05/06/2026
BREAKING: “BIBITBITIN KITA, KWEKWELYUHAN KITA!” — ERWIN TULFO, NAGBABALA SA MGA MAGSASAGAWA UMANO NG HIWALAY NA BLUE RIBBON HEARING
Sa gitna ng sigalot, nagbabala si Erwin Tulfo laban sa sinumang magsasagawa umano ng pagdinig na hindi kinikilala ng kampong tinatawag niya na “new majority,” na nagsasabing siya ang lehitimong chairman ng Blue Ribbon Committee.
Ayon kay Tulfo:
“Hindi na po ako papayag na maghi-hearing hearingan kayo diyan and I will have you arrested, I promise.”
Iginiit din niya na hindi siya uurong kahit pa dating mataas na opisyal ng gobyerno ang kanyang kaharap.
“Kahit na senador ka, kahit na sinasabi mong matanda ka na, ilang taon ka na sa Senado, try me.”
“Kung dati kang Senate President, dati kang Speaker of the House, I don’t give a f*ck.”
“Magpa-hearing ka ng Blue Ribbon ulit, magpa-hearing ka, I don’t care.”
“Kung hindi papahuli, kung ayaw ng OSAA, bibitbitin kita, kwekwelyuhan kita, palalayasin kita diyan sa floor na ’yan.”
“Eh talagang papahuli kita!”
Ipinaliwanag ni Tulfo na ang kanyang paninindigan ay nakabatay sa kanyang paniniwalang siya ang may lehitimong kapangyarihan bilang chairman ng komite.
“Because I am the legitimate Blue Ribbon chairman.”
Ang mga pahayag na ito ay lumabas matapos ang magkahiwalay na hakbang ng dalawang nagbabanggaang kampo sa Senado kaugnay ng imbestigasyon sa mga alegasyon ng iregularidad sa flood control projects. Habang ipinagpapatuloy ng kampo ni Senate President Alan Peter Cayetano ang kanilang mga pagdinig, iginigiit naman ng kampo nina Sherwin Gatchalian at Erwin Tulfo na sila ang kinikilalang bagong mayorya at may eksklusibong awtoridad sa Blue Ribbon Committee.
Sa ngayon, wala pang pinal na resolusyon sa sigalot sa liderato ng Senado, ngunit malinaw na lalo pang umiinit ang banggaan ng magkabilang panig habang papalapit ang mga susunod na pagdinig at mahahalagang usaping pampulitika sa Mataas na Kapulungan.
Wala pang reaksyon mula kay Senate President Alan Peter Cayetano o kay Sen. Rodante Marcoleta kaugnay ng mga babala ni Tulfo.
