सर्वदा सञ्चार-Sarbada Sanchar

22/09/2025

सिन्धुलीको तीनपाटन गाउँपालिका–७ तोश्रामखोलाका पूर्णबहादुर मश्राङ्गी केही वर्षअघि सम्म राजनीतिमा सक्रिय हुनुहुन्थ्यो । तर, अहिले उहाँ राजनीति चटक्कै छोडेर व्यावसायिक खेतिमा समर्पित हुनुभएको छ ।

22/09/2025

राष्ट्रपतिसमक्ष चार मन्त्रीको पद तथा गोपनीयताको शपथ

२०८२ असोज ६ गते । राष्ट्रपति रामचन्द्र पौडेलसमक्ष चार जना नवनियुक्त मन्त्रीहरुले आज पद तथा गोपनीयताको शपथ लिनुभएको छ । राष्ट्रपतिको कार्यालय शीतल निवासमा दिउँसो ३ बजे आयोजित विशेष कार्यक्रममा उहाँहरुले शपथ ग्रहण गर्नुभएको हो ।

नवनियुक्त मन्त्रीहरुमा महावीर पुन शिक्षा, विज्ञान तथा प्रविधिमन्त्री, अनिलकुमार सिन्हाले उद्योग वाणिज्य, आपूर्ति तथा भूमिसुधार, मदन परियार कृषि तथा पशुपन्छी विकास, जगदीश खरेलले सञ्चार तथा सूचना प्रविधिमन्त्रीको शपथ लिनुभयो ।

प्रधानमन्त्री सुशीला कार्कीले चार जना मन्त्रीको नाम राष्ट्रपति कार्यालयमा सिफारिस गर्नुभएको थियो । स्वास्थ्यमन्त्रीमा डा. सङ्गीता कौशल मिश्राको नाम यसअघि सिफारिस भए पनि अन्तिममा आएर उहाँको नाम रोकिएको छ । उहाँले आज शपथ खान पाउनुभएन ।

22/09/2025

हेटौँडामा सवारी दुर्घटना : ३१ घाइते, दुई जना गम्भीर

६ असोज २०८२ । पूर्व–पश्चिम राजमार्ग अन्तर्गत हेटौँडा उपमहानगरपालिका –१९ स्थित बस्तीपुर सडक खण्डमा बस र ट्रक जुधेर दुर्घटना हुँदा ३१ जना यात्रु घाइते भएका छन् ।

चितवनबाट वीरगन्जका लागि आउँदै गरेको ना ६ ख २११९ नम्बरको यात्रुवाहक बसको चालक साइडको टाएर पडकेर अनियन्त्रित भई हेटौँडाबाट चितवनतर्फ जाँदैगरेको ना ६ ख ८१८० नम्बरको मालवाहक ट्रकसँग ठक्कर खाएको थियो । ट्रक अनियन्त्रित भई काठमाडौँबाट बाराका लागि आउँदैगरेको ना ७ ख १७७४ नम्बरको तेल बोक्ने खाली ट्याङ्करलाई ठक्कर दिँदा दुर्घटना भएको हो ।

सोमबार दिउँसो भएको उक्त दुर्घटनामा बस र ट्रकमा सवार ३१ जना घाइते भएको जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले जानकारी दिनभयो ।

घाइतेहरुलाई उद्धार गरी हेटौँडा अस्पताल मकवानपुर र सिएमसी चुरेहिल अस्पताल हेटौँडा उपचार भइरहेको छ । दुर्घटनामा घाइते भएकामध्ये दुई जनाको अवस्था गम्भीर छ । प्रहरी नायब उपरीक्षक अर्यालको नेतृत्वमा २५ जना प्रहरीको टोली घटनास्थलबाट सवारी साधन हटाउने पहल भइरहेको छ ।

22/09/2025

हिन्दुहरुको महान् चाड बडा दशै आज (सोमबार)बाट सुरु भएको छ । यस अवसरमा घरघरमा विधिवत् रुपमा जमरा राखिएको छ । आज बिहान ९:१३ मिनेटको शुभसाइतमा जमरा राखिएको हो ।

21/09/2025

सिन्धुलीको सिन्धुलीमाढीस्थित शनिबारे हाटमा दशै विशेष किनबेच गर्नेहरुको चहलपहल ।

19/09/2025

सिन्धुलीमा संविधान दिवस दीप प्रज्वलन र झण्डा फहराएर मनाइयो
https://sarbadasanchar.com/content/685

