https://www.facebook.com/405930079263571/

Ang Talaghay, Balanga (2025)

31/05/2025

𝗧𝗜𝗡𝗚𝗡𝗔𝗡 | Pormal nang nagtapos ang ikalawang araw ng pagpapatala sa cluster ng Science, Technology, Engineering, at Mathematics, para sa mga mag-aaral na may apilyedong nagsisimula sa A–H, kahapon, ika-30 ng Mayo, 2025.

Muling aarangkada ang enrollment period sa paaralan sa darating na ika-2 ng Hunyo, taong kasalukuyan, upang salubungin ang mga mag-aaral na may apilyedong may inisyal na I–P, mula ika-8 ng umaga hanggang ika-5 ng hapon sa Bataan National High School-Senior High School (BNHS-SHS).

Balitang Pampaaralan ni: Dhensel Ferrer
Larawang Kuha nina: Dhensel Ferrer, Vince Dela Cruz

29/05/2025

𝗡𝗔𝗦𝗔 𝗟𝗔𝗥𝗔𝗪𝗔𝗡 | Sa pagpapatuloy ng transpormatibong inisyatiba ng Ang Talaghay sa pagbibigay ng impormasyon ukol sa mga organisasyon at samahan na mayroon ang paaralan, matagumpay ang naging diskusyon sa hanay ng mga mag-aaral sa Science, Technology, Engineering, at Mathematics (STEM) cluster, sa ikalawang batch ng proyektong “Organisa-SHOWN, Diskus-YOWN,” nitong ika-29 ng Mayo, 2025.

Kasama ang mga representatibo mula sa Supreme Secondary Learner Government (SSLG), The Premier, STEM Society, Solus Christus, at Mathletes, naging masigla ang maikling palihan ukol sa mga samahan na ito sa paaralan.

Bukas, ika-30 ng Mayo, 2025, magpapatuloy ang proyektong ito para sa mga nakatakdang magpatala sa mga mag-aaral na may apelyidong nagtatapos sa A–H na balak magpatala sa cluster ng STEM.

Balitang Pampaaralan ni: Dhensel Ferrer
Winasto at Sinuri ni: Emma Pantaleon
Mga Larawang Kuha nina: Carlene Baldomero, Reann Aicel Basilio, Jan Andrei Narag, Rhiane Leido, Jayan Dameyelle, Regel Bagui, Allison Sausa

29/05/2025

𝗧𝗜𝗡𝗚𝗡𝗔𝗡 | Matagumpay na pinasinayaan ng mga mag-aaral na nagtapos sa programa ng Science, Technology, and Engineering (STE) ang unang araw ng pagpapatala sa cluster ng Science, Technology, Engineering, at Mathematics (STEM), at mga mag-aaral na kwalipikadong nakapasa sa Pre-Baccalaureate Maritime (PBM) ngayong araw, ika-29 ng Mayo, 2025.

Bandang ika-7:45 ng umaga, nagsimulang dumagsa ang mga mag-aaral kasama ang kanilang mga magulang upang tumugon sa naitalagang iskedyul ng mga nagtapos sa programa ng STE para sa cluster ng STEM.

Bukas, ika-30 ng Mayo, 2025, naka-iskedyul ang pagpapatala para sa cluster ng STEM ang mga mag-aaral na mayroong apelyido na nagsisimula sa A–H.

Pinapayuhan ng pamunuan na sumunod sa mga naitalagang patakaran at siguraduhing tama ang iskedyul ng pagpunta upang maiwasan ang aberya.

Upang malaman ang mga kaukulang dokumento at mga bagay na dapat ihanda sa pagpapatala, inaabisuhan ang lahat na tingnan ang opisyal na page ng paaralan.

Balitang Pampaaralan ni: Dhensel Ferrer
Winasto at Sinuri ni: Emma Pantaleon
Mga Larawang Kuha nina: Carlene Baldomero, Reann Aicel Basilio, Jan Andrei Narag, Rhiane Leido, Jayan Dameyelle, Regel Bagui, Allison Sausa

29/05/2025

𝗘𝗦𝗧𝗔𝗗𝗜𝗦𝗧𝗜𝗞𝗔 | Sumipa sa mahigit 567 ang totalidad ng naitalang mga mag-aaral na pormal nang nakapagpalista sa huling araw ng pagpapatala sa mga cluster ng Arts, Humanities and Social Sciences at Business and Entrepreneurship ng Academic Track nitong ika-28 ng Mayo, 2025.

