Biswokarma Khabar

12/04/2025

man💯♥️💯

11/04/2025

18/02/2025

Golden Heart: भोजराज थापा र अन्य सहयोगीहरुले दाङमा एक परिवारको लागि घर निर्माण गर्ने बचन पूरा गरी गृह प्रवेश समेत गराएका छन् र उनले बच्चाको स्वास्थ्य जाँच तथा विद्यालयको पोशाक व्यवस्था समेत गरेका छन् भने गाउँका मानिसहरू उनको कामबाट खुशी छन् ! ❤️🙏

18/02/2025

Canada मा अर्को Plane दुर्घटना : Delta Airlines को विमान Toronto Pearson विमानस्थलमा अवतरण गर्ने क्रममा पल्टिएको छ र उत्तानो अवस्थामा रोकिएको छ । दुर्घटनामा १९ जना घाइते भएका छन्, जसमध्ये ३ जनाको अवस्था गम्भीर छ।

18/02/2025

संसद जनताको आवाज हो, अन्यायका कुरा उठाउने, उत्तर खोज्ने ठाउँ हो। तर यहाँ, सांसदले बोल्नु अघि नै आवाज नै बन्द गर्ने प्रयास किन गरिन्छ मैले बुझेको छैन। सांसदले आकस्मिक समय माग गर्दा, सभामुखले पहिले के बोल्न लागिएको छ भनेर थाहा पाउन खोज्नुहुन्छ, अनि हामीले बोल्न पाउने कुरा उहाँकै छनोटमा सीमित हुन्छ। संसद भनेको विचारको खुला मञ्च हो, तर किन सभामुख आफैंले यसलाई घेराबन्दी गर्न खोज्नुहुन्छ मैले बुझेको छैन ।

सभामुख त अम्पायर जस्तो , खेललाई न्यायसंगत बनाउने व्यक्ति हो नी । तर जब उहाँ स्वयं खेलाडी बन्न खोज्नुहुन्छ, न्यायको तराजु आफैं ढल्कन्छ। संसदभित्रको आवाजलाई नियन्त्रण गर्नु भनेको लोकतन्त्रको श्वास रोक्नु हो। यदि सभामुखले यो व्यवहार जारी राखे स्वतन्त्रता बन्धनमा पर्नेछ, र प्रतिरोधको स्वर अझ चर्को भएर गुञ्जिरहनेछ।

म यो लेख्दैछु किनकि गत संसदमा सरकारले समितिको प्रतिवेदनमा संशोधन हालेर गलत नजिर बसाएको विरोधमा बोल्न चाहेको थिएँ, र आकस्मिक समय माग गर्न सभामुखकहाँ गएको थिएँ। तर, मलाई समय दिनुभएन।

यो अधिवेशनको पहिलो बैठकमा बोल्न नदिएको कारण रास्वपाका सबै सांसदहरू बोल्न पाउनुपर्ने मागसहित उठेका थियौँ। तर, हाम्रो माग र आपत्तिको बाबजुद पनि निसंकोच संसद चलाइएपछि, प्रतीकात्मक विरोधस्वरूप हामीले १५ मिनेट संसद बहिष्कार गर्यौं। यति हुँदासमेत सभामुखज्यूले कुनै अप्ठ्यारो नमानी सहजै संसद सञ्चालन गर्नुभयो। चौथो ठूलो दलको त्यस्तो प्रतिरोधलाई सुल्झाउनुपर्ने जरुरीसम्म उहाँले ठान्नुभएन।

यो मौनताको बेडिमा लोकतन्त्र कति समय बाँधिन सक्ला? जब आवाजहरू दबाइन्छन्, ती प्रतिरोध बनेर अझ बुलन्द र चर्को हुन्छन्। संसदलाई मौनताको सभा बनाउने प्रयास कुनै सभामुखको सफलता होइन, यो त संसदीय प्रक्रियाकै हार हो।

