08/06/2026
✍️🏍️सूचना, सूचना, सूचना
सम्पूर्ण पोखरा राइडर साथीहरूमा हार्दिक जानकारी गराउन चाहन्छौँ।
हामीले विगतदेखि नै विभिन्न राइड सेयरिङ प्लेटफर्महरूसँग प्रतिस्पर्धा गर्दै आइरहेका छौँ। तर राइडरहरूको हक, हित र समस्याहरू अझै पनि पर्याप्त रूपमा सम्बोधन हुन नसकेको अवस्था देखिएकाले त्यसलाई उजागर गर्दै राइडरमैत्री वातावरण निर्माण गर्ने उद्देश्यले युनाइटेड राइडर्स पोखरा ले सवारी राइड सेयरिङ कम्पनीसँग सहकार्य गरी नयाँ अभियान सुरु गर्न लागेको जानकारी गराउन चाहन्छौँ।
हाल विभिन्न समूहहरूमा “ललिपप देखाउने कम्पनी मात्र आउँछन्” भन्ने किसिमका टिप्पणीहरू देखिएकाले हामी स्पष्ट गर्न चाहन्छौँ कि यो अभियान राइडरहरूको वास्तविक आवश्यकता र सुझावलाई केन्द्रमा राखेर अगाडि बढाइएको हो।
यस प्लेटफर्मको प्रमुख विशेषता भनेको राइडरले कम्पनीलाई शून्य प्रतिशत (०%) कमिसन तिर्नुपर्ने व्यवस्था हो। साथै, स्थानीय सरकार तथा सम्बन्धित निकायका नियम–कानुनअनुसार आवश्यक प्रक्रिया पूरा गर्दै अगाडि बढिनेछ।
प्रारम्भिक चरणमा सवारी राइड सेयरिङ सेवा पोखरामा मात्र सञ्चालन गरिनेछ। भविष्यमा आवश्यकताअनुसार विस्तारको विषयमा छलफल गरिनेछ।
राइडरहरूको पहिचान र एकताको लागि टी–सर्ट छपाइको कार्य पनि अगाडि बढाइएको छ। साथै, यात्रु तथा राइडर दुवै लक्षित प्रचार–प्रसार अभियान सुरु भइसकेको छ।
राइडर साथीहरूको भावना, मर्का र सुझावलाई मध्यनजर गर्दै युनाइटेड राइडर्स पोखराले सवारी राइड सेयरिङसँग समन्वय गरी यो प्लेटफर्म लन्च गर्न लागेको हो। भविष्यमा पनि राइडरहरूको सुझाव र आवश्यकताअनुसार कम्पनीसँग छलफल गरी थप सुधार र विकासका कार्यहरू अघि बढाइनेछन्।
तसर्थ, सम्पूर्ण राइडर साथीहरूलाई यस अभियानमा साथ, सहयोग र सहभागिताका लागि हार्दिक अनुरोध गर्दछौँ।
धन्यवाद।
युनाइटेड राइडर्स पोखरा
सुरक्षित यात्रा, सुरक्षित भविष्य।
