Le Samoa News

03/12/2024

30/11/2024

Faatrausia i Lona Alofa
Vaega 56;
I le isi itu, e leo maua se to’a o le teine o Sabrina;
I le avea ai o ia ma teine e totonugalemu o le ata, o loo ia iloa lelei, e le o maua se toafilemu o le aiga o Lin ona o ia. O loo ia iloa lelei foi le agalelei ma le alofa o le tama o Ioane mo ia, aepeitai ua o se alofa e sasaa fua mo tagata o loo manaomia se fesoa*oani. Ua ia iloa foi le mafuaaga lava e tasi o loo taofi ai o ia e Sebastian, e ui ua ia iloa lona maitaga o loo mamafa i se pepe a se tagata, ae ona o lona tina ia maua lona fiafia ao lei maliu.
Ae mo ia lava ia, ua na o se tagata o loo manaomia se fesoa*oani. E na o le pau le auala o loo ia faalagolago i ai, o lona taumafai lea ma le faaeteete ia foia ona faafitauli ina ia aua nei taunuu atu i se tulaga e lamatia ai lona soifua.
Ina ua ia ulufale i le Maota o Sebastian, sa ia faasasao loa i lona potu e aunoa ma sona toe sau i fafo, e ui lava sa ia matua fia taumafa ae e lei sau i fafo mai le potu.
Pe tusa o le itula e sefulutasi i le po, sa manatu Sabrina pe atonu ua le o toe i ai Sebastian ma Lanita i le potumalolo. Pe atonu ua maea se la taelega i le vaitaele ma ua ia sau i fafo sei vaai.
O Sebastian o loo saofai na o ia i totonu o le potumalolo.
O Sabrina ua ia savali mai ia Sebastian ma ua ia talanoa atu i se auala filemu, “Mr. Ford, e le tatau ona e aumaia Lanita e nofo iinei aua o lea ou te i ai. Ou te taumafai ia aua nei ou sau i fafo ina nei e le fiafia.”
Ao Sebastian ua pupula le fiafia mai ia Sabrina.
Ao lea taimi ua toe fuli mai le tua o le teine o Sabrina ma ua toe savali i lona potu.
O Sabrina i lea afiafi e le o saogalemu. E fua i lona mafaufau i le aiga o Lin ma le latou purinisese o Lanita, o loo latou tuuaia Sebastian i lona le manao e moe Lanita i lona fale mo se po se tasi, ma ua latou manatu ua na o Sabrina i le mafaufau o Sebastian.
Ina ua ia ala i le a*o na sosoo ai, o Sabrina sa ia lagona lona lotovaivai, ae sa maualuga lona faanaunauga e fia alu pea e faigaluega i lea taeao. Sa leai se eseesega tele o le a*o ananafi ma lenei taeao, e leai se avanoa o auaunaga ofo fua i totonu o le latou matagaluega e pasee ai.
O le aoauli, na manaomia mai ai Sabrina e alu atu i le ofisa o le Faatonu o le au Tusiata. Ma sa fesiligia o ia e le tamaloa, “O ata ia sa e faaali maia ia te au i le taimi muamua na e apalai mai ai i le galuega sa tusia uma ia ata e oe?”
Sa lue le ulu o le teine o Sabrina ma fai atu, “O lea lava.”
Sa togi mai e le alii Faatonu se faaputuga o ata o galuega i le teine, “Ia e tilotilo i ai e uiga i fesili fou e faatatau i ai, ma a uma ona e tusia ona e tuuina mai lea ia te au sei ou vaai i ai. O se galuega tusiata muamua lea ua ou tuuina atu ia te oe e te faia. Taluai o oe o se tagata fou ma e leai sou tusipasi, afai ou te amata vave oe, o le a faaono le fiafia isi tagata faigaluega ua leva i le galuega. O oe …”
O Sabrina ua matua fiafia ma ua lagona lona loto faafetai. Ua ia le faatali sei maea le talanoa mai a le Faatonu o le vaega tusiata a ua ia tautino, “Aua nei faapopoleina lau Susuga i Ie Faatonu, o le a ou le faailoaina i isi ou uso a faigaluega, o le a ou alu e faia le faaopoopoga i ata e pei ona manaomia, ae o afea ou te faia ai le suiga? E le faigofie, ae o le a ou faailoa i ou uso a faigaluega o au o se tagata galue malosi.”
Sa faamalieina le alii Faatonu i le tautinoga a le teine o Sabrina, “Ua lelei, ae o le a ta o e faigaluega.”
Sa lagona le fiafia ma le faagaeetia o le teine o Sabrina ma ua pei o se tagata ua manumalo i le loto.
Ao lea lava taimi na tatagi ai lana telefoni. Sa ia pikia le telefoni ma tali ma sa ia iloa o le alii p**e o le fale e lisi mai ai meapueata lea sa vili mai ananafi ao lea ua toe vili mai foi. E aunoa ma sona toe tau mafaufau, sa faapea atu loa Sabrina, “Lau Susuga i le alii p**e Mr. Tong, o au lea. Ia faia nisi au fuafuaga ae o le a ou iina pe tusa o le afa itula.”
Ina ua uma lana tautala atu sa ia tape vave le telefoni.
Sa ia masalosalo o loo manao le alii p**e o Tong i se maliega mai ia te ia e na te suia le meapueata ua leiloa faatasi ma le tau na lisi mai ai. Sa ia lisia mo le a*o e tasi, ao lea ua atoa le fa o a*o ma ua i se tulaga manaomia vave.
Ae taluai o lea ua ia maua le tupe mai ia Ioane ananafi, ma ua lava ma totoe e totogi ai le meapueata ma le tau o lona lisiina.
I le vave fai ai o lana malologa masani o le aoauli, sa alu ai le teine o Sabrina i le fale e lisi mai ai meapueata, ma sa ia vaaia i lona ulufale atu i totonu ni tagata se toalua.
“O oe lea?” O le faasaea mai lea a le tamaitai ua la faafeagai.
[E Faia Pea]

