10/07/2026
हामीलाई चाहिँ सिंगापुर, जापान, अमेरिका, अष्ट्रेलियाजस्तो देश चाहिन्छ, अनि नियम भने पालना गर्न चाहँदैनौँ। आफूलाई जे मन लाग्यो त्यही गर्न पाउनुपर्छ भन्ने सोच पनि ठीक होइन।
गरिब जनताले यति ठूलो जरिवाना कसरी तिर्छन् भन्ने कुरा पनि धेरैले उठाएका छन्। तर जरिवाना गरिब वा धनीलाई भनेर होइन, गल्ती गर्ने व्यक्तिलाई लाग्ने हो।
अहिले मधेशतिर पनि अर्को व्यक्तिले आफूलाई आगो लगाएको खबर आयो। नियम पालना गर्न वा कानुनअनुसार चल्न नमान्ने, अनि कारबाही भएपछि आफूलाई आगो लगाउने वा आत्महत्या गर्ने जस्ता कदम चाल्नु कुनै पनि हिसाबले सही होइन।
म यहाँ कसैको मृत्यु ठीक थियो भनेर भनेको होइन। कसैको ज्यान जानु दुःखद कुरा हो। तर नियम पालना नगर्ने, जरिवाना तिर्नुपर्यो भनेर आफूलाई आगो लगाएर ज्यान गुमाउनु पनि गलत नै हो।
र अर्को कुरा, म कुनै पनि नेता वा कुनै पार्टीको अन्धभक्त होइन। मैले यहाँ केवल नियम पालना (Rule Follow) गर्ने विषयमा मात्र आफ्नो धारणा राखेको हुँ। नियम सबैका लागि समान हुनुपर्छ—जुनसुकै व्यक्ति, नेता वा सामान्य नागरिक किन नहोस्। त्यसैले कृपया मेरो कुरा राम्रोसँग बुझेर मात्र प्रतिक्रिया दिनुहोस्।
