06/09/2026
रसुवाको भोटेकोशीमा आएको बाढीमा परी १२ दिनदेखि बेप'त्ता रहेका प्रहरी जवान श्रीमान्को कुनै खबर नआएपछि कपिलवस्तुकी २१ वर्षीया प्रियंका गडरियाले दे*हत्याग प्रयास गरेकी छन्। महाराजगन्ज नगरपालिका–४ बरइपुरका २३ वर्षीय प्रहरी जवान आशिष गडरिया गत भदौ १० गते भोटेकोशीमा आएको बाढीपछि स म्पर्कविहीन छन्।
श्रीमान्को अवस्था अज्ञात रहेपछि पीडा सहन नसकी आइतबार बिहान प्रियंकाले यस्तो प्रयास गरेकी हुन्। घरपरिवार र स्थानीयले तत्काल उद्धार गरेपछि उनको ज्यान जोगिएको छ। हाल लुम्बिनी प्रादेशिक अस्पताल बुटवलमा उपचाररत उनको अवस्था स्थिर रहेको प्रहरी नायब उपरीक्षक रिपेन्द्रकुमार सिंहले बताएका छन्।
गत वैशाखमा मात्रै विवाह बन्धनमा बाँधिएका आशिष ८ महिनाअघि रसुवाको मैलुङमा खटिएका थिए। घरका एक्ला छोरा बेपत्ता भएपछि उनका बुबाआमा र परिवार गहिरो शोकमा छन्। भोटेकोशी बाढीपछि आशिषसहित कपिलवस्तुका ६ जना अझै सम्पर्कविहीन रहेका छन् र उनीहरूको खोजी कार्य जारी छ।