24/11/2024

Faatausia i lona Alofa
Vaega 55;
O Lanita ua ia nana lana moto o loo uumau, o ona atigilima maamaai ua amata ona gotogoto i aano o lona alofilima ma ona mata o loo faataupupula faamata salamo mai ia Sebastian.
“Tuagane Sebastian, sa e ave au e pei o se mamoe a fasia. E leai se isi tamaloa ou te iloa. Ua na o oe lava le tamaloa ua ou faasilisilia e oo lava i le iuga o lou olaga. E le afaina pe afai ua e musu ia te au. Ou te le faitioina lava oe i se mea e tasi. Ua na o lou nei faanaunauga faalupe o naumati, ua na o lou fia vaai lea ia te oe i a*o uma.”
O Sebastian o loo taumafai e faagalo i le gagana mai o lona fatu. E tatau ona ia siitia lenei fafine i le maualuga e gata mai ai lona mafai, aua pe a na leai Lanita sa ia laveaia lona ola e ala i lona tino.
Na toeitiiti a ia kikia o ia ma oti ai.
“Tuagane Sebastian…” ua le mafai ona faamaea e Lanita lana faamatalaga aua ua mau ai le uu a Sebastian i lona ua.
“Ua uma ona ou fai atu, o le a ou faaipoipo ia te oe! O le a ou faaipoipo ia oe i le lumanai! Amata atu i le a*o lenei, o le a avea oe ma faletua o le alii sili o le aiga o Ford. O le a se isi mea e sili atu e faamalieina ai oe? O le taimi nei o loo faaalu lou taimi e tausi ai lou tina, ma e leai sou taimi mo oe ma ou faalogona! O se isi taimi e te toe faalavelave mai ai ia te au, o le a ou le toe amanaia loa sau upu na fai atu ae o le a fai loa le mea sili mo lou olaga.”
O Lanita ua matua fefe ma ua faateia, ua lue lona ulu ma loimata ua toulu faatimuga. “Ua ou iloa, ma ou te le toe faia lava…”
“Alu ese!”
O Lanita ua momoe ese e pei o se tagata ua sola e sue sona lafitaga. Ma ua tagi fano mai i le ala agai i le fale apitaga o le aiga o Lin.
I totonu o le fale o le aiga o Lin, o Jarod ma Moira o loo faatali mo ia. Ina ua vaaia le tulei mai e Lanita o le faitotoa, ua le faatali Moira ma ua ia fesiligia le teine, “Lanita, na a mai lenei taimi? E lei tago Sebastian ia te oe i lenei taimi...?”
Ae na motu fesili fiailoa a Moira ina ua vaaia foliga veuveua ma loimata o lana tama. Na lava foliga vaaia o Lanita e maua ai le tali o le mau fesili o loo fia maua e le ulugalii o Moira ma Jarod.
Ua tu foi i luga Jarod ma fai atu ma le faanoanoa, “Ua toe tuli mai foi oe e Matai Talavou Tupulagafa?
“Tama, Tina! O le a se mea ou te faia? Ou te manatu e tatau ona faia vave se fuafuaga a le tatou aiga. Tatou te feoti uma. E le o fia tilotilo mai Sebastian ia te au. Ou te iloa ua agai lona mafaufau atoa ia Sabrina, aua o Sabrina ua maitaga ia te ia. Afai ae ia iloa i se a*o,o le a tatou feoti uma. E leai se fanua maliu e tanu ai tatou, Tina ma Tama, ua ou fefe…” ua faapau atu Lanita i lima o lona tina o loo faamafola mai ma ua fetagisi.
O le aiga o Lin ua leai so latou faamoemoe.
O Sabrina ua pei o se pomu o loo tautau i luga o le aiga o Lin. E leai se mea latou te mafaia ona fai i ai, aua e le mailoa le taimi e pa ai ma liu efuefu ai o latou tino e leai se ivi e mafai ona maua.
E tatau ona i ai se latou gaioiga vave ma faataalise.
O Moira ua tilotilo mai ia Jarod ma le ita ma fai mai, “Jarod! O a mai au tama faalilolilo o latou sailia ea se isi? Aisea ua latou le maua ai?”
Ao Jarod ua faasaea, “O lea faatoa amata i nai a*o. O le a le vave? E maua lava lena tamaitai ma o le iuga lena o Sabrina. Ao lei maua lena tamaitai, e tatau ona saili muamua se auala e talia ai e Sebastian le teine o Lanita. E na o Lanita le tagata e tatau ona taoto i le moega o Sebastian ma maitaga i sona suli, ma o isi vaega uma o le a faafaigofie.”
Ao Lanita ua tagi ma le leotele, “Ou te le iloa poo a auala faatemoni o loo faaoga e Sabrina! Tuu pea tuagane Sebastian e faitalia o ia ma le auala e puipui ai Sabrina.”
“Puipui o ia?” O le faaamuamu lea a Moira. “O le taimi mulimuli na toeititi lava a tatou fasiotia o ia, sa iloa e Sebastian o oe sa e taulamua ai, e na te lei puipuia foi oe? Ia e iloa le talanoa atu a tina ia te oe Lanita. O Sebastian o loo ia matua puipuia ma le alofa ia te oe. E na o le tasi lava le auala o loo ia puiapuia ai Sabrina aua o lona tina o loo manaomia Sabrina. O le taimi lea sa e faaoolima ai ia Sabrina, sa matua ita ai lava Sebastian ia te oe, ao le taimi lenei ….”
Ua motu le tala a Moira ona ua tei lava ua oso lona fefe e pei o loo i ai ni tagata ese i totonu o le latou fale, ma ua ia anau ia Jarod ma Lanita e o mai ia te ia.
Ina ua maea sina taimi, na tei lava ua talie Jarod ma Lanita i le fefe a le loomatua.
E na o Lanita na matala ona laugutu ma faapea si ana faaamuamu, “Sabrina! E leai sou talitonuga o le a ou le mafaia ona fasiotia oe!”
[E Faia Pea]

