23/08/2025
'बाँफूखोला स्थानीय आलु' अँधेरीखोलामा पनि राम्रो उत्पादन दिँदै।
=========================================
दार्मा गाउँपालिका वडा नं.५,अँधेरीखोलाका कृषक टेक बहादुर खत्री ले आफ्नो ३ रोपनी पाखो बारीमा २३६ के.जी.'बाफूखोला स्थानीय' जातकोआलु माघ-फागुन महिनामा रोपेर करिब ३००० के.जी. उत्पादन गर्नु भएको छ।आलुसँगै अन्तरबालीको रुपमा जेठ महिनामा रोपिएको मकै पनि राम्रो उत्पादन हुने देखिन्छ।अहिले साउन-भदौ महिनामा ३२-३५ प्रति के.जी. घरबाट नै बिक्री भइरहेको छ। यस हिसाबले कूल बिक्री ९०हजार देखि१ लाख सम्म हुने देखिन्छ।उहाँको भनाई अनुसार "आलु खेती गर्ने चाहना पहिल्यै देखि थियो। तर,अगाडिका बुवाले गहुँ,मकै लगाउन छोडेर के को आलु लगाउनु पर्यो? भन्नुहुन्थ्यो,गत वर्ष प्याज खेती गरेर २२हजार बराबरको बिक्री गरेर पैसा बुवालाई नै राख्न दिँए अनि बल्ल बुवाले गरे हुने रहेछ भन्नु भयो।त्यसपछि बाँफुखोला गएर प्रति के.जी.१०० को दरले रु.२३,६००/- को२३६ केजी आलु ल्याएर रोपेँ राम्रै उत्पादन भयो। अब आउँदो वर्ष थप जग्गामा आलु खेती गर्ने विचार गरेको छु।
"दार्मा गाउँपालिका को वडा नं.५ ,६ मा पर्याप्त सिँचाई पुग्ने धेरै ठाउँहरु छन।वर्षे आलु लाई सुख्खा समयमा पर्याप्त सिँचाई चाहिने भएकोले यी क्षेत्रहरुमा वर्षे आलु खेतीको प्रसस्त सम्भावना छ।यद्यपी कृषकहरुले परम्परागत खेतीलाई छोड्न सकेका छैनन्।अब प्रत्येक गाउँमा टेक बहादुरको जस्तो व्यावसायिक खेती गरी कृषिलाई पैसा सँग नजोडे सम्म सम्वृद्धिको विकल्प छैन।
