02/05/2026
Hinahanap ko pa rin kung saan ako magaling.
Hanggang ngayon, nagdududa pa rin ako sa sarili ko. Hindi pa rin ako sigurado kung ano ang tatahakin ko. Malabo pa rin kung ano ang gusto kong gawin. Pakiramdam ko, sakto lang ako sa lahat ng aspekto.
Hindi magaling. Nando’n lang ako sa linya na meron akong kayang gawin.
Sa tuwing dinidibdib ko ang mga bagay na ’di ko kontrolado, mas lalo lang nagiging komplikado. Sa ngayon, gusto ko lang munang sumabay sa paparating na tsansa. Gusto ko lang munang kumalma.
Nakapapagod mag-alala.