22/11/2024

Worlds largest privately Owned Residential Yacht arrives in Samoa.

The largest, privately owned residential yacht on earth 'The World' arrived in Apia for an overnight call. The last time 'The World' visited Samoa was 21 years ago in January, 2003. This year it arrives with 105 passengers and a crew of 290 - 395 people in total.

Although it may resemble one from the exterior - 'The World' is not a Cruise ship.
The Ship circumnavigates the globe every 2-3 years following an extraordinary itinerary selected by its residents through a voting process.

Itineraries are determined 3 years in advance and the Ship visits 100 ports of call annually. It sails for PagoPago tomorrow.

19/10/2024

Faamalie atu i le aufaitau o le tatou fagogo ona o le misi ai o nai vaia*o o le sosooga o le tatou fagogo. e mafua mai sa tau faamasani le tusitala i auala o fesootaiga televavave i Savaii nei. Faamoemoe o le a maua pea le tatou fesootaiga i vaia*o uma agai atu i le lumanai. Alofa tele atu i le aufaitau. Ae alo maia mo le sosooina o lau faitau.

Faatausia i Lona Alofa
Vaega 54:
“Ou te iloa, ou te le mafai ona faailoa iloa ia te ia.” O le tali mai lea a Sabrina.
Ina ua maea lana tautinoga, ua ia le tilotilo ia Sebastian, a ua ia savali faasasao loa i le vaega o gasegase taofia. E leai se mea o nofo aitalafua ai ia Sebastian.
E ui lava e i ai le 50,000 tala na faamatuu mai e Sebastian e tusa o lana talosaga, ae o lea tupe e toese mai i le taimi e maea ai lana konekarate.
E ui lava sa ia faasaoina lona ola mai le mea sa ave faamalosia ai o ia e le vaega a Lanita, ae o lea gaioiga laveai, sa faia ona o le faamoemoega lava e tasi e na te tausia lona tina.
Ona taluai e le o nofo aitafu i le tamaloa, o le faapogai lea o lona le fia militino pe faatafai fua ia Sebastian. O le a ia ola o ia lava o Sabrina, ma faamafanafana ia Aunt Sia ao lei oo mai le oti ia te ia.
I fafo mai o le falemai, o Sebastian ma Sabrina e feuuai ma faasiasia le pupula a le isi i le isi, ae a oo mai loa i luma o le loomatua o Shanna i totonu o le potu taofia o le falemai, ona teuteu lea o la foliga ma a la amio faafoliga lelei i luma o le loomatua e pei lava e moi.
I le faitotoa o le potu o le loomatua, ua opo mai e Sebastian le teine i le isi ona lima. O Sabrina ua pei o se tamai manulele amio solia ma ola fiafia ma ua la ulufale faatasi i le potu o Shanna. Ua tilotilo mai le loomatua ia i laua ma si ana ataata fiafia.
“Atalii, ua tatau ona e talisapaia ma faapelepele i lou suli.” O le talanoa atu lea a Shanna ma le naunautai i lana tama.
Ao lei faia mai se tala a Sebastian, a ua tamua foi Sabrina isi ana ataata ma ona foliga fiafia, “Tina, ou te le tau faamanatua ia te oe lenei mea. O lea foi ou te naunau ia maua se ma pepe. O loo ou maitauina ma le totoa lou fiva i taeao uma ma maitau lou maimasina. I se isi itu, Tina e le tatau ona e talanoaina lenei mataupu, ae tatou tuu pea i aao agalelei a le Atua.”
O lana faamatalaga sa logolelei ma sa faafuasei lava ona vaaia le soisoi o le loomatua ma ona foliga ua mumu sesega.
“Se Sebastian, e te manatu e foliga ia tina le tatou pepe? O tina e aulelei, fai atu ai foi.” O Sabrina ua lulu lona ulu ma si ana pupula o se tagata e le tauleagaina.
O lea taimi, o Sebastian ua pei a pau agai i tua. Ua ia le iloa pe o le a faapefea ona ia tali atu.
