07/09/2025
Ari lang kami sa likod mo Maninoy White ah🥰👌
Mga pinalangga ko nga Customers diri sa Negros dako gid nga kalipay kag pagpasalamat ang akon ginahandum sa inyo tanan. Sa inyo pagsalig sa akon gamay nga kamot kag simple nga abilidad, nakahatag ako sang serbisyo sa inyo mga salakyan halin sa daan nga modelo tubtob sa bag-o, bisan pa nga ang akon maestro amo lang si YouTube, Facebook kg mga Libro sa mga Salakyan.
Sa tunga sang Covid-19 Pandemic, nag-umpisa lang ini nga daw palagpat nga kalipayan. Wala gid ko nagdahum nga ang mga fans nga naga-suporta sa akon sa social media amo gali ang maghatag sang kabuhi sa akon pangabuhi bilang freelance mechanic. Kung wala kamo wala man ako diri subong.
Ginapasalamatan ko man gid ang akon mga suod nga abyan, si Ihado Pikachu kag Labugay, nga nangin kabahin sang akon pagpadayon. Indi man mahimo ini kon wala ang bulig kag presensya ninyo.
Sa DBO Autoparts sa Bacolod City, bisan kaisa limitado ang parts, gina-ubra ninyo ang tanan nga mahimo para lang makabulig sa akon. Sa Kapitan Parts sa Borromeo Street, Cebu City, salamat sa inyo suporta. Kag sa Tri-Jems Machine Shop, nga eksperto sa motor reconditioning kag parts fabrication ginapasidunggan ko kamo tanan nga naga-una sa pag-alalay sa amon pareho nga mekaniko.
Kag sa katapusan, sa duha ko ka anghel nga wala gid nagbiya sa akon si Manang Lynlyn kag Carla. Kamo ang akon kusog, inspirasyon kag kabuhi. Ang inyo pag-upod sa akon sa tag-init kag ulan, sa kahago kag kapoy, nagahatag sang kahulugan sa tanan nga sakripisyo.
Ang tanan nga ini, para sa inyo. Indi lang ini serbisyo, kundi isa ka handum nga ihatag ang pinakamaayo para sa inyo tanan nga nagsalig sa akon.
Salamat gid sa tanan nga nagapati sa akon kag sa akon gamay nga abilidad. Wala ako diri kon wala kamo.
- Maninoy White
