27/01/2026
Little Moments, Big Memories
Ang sarap makita ang mga bata na masaya, lalo na kapag magkakasama sila at ramdam mong mahal nila ang isa’t isa. Minsan, simpleng bagay lang pala ang kailangan nila tulad ng first time sumakay ng tricycle sa loob ng subdivision. Grabe ang tuwa nila, parang first time mag travel abroad, eh ikot lang naman sa kanto 😄 Pero yung saya nila, totoo at buo.
Noong nakaraang taon, sobrang naging busy kami, lalo na sa last quarter. Kaya ngayong taon, napagdesisyunan talaga namin na mas bigyan sila ng oras. Alam namin na saglit lang ang panahon, at isang iglap lang, malalaki na sila.
Madalas kaming mag usap mag asawa tungkol dito. Ayaw namin na pagdating ng panahon, may maramdaman kaming pagsisisi na kulang ang oras na naibigay namin sa mga anak namin. Totoo pala, mahirap maging magulang. Gusto mong ibigay ang magandang buhay sa kanila, pero minsan, ang kapalit ay ang oras na sana kasama mo sila.
Kaya kami talagang nagsisikap at nagpupush sa negosyo. Marami ang nagsasabi na huwag magmadali dahil darating din ang tamang oras. Pero para sa amin, mahalaga ang oras ngayon. Iba iba man ang timing ng bawat tao, ipinagdadasal namin na mas mapalapit na ang panahon na mas marami na kaming oras para sa pamilya.
Ang mga batang ito, tahimik lang na naghihintay ng oras namin. Isang pikit lang, malalaki na sila. Kaya gusto naming sulitin ang bawat sandali habang bata pa sila, kahit tricycle ride lang, core memory na sa kanila.
Six years na kami sa negosyo, at patuloy naming inaayos ang lahat para sa kinabukasan nila. Alam namin na darating ang araw na kaming mag asawa na lang ulit ang magkasama sa bahay. Napakabilis ng panahon, lalo na ang panganay namin na mag 10 na.
Habang may pagkakataon pa, gusto naming masulit ang oras kasama sila. Lahat ng ito, ipinagkakatiwala namin sa Diyos. Siya ang gumagabay sa bawat hakbang namin. 🙏