Ua ia le magagana.
Ao lea taimi o loo faaauau lava ona ataata le loomatua o Shanna ma ua ia talanoa ia Sabrina. “Vaai oe Sabrina, e te le iloa o si au tama, e le o se tagata tautala soo, o ia o se tagata matamuli mai lava i lona laitiiti, ae o manaoga o lona loto, o loo goto ifo i lona fatu. A aunoa ma oe e te faailoa maia mea o le lua ulugalii, o le a pogisa lava tina ma le malamalama.”
O Sebastian ua ataata ma luelue lona ulu i le talanoa mai o si ona tina.
“Ua lelei, Sabrina ma Sebastian, ua fiafia lava tina i lenei a*o, aemaise e misia e tina lo oulua auai faatasi faapenei ma tina, ua malamalama lelei tina i lo oulua pisi i le kamupani aemaise o Sabrina i lana galuega. E le manao tina e fao uma lo oulua taimi faaleulugalii talavou. E tatau ona oulua toe foi ao lei oo mai le vaivai ia oulua. E tatau ona tausi lelei o oulua tino ma tausi lelei le tagata fou o loo i le manava o Sabrina. O loa e malolo ma momoe.”
O le faatonuga a le loomatua o loo manino lelei.
“Tina ou te le fia alu. Ou te fia faatasi pea ma oe mo sina taimi.” O loo tautino lava e Sabrina le mea moni i lona le fia faatasi na o laua ma Sebastian i le fale.
“Alu e o ma Sebastian, ma ia e maitau lelei faalogona o lou tino.” O le faaamuamu lea a le loomatua i le faafiti a le teine.
Ua amata ona faamavae atu le ulugalii talavou i le loomatua o Shanna.
Ina ua la tuua le potu o le loomatua, ma ua tapuni le faitotoa, sa ataata le teine o Sabrina ma ua amata foi ona fai le la va ma Sebastian.
O Sabrina o loo tumau lava i ona uiga masani, ma e le suia lava ona uiga faateine lea e matua faananau i ai le itupa o alii i soo se taimi e latou te vaaia ai o ia.
Ina ua oo mai i le taavale a Sebastian, sa faaauau pea le savali a Sabrina e le taofia. Sa lei i ai sona manatu o le a manao Sebastian e la te o faatasi i lana taavale i le fale.
Sa tago mai Sebastian i lona lima ma fai mai. “Pe afai o loo tilotilo mai lou tina i o ta tua, o le a amoga e oe le mamafatu o aafiaga!”
O Sabrina ua leai sona alofaga i lona oso loa lava i totonu o le taavale a Sebastian.
I totonu o le taavale i lo la agai atu i le fale, e leai lava ma se isi o i laua e tautala. E ui lava o loo alu lemu ma saoasaoa le taavale i nisi taimi, ae leai lava ma se isi o i laua e amatalia se talanoaga.
Ina ua la taunuu i le faleapitaga o Sebastian, sa iloa mamao atu e Sabrina le tu mai o Lanita i le faitotoa.
Sa vaaia le tilotilo mai o Lanita ia Sebastian ma Sabrina ma ona foliga faasiasia, ma sa ia tautala mai ia Sebastian ma ona lagona faamanualia. “Matai Talavou Tupulaga fa, pe … ua ou faalavelave soo ia te oe? Ou te faamalie atu aua ua ou misia lava oe i taimi uma. Ua na ona ou sau e fia vaai ia te oe ona ou toe alu ai lea.”
O ona foliga ua faanoanoa ma agamaualalo.
Ao Sabrina ua faaalia ona uiga faalekeakea, ma ua ia savali faasasao i le fale e aunoa ma se tilotilo ia Lanita. Ua alu i le lifi ma faaavanoa le isi pito mo Sebastian.
Ao Sebastian ua tilotilo ia Lanita ma foliga ita ma ua ia tautala atu i lona leo saua, “Soo se taimi e te le vaaia ai au iinei,ia e toe foi ma alu ese.”
[E Faia Pea]

29/09/2024

Iran’s Supreme Leader Ayatollah Ali Khamenei has called on Muslims around the world to unite and “stand by the people of Lebanon and the proud Hezbollah”, fo...

