण सम्पन्न गरी हिजो आइतबार राति साढे ११ बजे स्वदेश फर्किएकी छन्। उनले चीनको हनान प्रान्तको चङ्चौ सहरमा आयोजित शाङ्हाई सहयोग मञ्च, मिडिया र ‘थिङ्क ट्याङ’ शिखर सम्मेलनमा सहभागिता जनाएकी थिइन्। साउन ७ गतेदेखि ११ गतेसम्म आयोजित उक्त अन्तर्राष्ट्रिय कार्यक्रममा उपसभामुख रानाले “विकासको लागि शान्तिपूर्ण र स्थिर वातावरणको सुरक्षामा नेपालको दृष्टिकोण” विषयमा सम्बोधन गरेकी थिइन्। सम्बोधनमा उनले नेपालले स्थायित्व, शान्ति र समावेशी विकासका पक्षमा लिएको अडान र रणनीति स्पष्ट पारेकी थिइन्। भ्रमणका क्रममा उपसभामुख रानाले हनान प्रान्तका विभिन्न उच्च अधिकारीहरूसँग भेटघाट गर्नुका साथै चङ्चौ सहरलगायतका विभिन्न क्षेत्रको अवलोकन भ्रमण पनि गरेकी थिइन्। चिनियाँ पक्षसँगको अन्तरक्रियामा आपसी सम्बन्ध थप सुदृढ बनाउने विषयमा केन्द्रित संवाद भएको बताइएको छ।...

काठमाडौं । नेपाल संघीय संसद्का उपसभामुख इन्दिरा राना छ दिनको औपचारिक चीन भ्रमण सम्पन्न गरी हिजो आइतबार राति साढे...

25/07/2025

काठमाडौं । नेपाल राष्ट्र बैंकले ५० रुपैयाँ दरका ४२ करोड नोट छपाइका लागि अन्तर्राष्ट्रिय बोलपत्र आह्वान गरेको छ। केन्द्रीय बैंकको मुद्रा व्यवस्थापन विभागले शुक्रबार, जुलाई २५ मा सार्वजनिक सूचना प्रकाशित गर्दै सुरक्षित तवरले नोट छपाइका लागि ‘सिंगल स्टेज, टु इन्भेलोप’ प्रणालीअन्तर्गत प्रविधिक र मूल्य प्रस्ताव माग गरेको हो। नेपाल खबर अनलाइनका अनुसार राष्ट्र बैंकले आवश्यक बजेटको विनियोजन गरिसकेको जनाएको छ। सूचना अनुसार बोलपत्र दस्तावेज खरिद गर्न इच्छुक कम्पनीहरूले नेपाली रूपैयाँ २० हजार वा त्यसअनुरूप अमेरिकी डलर १४६, युरो १२६ वा पाउण्ड १०९ रकम राष्ट्र बैंकको थापाथलीस्थित खातामा जम्मा गर्नुपर्नेछ। बोलपत्र बुझाउने अन्तिम मिति …...

काठमाडौं । नेपाल राष्ट्र बैंकले ५० रुपैयाँ दरका ४२ करोड नोट छपाइका लागि अन्तर्राष्ट्रिय बोलपत्र आह्वान गरेको छ। ...

25/07/2025

ललितपुर । अखिल नेपाल राष्ट्रिय स्वतन्त्र विद्यार्थी युनियन (अनेरास्ताववियु), पाटन मल्टिपल क्याम्पस इकाइ समितिले विद्यार्थीहरूको समस्या बेवास्ता गर्दै आएको भन्दै क्याम्पस प्रशासनमा ताला लगाएको छ। मिति २०८२/०४/८ गते जारी गरिएको प्रेस विज्ञप्तिमा उल्लेख गरिएको छ कि विद्यार्थीहितका मुद्दा सम्बोधन नगरेको, मागहरूमा कुनै सुनुवाइ नभएको, र नियमित संवादको प्रयास पनि बेकार भएको भन्दै यो कदम चालिएको हो। "समस्या समाधानका लागि पटक–पटक आग्रह गर्दा पनि प्रशासनले उपेक्षा गरेकोले बाध्य भएर ताला लगाउनुपरेको छ," विज्ञप्तिमा भनिएको छ। अध्यक्ष नितिन पाण्डे द्वारा हस्ताक्षरित सो विज्ञप्तिमा विद्यार्थीहरूलाई हुने सुविधाको कटौती, अधिकार हनन र व्यवस्थापनको गैरजिम्मेवार व्यवहारप्रति रोष व्यक्त गरिएको छ। संघले वार्तामार्फत समाधान खोज्ने प्रयास गर्दै आएको तर निरन्तर बेवास्ता भएपछि ताला बन्दी गर्न बाध्य भएको जनाएको छ।

ललितपुर । अखिल नेपाल राष्ट्रिय स्वतन्त्र विद्यार्थी युनियन (अनेरास्ताववियु), पाटन मल्टिपल क्याम्पस इकाइ समितिल.....

Easykhabar

05/09/2025

30/08/2025

16/08/2025

16/08/2025

16/08/2025

16/08/2025

11/08/2025

28/07/2025

28/07/2025

28/07/2025

25/07/2025

25/07/2025

Address

Website

Alerts

Contact The Business

Shortcuts

Share

Janamatpost