https://www.facebook.com/102334698761435/

𝐇𝐚𝐫𝐮𝐧 𝐃𝐨ñ𝐚𝐬𝐚𝐥𝐞𝐬 - 𝐃𝐚’𝐰𝐚𝐡 𝐩𝐚𝐠𝐞

Home
Philippines
Caloocan
𝐇𝐚𝐫𝐮𝐧 𝐃𝐨ñ𝐚𝐬𝐚𝐥𝐞𝐬 - 𝐃𝐚’𝐰𝐚𝐡 𝐩𝐚𝐠𝐞

𝙒𝙞𝙨𝙙𝙤𝙢 𝙩𝙖𝙡𝙠𝙨

17/07/2025

Kung nais mong mag focus sa ginagawa mo, subukan mong mapag-isa. Sa ganitong paraan, mas tahimik ang paligid at mas malinaw ang puso. Ganito ang ginawa ni Propeta Muhammad ﷺumaakyat siya sa kuweba ng Hira hindi lang upang magnilay, kundi upang sambahin si Allah ﷻ at humingi ng patnubay. Ayon sa mga psychologist, napatunayan na ang pagiging magisa sa tahimik na lugar ay nakatutulong sa focus, mental clarity, at pagpapalalim ng layunin. Sa katahimikan, may direksyon.

15/07/2025

Bihirang pag-usapan ang tunay na value na dapat taglayin ng isang Muslim na lalaki, ang haya (modesty), ang self-respect, at ang disiplina.

Bilang mga lalaki, may imahe din tayong dapat ingatan. May emosyon din tayong kailangang bantayan. Pero sa social media, marami sa mga kalalakihan ang bukas sa lahat, kung sinong babae ang mag-message, nire-replyan. Kung sinong babae ang nag-like. Hanggang sa masanay na maging available sa lahat, at nawawala na ang value ng pagigiging lalaki mismo.

Hindi pagiging lalaki ang pagiging accessible. Ang tunay na lalaki ay may limitasyon. May lalim. May prinsipyo.

Sabi ng Propeta ﷺ:
“Al-ḥayā’ shu’batun min al-īmān.”
“Ang ḥayā ay bahagi ng pananampalataya.” (Bukhari at Muslim)

Alam mo kung bakit high value ang isang Muslim man?
Dahil marunong siyang umiwas. Marunong siyang tumanggi. Marunong siyang maghintay.
Hindi siya naglalako ng sarili niya sa DM. Hindi siya nagpapababa ng worth niya para lang mapansin.

Sabi nga: “a man who cannot control his desires, cannot lead.” Kahit sa psychology ng modern masculinity, sinasabi nilang ang lalaki na walang boundaries ay mababa ang self-worth.

Kaya kung gusto mong maging high value, maging disiplinado ka.
Disente sa pakikitungo. Maingat sa paningin. Malinis ang intensyon.
Hindi dahil gusto mong magustuhan ng babae, kundi dahil gusto mong maging karapat-dapat sa paningin ni Allah.

12/07/2025

📍12.07.25
One-day intensive seminar
• Effective Public Speaking
• Khutbah Writing & Delivery
• AI in Online Da’wah

Alhamdulillah, matagumpay na naidaos ang isang makabuluhang seminar ngayong araw na ito, isang araw ng pagkatuto, pagsasanay at pagbibigay inspirasyon sa mga nagsusumikap sa larangan ng Da’wah.

InshāAllah, uuwi ang ating mga kapatid na dumalo na may baong bagong kaalaman at kamalayan nawa’y ito’y magsilbing inspirasyon upang sila naman ay makapagbahagi ng benepisyo at kabutihan sa iba, mula sa mga aral na kanilang natutunan ngayong araw.

At inshāAllah, hindi ito ang huli. Marami pang mga susunod na programa inshaAllah antabayanan nyo lamang po.

Nawa’y gantimpalaan ni Allah Subḥānahu wa Taʿālā ang lahat ng nagsumikap, nagplano, at tumulong upang maisakatuparan ang seminar na ito.
Ustadh Eisa Javier
Gorki
Javier
Capariño
Ibnu Abbas

04/07/2025

📌 Paalala: Huwag kalimutan mag-ayuno bukas, July 5, in shaa Allah. Ito ang pagkakataon para makamit ang kapatawaran ni Allah sa pamamagitan ng pag-aayuno.

📖 Sinabi ng Propeta ﷺ:

«صِيَامُ يَوْمِ عَاشُورَاءَ أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ»
“Ang pag-aayuno sa Araw ng Ashura, inaasahan kong sa pamamagitan nito ay papawiin ni Allah ang mga kasalanan ng nagdaang taon.”
— (Sahih Muslim)

29/06/2025

Sa loob ng 12-araw na digmaan sa pagitan ng Israel at Iran, habang nakatuon ang atensyon ng buong mundo sa kanilang direktang labanan, ipinagpatuloy ng Israel ang mga operasyong militar nito sa Gaza na nagresulta sa pagkamatay ng hindi bababa sa 870 na Palestino. Iniulat ng Al Jazeera na naganap ang mga pagkamatay na ito sa gitna ng patuloy na pag-atake ng Israel sa nasabing lugar, na muling nagpapakita ng matinding epekto sa mga sibilyang Palestino sa kabila ng mas malawak na hidwaang geopolitikal.

Source:
Al Jazeera

27/06/2025

Assalamu Alaikum warahmatullah.

