Himdoot National Daily

30/06/2025

भाष्कर मेमोरियलद्वारा ४ जिपिए ल्याउनेलाई १ लाख पुरस्कार
पोखरा १५ असार । भाष्कर मेमोरियल स्कुल, पोखरा–११, फूलबारीले एसइई परीक्षा–२०८१ मा उत्कृष्ट विद्यार्थीलाई नगद पुरस्कारसहित सम्मान गरेको छ ।
विद्यालयले ४ जिपिए ल्याउने विद्यार्थीद्वय अदिती पौडेल र सौगात लामिछानेलाई जनही १ लाख रुपैयाँ पुरस्कार प्रदान गरेको हो ।
विद्यालय प्रांगणमा आइतबार संस्थापक अध्यक्ष माधवी बास्तोलाले पुरस्कृत विद्यार्थीलाई उक्त रकम बराबरको चेक हस्तान्तरण गरेकी थिइन् ।
यसैगरी, विद्यालय प्रिन्सिपल गणेशबहादुर रानाले आफ्ना तर्फबाट दुवै जनालाई १०/१० हजार रुपैयाँ पुरस्कार प्रदान गरे ।
त्यस अवसरमा एसइई उत्तीर्ण विद्यार्थीहरु र अभिभावकहरुलाई टीका र खादाले सम्मान गरिएको थियो ।
यस्तै, विद्यालयका तर्फबाट कक्षा १० मा अध्यापनरत् ८ जना शिक्षकलाई जनही २० हजार र अन्य शिक्षक, कर्मचारीलाई जनही १ हजार प्रोत्साहन पुरस्कार प्रदान गरिएको छ ।
कार्यक्रममा विद्यालयका संस्थापक निर्देशक विश्वराज बास्तोलाले विद्यार्थीहरुको प्रोत्साहनको लागि पुरस्कार प्रदान गरिएको र आगामी वर्ष पनि निरन्तरता दिने बताए ।
प्रिन्सिपल गणेशबहादुर रानाले एसइई नतिजाले हामी सक्षम छौं र आगामी दिनमा अरु बढी प्रगति गर्न सक्छौं भन्ने देखाएको बताए ।
पुरस्कृत छात्रा अदितीका बुवा बुद्धि पौडेलले विद्यालयबाट राम्रो वातावरण पाएर नै विद्यार्थीले सफलता हासिल गरेको बताए ।
विद्यार्थी सौगात लामिछानेले विद्यालयबाट पुरस्कृत हुन पाएकेमा धेरै खुसी लागेको बताउँदै आगामी वर्ष धेरै भाइबहिनीहरु पुरस्कार जित्न सफल बन्ने छन् भन्ने विश्वास व्यक्त गरे ।
कार्यक्रम संचालन शिक्षक विजय कोइरालाले गरेका थिए ।
भाष्कर मेमोरियलले यसपालि २ जनाको ४ जिपिएसहित ४५ जना विद्यार्थी उत्तीर्ण गराउन सफल भएको हो ।

24/04/2025

रोटरीको सहयोगमा रामज्योतिमा कम्प्यूटर ल्याब श्थापना

पोखरा ११ बैशाख । रोटरी क्लबको सहयोगमा
पोखरा महानगरपालिका–२६ स्थित रामज्योति माध्यमिक विद्यालयमा कम्प्यूटर ल्याब स्थापना गरिएको छ । रोटरी क्लव अफ पोखरा फिस्टेल, रोटरी क्लव अफ पोखरा मिड टाउन, रोटरी क्लव अफ नियोट्रिक हङकङ र एडुटेक नेपाल को सहयोगमा बिद्यालयमा अत्याधुनिक कम्प्युटर ल्याब स्थापना गरिएको हो ।