19/09/2025

जिल्ला प्रशासन कार्यालय सिन्धुलीमा शुक्रबार संविधान दिवसको अबसरमा राष्ट्रिय झण्डा फहराईएको छ । जेनजी आन्दोलनका क्रममा कार्यालयको भवनसँगै आगजनीबाट नष्ट भएको उक्त झण्डा संविधान दिवसको अबसरमा स्थापना गरी एक कार्यक्रम बीच फहराईएको हो । प्रमुख जिल्ला अधिकारी दिनेशसागर भुसालले उक्त झण्डा झण्डोत्तोलन गर्नुभयो । सो अबसरमा प्रमुख जिल्ला अधिकारी भुसालले देशमा भएको पछिल्लो घट्ना क्रमले अहिलेको संविधानलाई अझ बज्बुत बनाउने सन्देश दिएको बताउनुभयो । नागरिकलाई दिने सेवाप्रवाह चुस्त दुरुस्त बनाएर सुशासन कायम ग¥यो भने देशमा शान्ती स्थापना गर्न सकिने उहाँले बताउनुभयो ।
शान्ति सुरक्षा सुशासनसँग जोडिएको बिषय भएको सन्देश दिएको र जनतालाई दिने सुशासनमा सबैको ऐक्यबद्धता र प्रतिबद्धता आवश्यकता महसुस भएको उहाँको भनाई थियो । जिल्ला प्रशासन कार्यालयद्वारा आयोजिन ‘राष्ट्रिय झण्डा झण्डोत्तोलन तथा चियापन कार्यक्रम’ मा जिल्ला स्थित सुरक्षा निकायका प्रमुख तथा प्रतिनिधिहरु, विभिन्न सरकारी कार्यालयका प्रमुख तथा कर्मचारीहरु, नागरिक समाज लगायतको उपस्थिती रहेको थियो ।

18/09/2025

नेपाली काङ्ग्रेसका सभापति एवं पुर्व प्रधानमन्त्री शेरबहादुर देउवाकाे निजी सचिवालयबाट जारी वक्तव्य

18/09/2025

सिन्धुलीका प्रमुख जिल्ला अधिकारी दिनेश सागर भुसालको अध्यक्षतामा बिहिबार स्थानीय तहका प्रमुख प्रशासकीय अधिकृतहरु र विभिन्न कार्यालयका प्रमुखहरुसँग बसेको बैठकले विभिन्न निर्णयहरु गरेको छ । जिल्ला प्रशासन कार्यालय,सिन्धुली

18/09/2025

आज बागमती प्रदेशमा रहेको राजनीतिक दलको सर्वदलीय बैठक बसेको छ । बागमती प्रदेशका मुख्यमन्त्री एवं नेपाली कांग्रेस बागमती प्रदेश संसदीय दलका नेता इन्द्रबहादुर बानियाँको अध्यक्षता बसेको बैठकले गरेका निर्णयहरु यस प्रकार छन् :-
(१) भदौ २३ र २४ गते भएको जेनजि अभियान प्रदर्शन र मागको क्रममा परी मृत्युभएका नागरिकहरुलाई श्रध्दाञ्जलि ब्यक्त गर्दै मृतकको परिवार प्रति गहिरो दुःख व्यक्त गर्दै समवेदना ब्यक्त गर्नुका साथै घाईतेको शीघ्र स्वास्थ्यलाभको कामना गर्ने ।
(२) भोली असोज ३ गते संविधान दिवस भव्यरुपमा मनाईने निर्णय ।
(३) जेनजी अभियान प्रदर्शन र मागको क्रममा बागमती प्रदेशभित्रका बागमती प्रदेश सरकार अन्तर्गतका विभिन्न सरकारी संरचनाहरुमा भएको क्षति, स्थानीय तहका संरचना र विभिन्न ब्यक्ति र ब्यक्तिका ब्यवसायिक प्रतिष्ठानमा भएको क्षतिको विवरण संकलन गर्ने ।
(४) शुसाशन र खर्च कटौतीको सवालमा प्रभावकारी ढंगले यथाशीघ्र कार्यक्रम ल्याएर अगाडी बढाउने निर्णय ।
(५) प्रदेशसभाको बैठक यथाशीघ्र संचालन गर्ने निर्णय गरियो ।
उपस्थितिः
एमाले संसदीय दलका नेता जेएन थपलिया
माओवादी संसदीय दलका नेता शालिकराम जमकट्टेल
नेकपा एकीकृत समाजवादी संसदीय दलका नेता कृष्णप्रसाद शर्मा खनाल
नेकपा माओवादी संसदीय दलका प्रमुख सचेतक रत्न ढकाल
कृषि तथा पशुपन्छी मन्त्री मधुसुदन पौडेल

18/09/2025

राष्ट्रिय महिला आयोगले आज राष्ट्रपति रामचन्द्र पौडेल समक्ष आफ्नो वार्षिक प्रतिवेदन बुझाएको छ।

18/09/2025

टोल–टोलमा पुगेर स्वास्थ्य सेवा दिँदै तीनपाटन गाउँपालिका

सिन्धुली । तीनपाटन गाउँपालिका, सिन्धुलीले टोल–टोलमा पुगेर स्वास्थ्य सेवा उपलब्ध गराउन थालेको छ । घरदैलोमै