- माननीय सोविता गौतम

25/11/2024

सोफा कुर्सी सेवाग्राहीलाई ,भुईको आसन वडा अधक्ष लाई” :बेलका नगरपालिका मा कडा पर्तिस्पर्धामा गर्दै राष्ट्रिय स्वतन्त्र पार्टी
उदयपुर को बेलका नगरपालिका वडा ९ मा अधक्ष पदमा चार पार्टीबीच कडा पर्तिस्पर्धा हुदैछ।अन्य पुराना दल र ति दलका पुराना घोषणा पत्र भन्दा फरक र नँया योजना लिएर यतिबेला घरदैलो मा पुगेको छ राष्ट्रिय स्वतन्त्र पार्टी (रा .स्व.पा)आफ्ना उम्मेद्दवार तेजमान विश्वकर्मा का साथमा। बेलका नगरबासी को समस्या र चुनौतीलाई नजिक बाट नियालेका तेजमान ले आफ्नो पार्टी ले जित्ने हो भने मात्र याँहाको विकास हुन सक्ने आकलन गरेका छन् ।अन्य पुराना दल र नेतालाई पटक पटक अवसर दिएको तर ति अवसर लाई गलत साबित गरेका हुनाले पनि अब मङ्सिर १६ गते हुने चुनावमा यँहा का जनताले घण्टी मा नै मत दिने विश्वास गरेका छन् ।आफ्नो घोषणा पत्रमार्फत प्राथमिकता मा शिक्षा, खानेपानी ,विपद तथा प्रकोप, सूचना ,प्रबिधि भौतिक पुर्बधार, स्वास्थ्य र अर्थतन्त्र लाइ राखेर काम गर्ने प्रतिबदद्ता राष्ट्रिय स्वतन्त्र पार्टी ले जनाएको छ। घोषणा पत्र पत्रमा सिमित नभई जनताले जिताए हरेक प्रतिबदता पुरा गरेरै छोड्ने तेजमान ले राष्ट्रिय बुलेटिन सँग को अन्तरबार्ता मा बताए “धेरै पटक अन्य ठुला दल ले अवसर पाएर पनि विकास नगरेको देखेर यँहा का जनता आजित भएका छौ “एक स्थानीय ले बताए “अब को समर्थन घण्टी बाहेक अरुलाई नहुने” समेत ति स्थानीय को भनाई छ ।आफू निर्बाचित भए आफुले गर्नुपर्ने भूमिका र वडा नं ९ लाई जनताले महशुस गर्ने सेवक बनेर र “सोफा कुर्सी सेवाग्राहीलाई भुई आसन वडा अधक्षलाई ” को तात्पर्य आत्मसाथ गर्दै आफु निरन्तर जनताको सेवा मा लागि पर्ने तेजमान ले बताए ।राजनीतिक अस्थिरता ,खिचातानी, दलिय भागबन्डा, नाताबाद र कृपाबाद ले सधै जनता ले दु: ख पाएको राष्ट्रिय स्वतन्त्र पार्टीको बुझाई छ यी सबै पुराना प्रबितिलाई समाधान गर्ने एक मात्र पार्टी आफ्नो भएको बिस्वकर्मा ले बताए उनले आफ्नो पार्टीलाई बहुमतले जिताउन अपिल समेत गरेका छन् ।

10/11/2024

हिरासतमा रवि भेटेपछि कलाकार एवम् चलचित्र निर्माता दीपकराज गिरी भन्छन्- ‘म त भन्छु, सयजना अपराधी छुटुन् तर एउटा निरपराधी नपरोस् । मुलुकमा निराशा बढिरहेका बेला देशलाई नयाँ बाटोमा लान्छु, नयाँ नेतृत्व दिन्छु भन्ने मान्छेले यो तहको बदमासी गर्‍यो भन्ने मलाई लाग्दैन । त्यो हदसम्म चुक्ला भन्ने मलाई लाग्दैन’, उनले भने, ‘रवि र मेरो पुरानो मित्रता छ । ३० वर्षभन्दा अघिदेखिको मित्रता हो । म गैराजनीतिक व्यक्ति हो । एउटालाई पर्दा अर्को साथी आउनु स्वभाविक पनि हो ।’‘त्यसो भन्दा हामी सामाजिक राजनीतिक कुराबाट टाढा बस्न सक्दैनौँ । सबैभन्दा पहिलो कारण मित्रता हो । कानुनी कुरामा हामीले बोल्न मिल्दैन’, उनले भने, ‘सकेसम्म उहाँलाई हिरासत बाहिरै राखेर अनुसन्धान होस् भन्न चाहन्छु । पहिलेदेखिको सम्बन्ध भएकाले म उहाँलाई व्यक्तिगत रुपमा राम्रोसँग चिन्छु । हामीबीच दु:खसुखको कुरा हुन्छ । उहाँ व्यक्तिगत रुपमा खराब मान्छे होइन, त्यही भएर मलाई उहाँप्रति करणा भाव आयो ।’उनले रविबाट सरकारले लगाए जस्तो गम्भीर आरोपको घटना गराए जस्तो नलागेको दोहोर्‍याए । ‘रविले त्यो तहको जघन्य अपराध गरे जस्तो लाग्दैन । व्यक्तिगत सम्बन्ध हुँदा म चिन्थेँ’, उनले भने, ‘देशको नेतृत्व सम्हाल्छु भन्ने मान्छे त्यो हदसम्म चुक्लान् जस्तो लाग्दैन ।’तर यति भनिरहँदा उहॉ माथि अनुसन्धान नै हुनु हूदैन भन्ने चाहि हूँदै होइन ।'

09/11/2024

मानव तस्करीमा मुछिएको आरोप लागेका कोशी प्रदेशका पूर्वआन्तरिक मामलामन्त्री लिलाबल्लभ अधिकारीलाई नेकपा एमालेले साधारण संगठीत सदस्य समेत नरहनेगरी निलम्बन गरेको छ।