उक्त कम्प्युटर ल्याबको उदघाटन रोटरी क्लब डिष्ष्ट्रिक ३२९२ का बर्ष २०२५/२६ का गभर्नर बिनोद कोईरालाले गर्नुभयो । सो अबसरमा बोल्दै कोईरालाले रोटरीले शिक्षा श्वास्थ्य, खानेपानी लगायतका क्षेत्रमा सेवा गर्दै आएको बताउनु भयो ।
उद्घाटन कार्यक्रममा रोटरी क्लव अफ पोखरा मिड टाउनका अध्यक्ष सूर्यनारायण बराल, एडुटेक नेपालका क्षेत्रीय निर्देशक आकाशकुमार दास रोटरी क्लव अफ नियाट्रिक हडकडका अध्यक्ष लगायतले कम्प्युटर ल्याबको महत्व र उद्देश्यबारे प्रकाश पारे । उक्त कार्यक्रममा विद्यालयका प्राचार्य गुमानाथ लामिछाने, विद्यालय व्यवस्थापन समितिका अध्यक्ष कुलबहादुर थापा, विद्यार्थी अभिषेक बिकले स्वागत मन्तव्य राखेका थिए ।
कार्यक्रमका अवसरमा हङकङबाट आएका प्रतिनिधिहरूद्वारा विद्यालयका विद्यार्थीलाई स्टेसनरी सामग्री प्रदान गरिएको थियो भने विनोद कोइरालाले विद्यार्थीका लागि खेलकुद पोशाक प्रदान गरेका थिए । सहयोगदाताहरूलाई विद्यालयद्वारा सम्मान गरिएको थियो ।

29/09/2023

सुनासको १७ औं साधरणसभा सम्पन्न
पोखरा, असोज १२ गते ।
ट्रान्सपरेन्सी ईन्टरनेशनल नेपाल आवद्द संस्था सुशासनका लागि नागरिक समाज (सुनास) कास्कीको १७ औ वार्षिक साधारणसभा शुक्रवार पोखरामा सम्पन्न भएको छ । साधरणसभाले सचिव विष्णुप्रसाद अधिकारीले प्रस्तुत गर्नुभएको आर्थिक वर्ष २०७९/०८० वार्षिक कार्यक्रम तथा आर्थिक प्रतिबेदन पारित गरेको छ । साधरणसभामा शुभकामना मन्तव्य राख्दै संस्थापक अध्यक्ष सुरेन्द्र थापामगरले सुशासन तथा सदाचार प्रवर्धनका संस्थाले महत्वपूर्ण कार्य गरेको वताउनुभयो । उहाँले संस्था अझै प्रभावशाली भएर जनसरोकारका विषयमा वकालत गर्नुपर्ने सुझाव राख्नुभयो । पुर्व अध्यक्ष पुन्य पौडेलले देशमा भ्रष्टाचार वढेको कारण संस्थाको महत्व थप वढेको वताउनुभयो । संस्थाका कार्यक्रम अझै वढाउनुपर्नेमा पौडेलको जोड़ थियो । सुनासका अध्यक्ष रवीन्द्रनाथ वास्तेलाले सुनास अझै परिस्कृत भएर भ्रष्टाचार विरूद्धको अभियान उभिने प्रतिवद्दता राख्नुभयो । राजनीतिक र प्रशासनिक क्षेत्रमा सुशासन काम राख्न नागरिकको थप खवरदारी आवश्यक रहेको कारण संस्था त्यसतर्फ लाग्ने अध्यक्ष वास्तोलाको भनाई छ । कार्यक्रममा युवा स्वरोज़गार कोषका कार्यकारी निर्देशक विश्वमोहन अधिकारीले सुशासन र सदाचार सम्वन्धी चेतनामूलक कार्यक्रम विस्तार गर्नुपर्ने सुझाव राख्नुभयो । संस्थाका उपाध्यक्ष सिरोजविजय कोईरालाले स्वागत मन्तव्य राख्नुभएको कार्यक्रममा कार्यकारी अधिकृत भानु पराजुलीले संस्था मार्फत भएका कार्यक्रमको उपलव्धीको वारेमा सदस्यहरुलाई जानकारी गराउनुभएको थियो । सभामा साधरण सदस्यहरुले संस्था अझै सशक्त भएर जनसरोकारका विषयमा नागरिक पैरवी गर्नुपर्नै सुझाव राखेका थिए । २०६५ सालमा कास्कीमा स्थापना भएको संस्था सुनासले गन्डकी प्रदेशमा भ्रष्टचार बिरुद्ध बिभिन्न सचेतना र दवावमुलक कार्यक्रम गर्दै आएको छ । कार्यक्रम सुनासका पुर्वअध्यक्ष सुन्दर गुरूङ सहित ३५ जना साधरण सदस्यको सहभागी रहेको थियो ।