Nakita ko po ang comment na ito sa isang video natin kamakailan lamang at aminado akong nabigla at nalungkot ako. Hindi po tama ang ganitong pag-iisip na kapag ang babae ay tumaba, pumangit sa paningin natin, o hindi na gaya ng dati, ay nawawalan na siya ng halaga.

Una sa lahat, tandaan natin na ang babae, lalo na ang mga ina, ay nagsasakripisyo ng katawan, oras, at lakas para sa asawa at pamilya. Ang pagtaas ng timbang o pagkakaroon ng physical changes ay natural, lalo na pagkatapos manganak. Hindi ito dahilan para mawalan sila ng respeto o pagmamahal.

Pangalawa, ang ganitong kaisipan ay hindi naaayon sa Islam. Hindi tayo tinuruan ng ating Propeta Muhammad ﷺ na suriin ang kababaihan batay lang sa panlabas. Sa halip, sinabi niya:

“Ang pinakamahusay sa inyo ay ang pinakamahusay sa kanyang pamilya.”
(Hadith – Tirmidhi)

Pangatlo, kung ang lalaki ay nagmamahal lang kapag maganda ang babae, anong klaseng pagmamahal iyon? Panlabas lang? Kapag nawala na ang ganda, tapos na rin ang respeto? Ang ganitong mindset ay nakakasira hindi lang sa relasyon kundi sa kabuuan ng pagkatao natin.

Ang babae ay hindi trophy. Hindi siya para lang pagandahin at ipagmalaki. Siya ay partner sa buhay, katuwang, at ina ng ating mga anak. Kapag pinabayaan natin sila emosyonal man o pisikal tayo ang tunay na may pagkukulang.

Mga kapwa lalaki, huwag nating gawing batayan ng respeto at halaga ang itsura. Gamitin natin ang mata ng awa, pasasalamat, at taqwa. Dahil isang araw, lahat tayo ay tatanda, at haharap sa Allah hindi dahil sa itsura, kundi dahil sa ating puso, akhlak, at pagkilos.

Kung tunay tayong lalaki, tunay tayong Muslim itatama natin ang ganitong pag-iisip. Irespeto natin ang kababaihan hindi dahil perpekto sila, kundi dahil mahal sila ng Allah at sila ay pinagkatiwala sa atin.”

Wa Allahu A’lam.

23/06/2025

Nagpakawala ang Iran ng mga m!ss!l€ patungo sa U.S. air base sa Qatar. Sa ganitong panahon ng tensyon, bilang mga mamamayan, ano ang nararapat nating maging tugon?

23/06/2025

Wala sa babae ang problema. Nasa lalaki na hindi marunong umiwas tumingin sa iba.

22/06/2025

Marami ang ginagawang biro ang pag-aasawa ng higit sa isa, lalo na sa harap ng mga kababaihang Muslim. Hindi nila alam, may mga nasasaktan, lalo na ang mga nagdaan sa hindi magandang karanasan sa poligamya.

Mga kapatid, hindi ito dapat gawing katatawanan, na para bang binabale-wala at walang paggalang sa damdamin ng mga kababaihan. Ang usaping ito ay seryoso at dapat lapitan nang may respeto at pag-unawa.

Ang tunay na lalaki ay hindi nakikitawa sa sakit ng iba, kundi marunong rumespeto sa damdamin ng kapwa. Huwag tayong maging dahilan ng sugat, kundi maging daan sa paghilom..

21/06/2025

BAGONG BATAS PARA SA MGA MUSLIM!Sa bisa ng RA 12018, mas pinalawak ang Shari’ah courts sa buong bansa.
Jazakallahu khayran, Senator Robin Padilla, sa iyong pagsusumikap para sa kapakanan ng ummah. Nawa’y gantimpalaan ka ni Allah ng kabutihan sa dunya at akhirah...

19/06/2025

Digmaan ba talaga ng relihiyon—o laro lamang ng kapangyarihan ng mga namumuno? Narito ang konkretong paliwanag, may batayan at katotohanan.

17/06/2025

Ang lyong Kasalanan ay Hadlang sa Biyaya. Kapag ang puso ay nanatiling nakakapit sa kasalanan, huwag kang magtaka kung bakit tila walang biyaya ang iyong mga pagsusumikap. Ang kasalanan ay parang ulap na humaharang sa liwanag ng awa at baraka ni Allah.

"Katotohanan, hindi itinutuwid ni Allah ang gawain ng mga mapaggawa ng katiwalian."
(Surah Yunus, 10:81)

Address

Caloocan

Website

facebook.com

Alerts

Be the first to know and let us send you an email when 𝐇𝐚𝐫𝐮𝐧 𝐃𝐨ñ𝐚𝐬𝐚𝐥𝐞𝐬 - 𝐃𝐚’𝐰𝐚𝐡 𝐩𝐚𝐠𝐞 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 𝐇𝐚𝐫𝐮𝐧 𝐃𝐨ñ𝐚𝐬𝐚𝐥𝐞𝐬 - 𝐃𝐚’𝐰𝐚𝐡 𝐩𝐚𝐠𝐞:

𝐇𝐚𝐫𝐮𝐧 𝐃𝐨ñ𝐚𝐬𝐚𝐥𝐞𝐬 - 𝐃𝐚’𝐰𝐚𝐡 𝐩𝐚𝐠𝐞

17/07/2025

15/07/2025

12/07/2025

04/07/2025

29/06/2025

27/06/2025

23/06/2025

23/06/2025

22/06/2025

21/06/2025

19/06/2025

17/06/2025

Address

Website

Alerts

Contact The Business

Shortcuts

Share