14/09/2025
ऐतिहासिक जिल्ला गोरखाको लिगलिगकोटमा जन्मिनुभएका आलोकश्री नेपालका सुप्रसिद्ध संगीतकार हुनुहुन्छ । नेपाल संगीत तथा नाट्य प्रज्ञा प्रतिष्ठानको प्राज्ञ, संगीतकार संघ नेपालको उपाध्यक्ष समेत भइसक्नुभएका सगीतकार आलोकश्रीको संगीतमा भारतीय गायक गायिका उदितनारायण झा, कुमार सानु, दीपारानायण झा, लता मंगेशकर, अनुराधा पौड्याल, गजल ओस्ताज जगजित सिंह लगायतले स्वद दिएका छन् भने नेपालका सुप्रसिद्ध गायक गायिकाहरु रामकृष्ण ढकाल, यम बराल, शर्मिला बर्देवा, अन्जु पन्त लगायत धेरैले स्वर दिनुभएको छ । उहाँका सुपरहिट गीतहरु विहान उठ्ने वित्तिकै, बनै खायो बनमाराले, निष्ठुरीले, म सपनाको कुरा गर्छु, लाजको लाली, चरिले त, दिलमाया दिलमा, माया बैदामे, आँखाभरि हिउँचुली, माझी दाइले, कहिले तिम्रो पछ्यौरीमा अल्झें, कुन माया सदर भो.... हजारौं सदाबहार गीत दिनुभएको छ । नेपालको सांगीतिक इतिहासमा अजर अमर सिर्जनाका सर्जक आलोकश्रीलाई जन्मदिनको लाखौंलाख शुभकामना ।