16/09/2023

पोखरा फाइनान्सको अध्यक्षमा राजकुमार गुरुङ
भाद्र ३० पोखरा । पोखरा फाइनान्सको अध्यक्षमा राजकुमार गुरुङ चयन भएका छन् ।

बैंकको शुक्रबार बसेको सञ्चालक समिति बैठकले अध्यक्षमा सर्वसम्मत उनलाई चयन गरेको हो ।

अध्यक्ष गुरुङसँग बैंकिङ क्षेत्रमा काम गरेको लामो अनुभव छ । यस अगाडि पोखरा फाइनान्समा उनले २ कार्यकालसम्म प्रमुख कार्यकारी अधिकृत भएरसमेत काम गरिसकेका छन् ।
फाइनान्सको सञ्चालकहरुमा वरिष्ठ अधिवक्ता कृष्णबहादुर गुरुङ, डा. दीपेन्द्रप्रसाद गौतम, मेजर प्रेमबहादुर थापा, प्रतीक गुरुङ, निशान ढकाल र स्वतन्त्र सञ्चालकमा तिलबहादुर गुरुङ छन् ।

31/08/2023

2539 likes, 42 comments. Check out kamedibhandar's video.

20/08/2023

सेवानको एउटा यात्रा
पोखरा ३ भदौ ।गायक धर्मेन्द्र सेवानको आवजमा 'एउटा यात्रा' बोलको म्यूजिक भिडियो सार्वजनिक भएको छ ।

सार्वजनिक गीतमा धर्मेन्द्रकै शब्द तथा संगीत रहेको छ । गायक राज के गोस्वामीको कन्सेप्ट तथा अभिनय रहेको भिडियोमा जीवन प्रति आशावादी हुँदै जीउनु नै जीवन हो भन्ने भाव व्यक्त भएको छ।

हुन त गोस्वामी आफ्नो नयाँ शैली मार्फत दर्शक तथा श्रोतामाझ आउने गरेका छन् । उनले 'एउटा यात्रा'को भिडियोमा पनि आफ्नो सोही शैली देखाउने प्रयास गरेका छन् ।

भिडियोमा दिनरात अथक परिश्रम गर्नै यद्यपि, त्यहाँ कहिलेकाहीँ परिणामहरू अपेक्षाअनुरूप नहुन सक्छन्, जसले निराश र अगाडी बढ्न असहज गराउँनसक्छ, त्यस्ता क्षणहरूमा शान्तिलाई अँगाल्न र आफैंमा भरोसा जगाउनु महत्त्वपूर्ण हुन्छ भन्ने कथा पेस गरिएको छ ।

गोस्वामीले यो गीत पछिल्लो समय आर्थिक मन्दी, बेरोजगारीजस्ता समस्याका कारण युवाहरूमा मानसिक स्वास्थ्यमा विचलन आइ अप्रिय कदमहरु उठाउने गरेको अवस्थालाई मध्यनजर गर्दै यो गीत तयार पारेका हुन्।

उनले आशावादी भई जीवन जिऊन प्रेरित हुन भन्ने जोड गीतमा दिएका छन्।

'नेपाल तारा'बाट चर्चामा आएका गायक सेवान नेपाली संगीत क्षेत्रका प्रतिभावान गायकका रुपमा परिचित हुन्।

सेवान र गोस्वामीले अस्ट्रेलियाका विभिन्न सहरहरुमा विभिन्न साँगीततिक कार्यक्रम सँगै केही गीतहरुको श्रृजनामा सहकार्य गर्दे आइरहेका छन् र यो गीत पनि त्यही सहकार्यको निरन्तरता हो।

यो गीतको भिडियोलाई सुरज श्रेष्ठ छायाकंन, सम्पादन तथा निर्देशन सुरज श्रेष्ठले गरेका हुन् ।

20/08/2023