25/09/2024

Faatausia i Lona Alofa.
Vaega 53;
Sa tu Sebastian ma maitau le aluese lemu atu o le taavale a Ioane.
Ae fetaui ma le oo mai o lana auauna sili o Cristopher; “Matai Talavou, e pei lava o le taavale a Ioane lae alu atu? Ae vaai ia Sabrina la le?"
E taluai sa mua ona ano Christopher i le pakaina o lana taavale, sa ia le iloa ai le aluese mai o Sabrina mai le taavale a Ioane, ma sa ia le iloa foi le ataata faagau loto a le teine o Sabrina ia Ioane.
I le leo o Sebastian o loo i ai se mea o taumafai e ufiufi, “I le loto o Ioane, o lou tina e le o se tuafafine o lona tama, ae ua mafua ona ia taua o lona aunty i le taimi nei, ona ua fefe ia te au.”
I le maea o lana talanoa atu, ua ia ulufale na o ia i le falemai.
Ao ia mafaufau i le tulaga manuia ma solo lelei o lona tina, ua leai se foliga o se tagata e toe tasi le masina e ola ai. ua iloa lava e Sebastian e mafua mai lava ona o Sabrina, i lona sau i a*o uma e asiasi mai ia te ia. O lea tulaga ua maua ai le fiafia o lona tina ma ua tele ai se suiga lelei o lona soifua maloloina.
E mafai ona ia faapea o loo lelei tele Sabrina.
I ona luma ma lana maitau e leai se mea e leaga ai le teine, seivagana ai lana amio lilo ma lana tupua lea ua aliali ma ua avea ma faafatuulu i lona mafaufau i taimi uma o lona olaga.
I luma o lona tina, e matua faaaloalo ma faamalieloto, o ana upu uma e oo ifo i le fatu o lona tina, ma e gauai foi lona loto i upu uma e tautala mai ai lona tina.
Aepeitai la o luma o lona tausoga o Ioane, ua ia vaaia Sabrina ua pei o se agelu o le malamalama i ona uiga fiafia ma tausaafia.
Ua tau lona mafaufau i le ataata fiafia a Sabrina ia Ioane atoa ma le saofai mai o Ioane i totonu o le taavale, ma lona tulilima o loo faalagolago i le faamalama o le taavale, e pei o se tama o le ata o loo faataupupula ia Sabrina. O lea taimi ua tagiuu le fatu o Sebastian i le anoano o lagona faamanua loto o loo fesouaina ai lona loto.
Ma ua faasiasia ai ona mata ma vaaia ai ona foliga toatamai.
O ituaiga o foliga ia, o lea ua sau ma ia i le potu o le falemai o loo taofia ai lona tina. Ao lei ulufale i le faitotoa. Sa ia lagona le leo o lona tina o talanoa ia Sabrina.
“Sabrina, e pei lava o le emo o le mata, o le toe lua o masina e ola ai tina, o lea ua toe tasi o loo totoe. O lenei masina atoa na ta mafuta ai ma tina, sa matua fiafia lava tina, ae o loo i ai foi moomooga faalupe o naumati o tina. Ua naunau tele tina, ua le mafai ona taofiofi le fia sii o tina i sona atalii laitiiti (grandson).”
Sa talanoa mai le loomatua o Shana ia Sabrina i lona leo filemu ma manino.
Ao talanoa mai le loomatua, sa faafuasei ona lagona e Sabrina ua gaioi le tagata o loo i lona manava. Ua oona ona gutu ma ua oso lona faafaufau. O le tagata o loo i lona manava, e le o iloa pe o ai sona tama.
“Sabrina tau mai ia tina, pe o alu lava lou palapala? E te lei faalogoina lou faafaufau i lenei vaitaimi? O lea ua atoa le masina talu ona oulua faaipoipo ma Sebastian. Afai e vave aafiaga, o isi tagata e 25 pe 26 a*o ua amata ona aliae aafiaga. E te lei lagona lava se suiga i lou tino?”
E fai tala a le loomatua ma faataupupula mai ia Sabrina ma ona mata naunautai.
O Sabrina ua atili ona mumu ona foliga. “Tina…”
Pe atonu ua avea le faamanatu a Shanna ma auala ua faafuasei ai ona oso le fia puai o le teine o Sabrina.
E talu ona maitaga le teine o Sabrina, e masani lava ona ia lagona suiga i lona tino ma ona uiga faamaimai i taeao uma.
Ao le a*o la lenei ua tulaga ese, ua ia faalogoina le minoi fiafia o le tagata i totonu o lona manava. I luma o le loomatua o Shanna, ua taumafai Sabrina e nana auga o lona maitaga.
Ma o le a ia le taua i le loomatua.
“Tina, sei ou alu e tali le telefoni a le kamupani.” E fai lava tala a le teine ma faanatinati i fafo e aunoa ma le faatali i se tali mai a le loomatua.
Ina ua oo atu i le faitotoa, ua faafeiloaia o ia e se tagata ma ona lima o loo faaloloa mai.
Ua opo o ia e le tagata ma ua talanoa lemu mai ia te ia, “O le a le mea ua tupu?”
Ua tilotilo ae Sabrina ma ua ia iloa le pupula saua o mata o Sebastian. Ua oso le fefe o le teine ma ua tali atu. “O… o lea e manuia faafetai.”
Ona ia toe mamulu ese mai lea i lima o Sebastian ma momoe.
Ao ia agai atu i fafo, sa ia savali i le faapaologa, sa ia faatafa loa i le pakete lapisi ma ua puai ai.
Ua savali mai le tamaloa ma ua tu i tua o le teine, ina ua maea le puai o Sabrina, ua talanoa atu Sebastian i lona leo saua, “Aua nei e faailoaina faailoilo o lou maitaga i luma o lou tina!”
[E Faia Pea]

16/09/2024

Faamalo i le Manusina XV mo le manumalo ia Ausetalia

16/09/2024

Faatausia i Lona Alofa.
Vaega 52:
Ua matua masaesae lava lana taga, ma ua leai ma se tupe i lana ato.
O mafaufauga o le teine, ua pei lava o se ie ua faaeva i malae i le maitau mai a le tama o Ioane. “O le tupe ua ou avatu e le silia i le tolu afe tala, nei e fesiligia pe aisea? Ina nei e popole i tei ua ou faataua oe i le toluafe tala mo se po e tasi? Aua e te popole! Ou te le vaai maualalo ia te oe! Ua ou iloa lou amiosolia, ma ou te fia fesoa*oani i lou limavaivai. Afai e te toe fia tauia mai i le lumanai, o le a le afaina lea ma e tuusaunoa lava oe i le umi e toe totogi mai ai.”
Ua tago Sabrina i le tupe, o ona foliga ua mumu ma lona leo faagauloto ua tau le lagona. “Faafetai tele lava…”

