30/04/2026
कालिकोट ,
सेरी–पान्तडी सडकखण्डमा राजनीति: शक्तिको दुरुपयोगले मार्ग परिवर्तन
स्थानीयको मनमानी: विवादले सडक निर्माण अधुरो
चौकी बजार क्षेत्र सहज आवागमनका लागि प्रयाप्त बाटो छैन। राजमार्ग निर्माणका लागि कम्तीमा २५ मिटर चौडा बाटो चाहिन्छ भन्ने थाहा हुँदाहुँदै पनि पुरानो सर्वेक्षण भएको बाटोलाई पन्छाएर नयाँ मार्ग किन सर्वेक्षण गरियो? यदि अहिले विरोध हुने भए, त्यो बेला किन त्यहाँबाट सडक लिन सर्वेक्षण गरियो? यो कस्तो अन्धो नेतृत्व हो? कम्तीमा त्यहाँबाट सडक लैजाँदा ९०% घरहरू भत्किँदैनथे। यति पनि अनुमान गर्न नसक्ने कस्तो नेतृत्व हो यो? त्यो बेला केही स्थानीयले पुरानै सर्वेक्षण भएको बाटो, अर्थात् सेरा हुँदै किमेडी खानसम्म पुर्याउनुपर्छ भनेर लागेका थिए। तर, राजनीतिको गलत आडमा उनीहरूले चौकीलाई रोड छुवाएर लैजानुपर्छ, त्यसपछि चौकी अझ विकसित हुन्छ भन्ने सोच राखे। अहिले रोड लगभग पूरा हुने बेलामा किन र केका लागि अवरोध भयो? अब यसको जिम्मेवारी ती अदूरदर्शी नेताहरूले लिने कि नलिने?
यो सडक केवल एउटा सडक मात्र होइन, भर्ता, सुकाटिया, मुग्राहा, गेलाका बासिन्दाको सपना हो।
सम्बन्धित पक्षले यो समस्या छिटो समाधान गरी सडक निर्माण कार्य पुनः सुरु गरोस्।
@
