05/08/2026
π§ππ₯π₯ππππ, π πππππ’π¦ π¦π π£π’π¦π§ π‘π ππ’π‘π. π£ππ’ππ’ ππ¨π§ππ₯π§π: βπͺπππ ππ’π¬ β±ππ¬π ππ¬π¨ππ, ππ¨π π¨π¦π§π ππ‘π β±π±ππ?β
Mibalos si Philippine Coast Guard spokesperson for the West Philippine Sea, Jay Tarriela, sa pahayag ni Davao City 1st District Representative Paolo βPulongβ Duterte nga naghisgot sa diplomasya ug sa isyu sa West Philippine Sea (WPS).
Sa iyang tubag, giingon ni Tarriela nga dili siya ang angay kasuk-an, kondili ang China nga iyang giingong padayon sa pagpanghilabot ug pagpangipit sa mga Pilipino sa WPS. Gipangutana usab niya si Duterte kung pro-China ba kini tungod sa mga pahayag niini.
Gipasabot usab ni Tarriela nga nagpadayon ang diplomatic engagement tali sa Pilipinas ug China pinaagi sa embahada, konsulado, ug Bilateral Consultation Mechanism, diin gihisgutan ang mga isyu sa WPS.
Matud pa niya, ang iyang gibuhat mao lamang ang paghatag sa publiko sa tinuod nga kahimtang sa WPS, ug ang pagpahilom sa atubangan sa agresyon dili matud pa niya mahimong tawgon nga diplomasya.
Gikwestyon usab ni Tarriela si Duterte nganong wala kini magpagawas og pahayag sa mga insidente sa pagpanghilabot sa China batok sa Philippine Coast Guard ug mga mangingisdang Pilipino.
Gipanghimakak usab niya ang alegasyon nga nakadawat siya og β±10 milyon nga ayuda, ug sa baylo gipangutana niya ang kahimtang sa β±51 bilyon nga gihisgutan ni Usec. Cabral sa miaging tuig, nga matud pa niya pagakwestyunon usab sa umaabot.
Nagpadayon ang bangigay sa duha ka opisyal pinaagi sa social media, nga nakahatag og nagkalainlaing reaksyon gikan sa publiko.