“O le isi mea, o Matai Talavou Ioane e tau le maua ni ona taimi ona e pisi tele i a*o uma. Amata atu nei, a fai atu lou Matai ia te oe o le a ia momolia oe i le fale, aua nei e toe masalosalo ma faatuatuai aua e lusi ai lona taimi taua.”
E fai ia tala a Sanford, ao Ioane ua tilotilo mai i le faata agai i tua ma si ana ataata ma ona foliga faamatapusi ia Sabrina.
Ao Sabrina ua lue lona ulu ma tali atu isi ona leo faagau loto ua atili ai le matagataga o ato tupe a le aumaumea, “O le a faapena ona fai.”
Ina ua uma ona talanoa mai le teine, ua faasaga ona mata i le faamalama o le taavale, o ona foliga toafilemu ma ua toe faaauau ona le gagana.
O le meamoni, ua faafuasei lava ona sulugia lona fatu i ave malamalama o lagona toafilemu.
Talu ona magalo mai i le falepuipui, sa ia sailia se faitotoa e matala mo ia. Ae sa ia feagai pea ma pa pupupni i soo se mea. O le aiga o Lin sa le mananao ia te ia ma ua tapuni lo latou faitotoa mo ia. O Sebastian o loo ia faaogaina o ia e faafiafia ai lona tina ma e i ai ma folafolaga e faaumatia o ia pe a ia solia aiaiga o lana konekarate. E aofia ai ma le alii o Darius, o lea sa aumai lana telefoni ma lana folafolaga e fia fesoa*oani ia te ia, ae sa na o se gaioiga faafoliga i lea taimi.
Aepeitai o Ioane ua tulagaese ai lava o ia. O se tagata lepopoi ma faalemigao. O le tele o taimi e talanoa ai ia Sabrina, e na te valaaua le teine o le Tamaitai P**e Sili o se faiga faamanua loto i le teine, ae ui o lea, sa ia fesoa*oani ia faatumauina le teine i lana galuega.
O Ioane foi lea na ia momolia le teine ina ua maea le po fiafia i le Maota Tuai o le aiga o Ford.
Ao le a*o lenei, o Ioane lea ua i ai lona finagalo e aumai lana seleni e toluafe tala e totogi ai le kamupani e ana le meapueata ua leiloa.
Ua tei lava ua mafaufau Sabrina i foliga o Ioane o se tevolo lotoalofa. Ua ia lagona le filemu i totonu o lona loto.
I le mavae o nai minute sa faa*olo ai ona mafaufauga, sa ia tei ina ua ia iloa o loo sese le auala o loo agai i ai Ioane. O loo momoli o ia e Ioane i le faleapitaga o Sebastian, ao ia o loo fia alu i le falemai e asiasi ia Aunt Sia.
“A… faamolemole Mr. Ling.” O le valaau leotele atu lea a Sabrina, ma si ana ataata atu ia Ioane. “Finagalo malie, ou te fia alu i le falemai.”
“E te asiasi i lo’u Aunt?” o le fesili mai lea a Ioane.
O Sabrina ua ataata atu ia Ioane ma tali atu, “Ioe Mr. Ling, finagalo malie pe mafai ona e toe foi agai i le falemai faamolemole.”
O Ioane ua pai i lona loto le ataata a le teine faatasi ma lana gagana faaaloalo. “Ioe tatou te toe foi, ae ia amata atu nei ona e tautala mai faapena ia te au.”
Ina ua maea ona ia tautala mai, ua faafuasei ona mimilo le taavale ma toe faasaga i le mea na sau ai ma toe foi agai i le falemai o loo i ai le loomatua o Shanna. Ina ua latou taunuu i le falemai, ao le taimi lea i paka o taavale e le mamao ese, faatoa tu foi le taavale a Sebastian ma o loo ia iloa lelei mai le oso mai i fafo o le teine o Sabrina mai i le taavale a Ioane.
Ua tu le teine o Sabrina i tafatafa o le faitotoa o le taavale ma tilotilo ia Ioane o loo i totonu o le taavale ma si ana ataata faagau loto. “Mr. Ling, ou te faafetai tele atu, ae aua e te popole, o le a ou toe totogia lau tupe i le taimi e maua ai lou totogi, ma o le a ou valaaulia oe e ta te aai. O se taumafataga sili ona lelei.”
“Aua nei galo lau folafolaga ua e fai mai ai, ma ia e saunia se meaai sili ona lelei! Pe afai o le a lelei ona e faatinoa lau folafolaga e iu lava ina e maua mea uma a Matai Talavou Ioane.” O Ioane ua ataata ma ona foliga faatafai ia Sabrina.
“Ioe, o le tulaga lava lena e oo i ai.” O Sabrina ua lue lona ulu ma atata e tali ai le ataata fiafia mai o le tama o Ioane.
O Ioane ua avealuga lona isu ma ua maualalo ao o le lagi i le mea ua oo i ai lona mimita, ma ua aluese atu lana taavale i lea taimi.
Ao agai ese atu le taavale mai le falemai, ua talanoa atu Ioane ia Sanford; “O le a sau vaai alii LaoZe, ou te mautinoa lava le teine, o loo i ai lona faanaunauga e tuu mai atoa lona fatu mo au! E ui sa e fai mai e faiaina lau peti.”
Ao Sanford ua ataata aamu. “Talofae Ioane, o ituaiga o tamaitai le taualoa faapena, e le mafai ona e gaoia lona fatu, pe faigofie ona e gagau vave lona faamoemoe, o le a sau maitau ia te ia?”
Ua ata Ioane ma faagapa lona lima ma fai mai, “Ua lagona i ou gutu le suamalie, ao lei fofoea pau o le moli!”
Ua toe lapataia foi e Sanford lana uo, “Ia e matua faaeteete i saelua oe e lou uso o Sebastian.”
“Pe afai e iloa e lou uso o Sebastian se mea e uiga i lana teine, o le a mafua mai ia te oe! E te manatu o ia te au se lototele ou te tago ai i le teine a lou uso Tupulagafa? Ua na o ni mea ula!” Ua salo laugutu o Ioane aua i totonu o lona loto, o loo ia lagona le pao o le tata o lona fatu e le fiafia i le upu o meaula.
E ui o lea, o le mea e lei iloa e Ioane, i le taimi na alu ese ai le la taavale mai i le falemai, na faatoa oso ai i fafo Sebastian mai lana taavale o loo paka e le mamao ese mai le vaega na tu ai le la taavale ma e leai se mea o lilo i le vaai a Sebastian.
[E Faia Pea]

