16/11/2025
TEACHER DOCUMENTARY | Isip usa ka maistro sa last-mile school ang among kahimtang dili jud lalim labi na kung naay estudyante na mo undang na og eskwela diha aksyon sadta mabalaka para sa future nila.
Sa bukid ang problema jud kay ang pag-undang sa mga bata. Ang pinakauna na rason ana kay (uban) walay interes mo eskwela. Ikaduha, tungod sa ginikanan kay pasagdaan nalang ilang anak ug ihatag na sa anak ang desisyon kung mo eskwela pa o dili na. Ikatulo, tungod kay mosabay o manarbaho sila kauban ilang ginikanan didto sa ilang umahan.
Magtutudlo ko pero wala koy katungod na mag desisyon sa ilang anak kay ang trabaho sa magtutudlo kay motudlo, mag-giya ug pag-assess sa ilang kaayohan ug kaugmaon. Lisud jud kaayo kung huna-hunaon.
Dili sad nako masisisi ang mga bata pati sad ginikanan kay sa kapobrehon ug kahimtang nila wala ta kabalo. Tested and proven na nakahimtang kay uban nako estudyante moingon na wala silay pagkaon. Pilion jud sa matag-usa ang mabuhi ug makakaon matag adlaw. Who are we to judge them diba?! Karapatan sa tanan ang mo eskwela pero kaparatan sad sa matag pamilya ang mabuhi ug makakaon.
Sa akong assessment ug pagconduct sa Home Visitation didto nako nakita ug naduggan kung unsa jud ang rason sa mga mga ginikanan. Kahilakon og dako ang pagmahay na ing-ani-ing-ana ang kahimtang sa ilang anak. Murag gikumot sad akong dughan m kay samtang nag-interview ko nabatian nako ang sincerity sa mga ginikanan na nagsulti jud kung unsa ang katinud-anan.
Akong giingnan kaning duha ka ginikanan na andam gihapon nako dawaton ilang anak kung naa pay plano mo eskwela. Pa-eskwelaha ninyo kay ako na bahala sa nila… walay angay kahadlokan kay ilang adviser buotan man (kidding aside). Sayang ang panahon kung dili nila hatagan og bili. Sa huli pirme ang pagmahay samtang kaya pa tul-idon atong tul-idon.
Sa mga estudyante na taga last-mile nagpadayon sa ilang pag-eskwela, tama kaayo na nagibuhat ninyo tanan para sa inyong kaugmaon ug pamilya. Ayaw mo pangundang, himoang motivation ang kahimtan sa inyong ginikanan para pag-abot sa panahon kamo nasad ang makatabang nila tanan.
Ps. Gibuhat na nako kung unsa angay buhaton pero sila na jud ang ni give-up sa ilang kaugmaon. I did my best but I guess my best wasn’t good enough ana pa sa kanta. I hope na malamdagan akong mga estudyante na mo eskwela og balik. Hanggang sa muli!