09/11/2024

पूर्णबहादुरको सारङ्गी चलचित्रमा अभिनय गरेका प्रकाश सपुतले माफि मागेका छन् । चलचित्र रिलिज हुनुअघि निर्माण पक्ष र सपुतबिचको विवाद छताछुल्ल भएको थियो । आलोचनापछि सपुतले माफी माग्दै नयाँ पोस्ट गरेका छन् ।

उनले लेखेका छन् : ए, म त हेर्नै भ्याएको थिएन । धेरैले गाली र गुनासो गर्नु भएको पो रहेछ । पहिला सहयोग गरेन भनेर । म त काम गर्ने मान्छे हु । चलचित्र रिलिज हुँदाको दिनमा पनि काम मै थिए है । मैले आफ्नो धर्म छोडेको छैन ।

एउटा स्वाभिमान सबैमा हुन पर्छ । त्यो म मा पनि छ । तपाईँहरूमा पनि होला । सम्झौता अनुसार नभएपछि मैले केही समय आफ्नो अडान लिएकै हो तर कहिलेकाहीँ स्वाभिमानी भन्दा बढी व्यवहारिक भएर सोच्न पर्ने रैछ ।

मैले त्यही सोचे र रिलिजको लागि मनै देखि लागी परे । त्यो कुरा यस चलचित्रका निर्माता, निर्देशक र सबै टिमलाई थाहा छ । कुनै दिन मौका मिलेछ भने तपाईँहरूलाई पनि सेयर गरौला । अहिलेलाई चलचित्रको सफलता नै सेयर गरौँ है । तपाईँहरूलाई फिल्म हेरे पछि खतरा लाग्यो, मेरो प्रोफाइल चेक गर्नु त मलाई त त्यति खेरै खतरा लागेर सुटिङ सकेकै दिन सेयर गरेको थिए, “पूर्ण बहादुरको सारङ्गी जस्तो कथा बनिरहुन्, मौलिक सारङ्गीको धुन गुन्जिरहुन् र त्यसमा म जोडिन पाइराखौँ ।” ठिक छ, १२ वर्षको कलाकारितामा मेरो व्यक्तिगत कर्म अलि अपजसी र अभागी भए पनि मेरो पेसागत कर्मलाई तपाईँहरूले भाग्यमानी प्रमाणित गरिदिनु भएको छ । हेर्नु त परदेशी २ बाट पोहोर त हो नि फिल्म मा आको , यो वर्ष नै ब्लकबस्टर फिल्म खेल्न पाए । उम्दा अभिनेता विजय बराल, मुकुन भुसाल जस्ता कलाकारसँग स्क्रिन सेयर गर्न पाए । आफ्नै निर्देशनमा “वसन्त” बनाउने आट गरेको छु । अर्को चलचित्र आदरणीय हरिवंश आचार्यसँग गर्दै छु । कस्तो लक्की हैन त। हुन त लाइफमा दुः ख पनि गरेको छु है फेरि १ जे होस म सधैँ ऋणि छु तपाईँहरू प्रति ।

जानी नजानी मन दुखाएको मा माफी चाहन्छु । कमजोरीहरू सुधार्दै जाउला । अब त उमेरले पनि अलि पाको हुँदै गइयो सस्तो चर्चा, परिचर्चा, सफलता, व्यस्तता भन्दा पनि एउटा राम्रो विचार र व्यवहार सहितको व्यक्ति बन्न चाहन्छु । यसरी खबरदारी चाहिँ गर्दै गर्नुस् तर राम्रो ऊर्जा पनि दिनुस् न है । ।

म कला मार्फत थुप्रै कुरा भन्न सक्छु , समाजलाई सुसूचित र राज्यलाई प्रश्न गर्न सक्छु । तपाईँहरूलाई निरन्तर मनोरञ्जन गर्न सक्छु १ यति आत्मविश्वास छ । मलाई थप निरुत्साहित नगर्नुस् है । मलाई अलि पर सम्म पुग्नु छ, केही समय नरोक्नुस् है ! प्लिज

09/11/2024

राष्ट्रिय स्वतन्त्र पार्टि बेलकाले स्थानिय वडा न ९ को वडा अध्यक्षको उप-निर्वाचनका लागि वडा अध्यक्ष उमेद्वार तेजमान बिश्वकर्मालाई चयन गरेको छ।सम्पुर्ण बेलका-९ का आम मतदाताहरुले घण्टि चुनाव चिन्हमा मतदान गरि उहालाई बिजय गराउनुहुन हार्दिक अनुरोध गर्दछौ,रास्वपालाई माया गर्नुहुने,परिवर्तनको चाहाना राख्नुहुने सबैले 🔔🔔🔔🔔🔔 मा आफ्नो अमुल्य मतको सदुपयोग गरिदिनुहोला।रास्वपा यस्तो पार्टि हो।जो सुकै उमेद्वार रहेपनि पार्टिको नीति बिपरित कुनै पनि काम नहुने भएकोले ढुक्कले मतदान गर्नुहोला।हामी तपाईको मतको पुर्ण सदुपयोग हुनेगरि काम गर्ने र गराउनेछौ।जय घण्टि जय रास्वपा।