13/09/2024

Louisiana grapples with power outages and flooding as Hurricane Francine heads inland; State of emergency expands as western fires spread; SpaceX crew perfor...

10/09/2024

TAPUNIA ATOA LE C.H.O.G.M. PENINSULA PE Ā USUIA LE FONOTAGA AUTŪ

Tusia: Pesetā Tusiga Taofiga

O le taeao o le A*o Lulu i le taeao o le A*o Sa iā Oketopa i le vaia*o o le Fonotaga ua fuafua e tapunia atoa ai le sau aga’i Mulinu’u se’ia o’o mai i le Faletalimālō a le Taumeasina.

Ua mae’a faia iloiloga ma sa’ili’iliga a le Matāgaluega o Leoleo, Falepuipui ma le Ola Toe Fuatā’ina, ma iloa ai o le tele o pisinisi o lo’o i le taulaga, e mafai lava ona uia mai le pito i tua o ia pisinisi pe ā taofia vaega tonu ua fa’aigoaina o le C.H.O.G.M. Peninsula.

O le tāua o le tapunia atoa o lea nofoaga, ina ia mautinoa le atoatoa o le malu puipuia o femalagā’iga ma le usugāfono a Ta’ita’i o Mālō o le Taup**ega, e aunoa ma nisi e fa’alavelaveina pe ono tutupu ai fo’i nisi tulaga tatou te le’o mana’omia.

Mo le ulua’i lua a*o o lea Fonotaga, o le ā tapunia na’o nai vaega o le nofoaga o le C.H.O.G.M. Peninsula, se’ia o’o ai i A*o e tolu mulimuli ane mo le Fonotaga autū ona fa’atoā tapunia atoa lea o lea vaega auā lava le puipuiga ina ia saogālēmū.

O lona uiga e lē mafai, lē mafai, lē mafai lava ona tatalaina le avanoa i se tasi e sopo’ia ai lea vaega pe ā tapunia se’ia vaganā ua tu’uina atu lau pasi fa’amaonia, ma pepa fa’amaonia o lou sā, ona fa’atoā tatala lea o oe e leoleo e sopo’ia lea nofoaga pe afai o oe o se tagata o lo’o lavea i le usugāfono.

A'o se tasi e fia aga’i atu e matamata pe fia fa’asavili fo’i i le aga’i atu i Mulinu’u po’o le Taumeasina Island Resorts fo’i, e matuā fa’asāina lava i le taimi e tapunia ai ia nofoaga.

Fa’ailoa e le Komesina o le Matāgaluega o Leoleo, Falepuipui ma le Ola Toe Fuatā’ina iā ‘Au’uapa’au Logoitino Filipo o le ā matuā malu le puipuiga a Leoleo mo le saogālēmū o mālō usufono.

O le taunu’u mai o Sui Usufono mai so’o se atunu’u, o le momoliina atu i ō latou apitaga ma le fe’aveā’ina i nofoaga o lo’o usuia ai Fonotaga, e fa’afeagai lava ma Leoleo lo latou saogālēmū.

Na fa’ailoa fo’i e le Komesina, o le lagolago a le P**ega Mamalu a afio’aga ta’itasi, o le ā atili malutia ai la tatou taligāmālō mo lea fa’amoemoe tele, ina ia sao ma maua ai se vi’iga o le Ali’i a’o se ta’uleleia mo Samoa ma lana talimālō lelei ma le tausa’afia.

Ata Pu’eina: Leota Marc Membrere.

10/09/2024

Happy birthday President Nelson.

The Church of Jesus Christ of Latter-day Saints welcomes all to view a special birthday broadcast in honor of Church President Russell M. Nelson on Monday, S...

09/09/2024

Faapaia le sa o Apia.

