10/07/2025
GIN RESCUE NGA LIMA KA BULAN NGA LAPSAG NGA NAGATINIR SA DALAN, LUYAG KARON KUHAON SANG GINIKANAN
Na rescue sang DSSD Bacolod - Bacolod Anti-Mendicancy Task Force ang lima ka bulan nga lapsag nga lalaki nga nakit-an nga nagatulog sa higad sang dalan sa bahin sang Narra Avenue, Barangay Villamonte, syudad sang Bacolod, sadtong, Hulyo 5.
Sa pahayag ni Anjanette Servano, ang focal person sang task force, nalakip sa mapping operation ang pamilya sang bata kag nakit-an nga nagatulog sa atubangan sang isa ka building sa Narra Avenue.
Upod sang lapsag ang iya pamilya sa kilid sang dalan, kon sa diin siyam tanan ang bata sang mag-asawa nga kalabanan mga menor de edad.
Dugang pa ni Servano na-rescue ang bata matapos nakit-an ini nga wala gina atipan sang maayu sang iya ginikanan, kon sa diin ini sa karon ang may respiratory illness matapos ginpaidalum sa medical check-up nga ginapatrihan nakuha sa pagtulog sin isa kilid sang dalan.
Padayon sa karon ang dayalogo sang DSSD kag sang task force sa pamilya kaupod man ang Barangay, apang ginklaro naman ni Dr. Richelle Verdeprado-Mangga, head sang DSSD Bacolod, nga indi for adoption ang bata ng ana rescue.
Liwat naman nga nagpaandam ang DSSD nga gina rescue sang otoridad ang mga lapsag ukon bata nga naga layaw kag nagapangayo kayo sa dalanon sa isa ka humane nga proseso, kasubong man sa mga kabataan nga may mga iresponsable nga ginikanan.
Sa karon, gina hinyu sang ginikan sang bata nga ibalik sa ila ang ila anak matapos ginkuha sang DSSD, bangud nagapanindugan ang mga ini nga wala sang kulang ang ila pag-atipan sa ila mga kabataan.
Ini nga balita ginadul-ong sa inyo sang:
For More Inquiries, Call YES2HEALTH WELLNESS CENTER @ (0961) 732 8761 and 464-5027
