24/08/2025
इम्बोस्ड नम्बर प्लेट :
इम्बोस्ड नम्बर प्लेट लागू गर्ने प्रयास सुरु भएको नौ वर्ष बितिसक्दा पनि अझै सफल कार्यान्वयन हुन सकेको छैन। महँगो र जटिल प्रक्रिया, सिमित स्थानमा मात्र उपलब्ध हुने सुविधा, र नागरिकको फोटोकपी बुझाउनुपर्ने झन्झटिलो प्रावधानले यसलाई अझ अप्रभावकारी बनाएको छ।
असोज १ देखि अनिवार्य लागू गर्ने भनिए पनि, सामान्य लाइसेन्स प्रिन्ट गर्नै नसक्ने सरकारले यो योजना सफलतापूर्वक कार्यान्वयन गर्न सक्ने विश्वास कमै छ। यसका अतिरिक्त, नेपाली देवनागरी लिपि प्रयोग नभएको भन्दै यसमा व्यापक विरोध पनि भएको छ। अझ महत्वपूर्ण कुरा, नेपालमा आवश्यक प्रविधि सञ्चालनमा नआएकोले इम्बोस्ड नम्बर प्लेटको वास्तविक उपयोगिता तत्काल देखिँदैन।
त्यसैले, यो प्रणाली लागू गर्न चाहिँ सबैभन्दा पहिले आवश्यक प्रविधि ल्याएर ट्र्याकिङ र सञ्चालनको व्यवस्था सुनिश्चित गर्नुपर्छ। नम्बर प्लेटमा प्रयोग हुने लिपि अनिवार्य रूपमा देवनागरीमै हुनु पर्छ। पुराना सबैलाई एकैपटक वाध्यकारी गर्ने सट्टा, निश्चित नम्बर दायराभित्रका सवारी साधनलाई चरणबद्ध रूपमा लागू गर्दा सजिलो हुन्छ। साथै, नम्बर प्लेट फेर्न नागरिकताको फोटोकपी जस्ता अनावश्यक कागजी झन्झटहरू पूर्ण रूपमा हटाउनुपर्छ।
तपाईको धारणा के छ ?