09/09/2024

Faatausia i lona Alofa
Vaega 51:
[Faamalulu atu ua tuai atu le tatou fagogo, ua mua ona matamata fiafia le Tusitala i le faaaliga o le Miss Samoa ma ua galo atu ai ma le tatou fagogo. Ui o lea, alo maia i le sooga lenei o le vaega 51 o le tatou fagogo.]
I totonu o le taavale a Ioane, o loo i ai faatasi ma se isi tagata.
Sa lulu le ulu o Sabrina ma fai atu, “Faafetai tele Mr. Ling, ou te faatali i le pasi.”
“Ou te le aia oe! O lau uo mamae lea o Sandford. Sau i totonu!” O Ioane e le o talanoa, ae o lana faatonuga.
“Ou te iloa sa tele au galuega i lenei a*o. O tagata fou i galuega e i ai foi luitau fou e latou te feagai. Ae o le a e maua le potomasani i le agai atu i le lumanai. Sau i totonu o le taavale, o Matai Talavou Ioane o le a ia momolia lelei oe i lou fale.”
Ua u laugutu o Sabrina, tilotilo solo, ma iu ina oso i totonu o le taavale.
O le tagata e igoa ia Sanford e foliga taualoa ma maumea, ma e foliga faaaloalo ia Sabrina. “Ua leva ona ou faalogo i le manamea a Sebastian.”
O Sabrina ua ataata, ona punou lea o lona ulu.
O le toalua o loo pito i luma o ni tama mauoloa, o ituaiga o tagata latou te le feagai. E na te le iloa pe faapefea ona mio faatasi ma tama ia, aua e fiafia lava ia i le nofo toatasi ma fai mea e fiafia i ai.
Ua saofai e le talanoa.
“E momoli oe i le fale o lo’u tausoga?” O le fesili lea a Ioane.
Ao lei tali mai Sabrina, ua tatagi lana telefoni. Ua tilotilo ma ia iloa se numera e le masani ai, ma ua ia talia. Ua talanoa Sabrina; “Talofa, Talofa poo ai oe?”
O le tagata i le isi itu o se leo tamaloa talavou; “Talofa Miss Scott, pe o oe lea? O au e mai le kamupani e lisia meapueata a le Kodak…”
Ao lei maea le talanoa mai a le tamaloa, ua le fia faalogo Sabrina i isi upu a le tamaloa. Ua tei lava ua oso lona fefe ma ua tatavale lona fatu ma ua topetope lana tautala. “Lau Susuga i le alii p**e Mr. Tong, ou te faamalie atu, ou te fia faaogaina pea lau meapueata. Ou te fia faaauau…”
I le totonugalemu o le talanoaga, na pupuni e Sabrina le telefoni i lona lima, ae fesili ia Ioane; “Faamalie atu Mr. Ling, e mafai ona ou fesili atu ia te oe, o le a le a*o e faia ai totogi a le tatou kamupani?”
“O le a*o 15 o masina taitasi, e te faatali sei aulia le a*o 15 o le masina fou, e tusa toe 17 a*o amata atu i le a*o.” O le tali mai lea a Ioane.
Ua toe sii i luga le telefoni a Sabrina ma toe faaauau lana talanoa, “Ua lelei Mr. Tong, ou te fia faaogaina pea lau meapueata mo le isi 17 a*o. O le a ou totogia atu ai i lea a*o le aofaiga o le tau atoa o le lisi o le meapueata. O le a ou toe faafoi atu ai ma le meapueata i lea a*o faamolemole Mr. Tong.” Sa matua fefe lava le teine o Sabrina ma e le fia faalogo i se tali mai a le tamaloa o le kamupani, pe ita mai pe tei ua le talia lana faatoga, o le ala lea na ia tapeina ai le telefoni e aunoa ma le faatali mo se tali mai a le alii p**e o le kamupani pueata.
O tamaloloa o loo pito i luma, ua taufai tilotilo mai i tua ia Sabrina. “Aisea ua leiloa ai le meapueata a le kamupani?” O le faafesili lea a Ioane.
O Sanford ua ata ma fesili mai i le teine. “Aisea lava i nei a*o, o loo i ai lava tagata o loo lisia meapueata, ae aisea e te le faaogaina ai lau telefoni e pue ai ata?”
Ua lulu le ulu o le teine ma fai atu “E leai.” E aunoa ma se isi faamalamalamaga.
Ae o le tulaga sao lava ia, o lana telefoni e le gata ua laina solo taei i le tioata ua tau le iloa ni ata, ae ua leaga foi le ki e pue ai ata o le telefoni. Ae sili ona faaletonu o le leai o sana tupe e fai ai le telefoni pe faatau ai se isi telefoni fou.
O Sanford ua le uma lona fia fesili pea.
Ao Ioane o loo ave taavale, e le manao e faaauau se talanoaga e faamanualia ai le teine o Sabrina. O le pogai lea o lona oso faalava mai ao sauni isi foi osofaiga a le alii o Sanford.
“E ese ma lou le laki o oe ia. O meapueata mai le kamupani a le Kodak e fai lava si taugata aua o meapueata faapolofesa. E le lava i lou totogi aua e oo lava i le sefuluafe tala. O le a faapefea ona e maua se tupe?”
“Sa ou lisi maia i le 1,500 tala.” O le tali atu lea a le teine.
Sa uu le gutu o Ioane i le taugata o le meapueata, o lona uiga e oo lava i le 10,000 tala le tupe e toe totogi aua o lea ua leiloa le meapueata.
I le maea o nai sekone, ua tatala e le tama o Ioane le tamai pusa uamea i tafatafa o lona nofoa, ua ia aumai i fafo se fusi tupe, ua ia tilotilo i ai, ona ia togi lea o le fusitupe ia Sabrina o loo nofo mai i tua.
Ua tei le teine o Sabrina i le pau mai o le fusitupe i luga o ona vae. Ua ia tago i ai ma ua ia iloa o se tupe tele.
I le mavae o nai sekone ua ia ataata, ona ia fai atu lea, “Ou te le manao ai.”
[E Faia Pea]