30/05/2025
PHO GINA-IMBESTIGAHAN ANG SUSPECTED MPOX CASE SA PROBINSYA SANG NEGROS OCCIDENTAL
Gina-imbestigahan sa karon sang Provincial Health Office ang gin-aligar duha ka kaso sang monkeypox (mpox) sa duha ka mga separado nga lugar sa probinsya sang Negros Occidental, suno kay Provincial Health Officer Dr. Girlie Pinongan.
Ginpahayag ni Pinongan mga suspected mpox ang nagdangat sa iya nga report sa diin ang gininkanan indi magpasugot i-admit ang ila bata sa Don Salvador Benedicto Memorial Hospital sa syudad sang La Carlota, samtang ang isa ang nagpa-confine sa Kabankalan City Hospital sa Barangay Tabugon nga isa ka bus driver.
Sandig kay Pinongan sa iya paglantaw sa ginpadala sa iya nga laragway, malayo kaso sang mpox ang gina-angkon sang mga pasyente sa diin base sa panaysayon sang chief of hospital sa La Carlota City nga si Dr. Carmelo Arguelles, ang nasambit nga suspected mpox case ang isa ka skin infection ukon rashes.
Dugang pa sang provincial health officer indi siya makasiling nga “safe” ukon negative ang duha ka mga nasambit nga pasyente tubtob indi ini sila makuhaan sang ‘specimen’ para sa laboratory test sa pihak ang itsura sang ila gina-angkon nga pilas (lesions) kag presentasyon sang ila ginbatyag nga sintomas indi kaaangay sang mpox.
Nagpaguwa na ang PHO sang advisory para sa tanan nga mga health facilities, hospitals kag local government units nga hatagan sang prayoridad ang mga pasyente nakitaan sang sintomas ukon ginasuspetsuhan nga monkeypox.
