13/07/2025
Programa Catequistakunaq Rimayñin / XV tiempo Ordinario / 𝖤𝗏𝖺𝗇𝗀𝖾𝗅𝗂𝗈 𝖽𝖾𝗅 día 𝖣𝗈𝗆𝗂𝗇𝗀𝗈 13 de Julio del 𝟤𝟢𝟤𝟧
𝑲𝒂𝒚𝒎𝒊 𝑺𝒂𝒏 Lucaspa 𝑸𝒉𝒆𝒍𝒒𝒂𝒔𝒒𝒂𝒏 𝑬𝒗𝒂𝒏𝒈𝒆𝒍𝒊𝒐 𝒘𝒊𝒍𝒍𝒂𝒓𝒊𝒌𝒖𝒚
Mateo 10, 25-37
Samaria llaqtayoq allin runamanta
Kamachikuy simita yachachiqmi Jesusta wateqananpaq sayarispa tapurqan:
–Yachachikuq, ¿imatan ruwasaq wiñay kawsayniyoq kanaypaq? nispa.
Jesustaq payta nirqan: –¿Imataq Diospa kamachikuy siminpi qelqasqa kashan?
¿Ima ninmi leesqaykipi? nispa.
Paytaq nirqan:
–Señor Diosniykitan munakunki tukuy sonqoykiwan, tukuy almaykiwan, tukuy kallpaykiwan, tukuy yuyayniykipiwan, runa-masiykitataq qan kikiykita hina munakunki ninmi, nispa.
Jesustaq nirqan: –Allintan ninki, chay hinata ruwamuy, hinan kawsanki, nispa.
Paytaq ichaqa mana qhepapi kayta munaspa Jesusta nirqan: –¿Pitaq runamasiyri? nispa.
Chaymi Jesusqa nirqan:
–Huk runatan Jerusalén llaqtamanta Jericó llaqtaman uraykushaqtin suwakuna hap'irqorqan. Chaykunan lliw kaqninta ch'utirqospa k'iriykuspa wañunayashaqta wikch'uspa pasakurqanku. Huk sacerdote chay ñanta uraykuspataq, k'irisqa runata rikuspa chimpallanta pasarqan. Chhaynallataqmi Leví runapas chayneqman chayaspa, payta rikuspa chimpallanta pasarqan. Ichaqa Samaria llaqtayoq runan chay ñanta purishaspa paypa kasqanman chayarqan, rikuspataq khuyapayaykurqan. Hinaspan asuykuspa, vinowan aceitewan k'irinkunata hampiykuspa wataykurqan, sillakunan uywaman sillaykachispataq tampuman aparqan, hinaspan payta cuidarqan. Qhepantin p'unchay ripunanpaqtaq iskay p'unchay jornal qolqeta tampuyoqman qorqan: –Payta cuidaykapullawanki, lliw ima gastasqaykimantapas kutimuspaymi pagapusqayki, nispa.
¿Mayqentaq chay kinsantinmanta suwakunaq ch'utisqanpa runamasin? ¿Imaninkitaq? nispa.
Hinan payqa nirqan:
–Payta khuyapayaykuqmi, nispa. Chaymi Jesusqa nirqan:
–Riy, kaqllatataq qanpas ruwamuy, nispa.
𝘒𝘢𝘺𝘮𝘪 𝘛𝘢𝘺𝘵𝘢𝘯𝘤𝘩𝘪𝘴𝘱𝘢 𝘳𝘪𝘮𝘢𝘳𝘪𝘴𝘲𝘢𝘯 𝘴𝘪𝘮𝘪
𝗤𝗮𝗺𝗽𝗮𝗾 𝗚𝗹𝗼𝗿𝗶𝗮 𝗞𝗮𝗰𝗵𝘂𝗻 Apu Jesucristo
Sr. De Huanca san Salvador
[email protected]