276 sa mga ito ay nagmula sa cluster ng Business and Entrepreneurship na tinatayang mayroong pinakamataas na bahagdan sa kasalukuyang bilang ng mga nagpatala sa loob ng tatlong araw.

Sinundan ito ng cluster ng Humanities and Social Sciences na mayroong 258 na bilang ng mga mag-aaral, cluster ng Arts na mayroong 25 na mga mag-aaral, at Technical Professional (Tech-Pro) Track na mayroon nang naitalang walo.

Balitang Pampaaralan ni: Dhensel Ferrer
Winasto at Sinuri ni: Emma Pantaleon
Nilapat ni: Jan Andrei Narag

29/05/2025

𝗣𝗔𝗡𝗢𝗢𝗥𝗜𝗡 | Bilang komemorasyon sa 2025 International Aids Candlelight Memorial, nagsagawa ang Balanga City Health Office ng Infomercial Video Making Competition upang paunlarin ang kamalayan ng kabataan ukol sa usapin ng HIV.

Kaugnay nito, ang video entry na ito ang
opisyal na entry ng Bataan National High School - Senior High School (BNHS-SHS) sa naturang patimpalak.

Bilang pagsuport, inaanyayahan ang mga Arellanistas na pusuan "❤️" ang mismong post at i-share sa mga kasamahan upang makuha ng paaralan ang Popularity Award.

Maraming salamat, Arellanistas!!

29/05/2025

𝗣𝗔𝗡𝗢𝗢𝗥𝗜𝗡 | Tingnan ang kasalukuyang lagay ng dami ng mga nagpapatala sa unang araw ng Enrollment sa Science, Technology, Engineering, at Mathematics cluster ngayong umaga, ika-29 ng Mayo, 2025.

29/05/2025

𝗧𝗜𝗡𝗚𝗡𝗔𝗡 | Bandang 7:45 ng umaga, nagsimula nang dumating ang mga mag-aaral na nagtapos sa programa ng Science, Technology, and Engineering (STE) kasama ang kanilang mga magulang upang magpatala sa Science, Technology, Engineering, Mathematics Cluster sa Bataan National High School-Senior High School (BNHS-SHS) ngayong araw, ika-29 ng Mayo, 2025.

Balitang Pampaaralan ni: Dhensel Ferrer
Mga Larawang Kuha ni: Jan Andrei Narag

28/05/2025

𝗧𝗜𝗡𝗚𝗡𝗔𝗡 | Nagtapos na ngayong araw ang pagpapatala ng mga mag-aaral na papasok sa ika-11 baitang sa cluster ng Arts, Humanities and Social Sciences, at Business and Entrepreneurship sa ilalim ng Academic Track, ika-28 ng Mayo, 2025.

Sa ikatlong araw ng pagpapatala, patuloy ang pagdating ng mga mag-aaral mula sa iba't ibang paaralan sa lalawigan ng Bataan upang magpalista sa napiling cluster sa Bataan National High School-Senior High School (BNHS-SHS).

Bukas, ika-29 ng Mayo, 2025, magsisimula ang Enrollment sa mga nagtapos sa programang Science, Technology, and Engeneering (STE) noong Junior High School para sa STEM Cluster.

Sa detalye ng mga kailangang dalhin at iskedyul ng pagpapatatala sa bawat cluster, pinapayuhan ang mga mag-aaral na bisitahin ang opisyal na page ng [Bataan National High School SHS].

Balitang Pampaaralan ni: Dhensel Ferrer
Mga Larawang Kuha ni: Kriziah Nicole Enriquez

28/05/2025

𝗚𝘂𝘀𝘁𝗼 𝗺𝗼 𝗯𝗮 𝗺𝗮𝗸𝗶𝘁𝗮 𝘀𝗶 𝗠𝗮𝗶𝗻𝗲 𝗠𝗲𝗻𝗱𝗼𝘇𝗮 𝗮𝘁 𝗔𝗹𝗱𝗲𝗻 𝗥𝗶𝗰𝗵𝗮𝗿𝗱𝘀?

Science, Technology, Engineering, at Mathematics (STEM) Clusters, STE graduate enrollees, enrollment niyo na bukas, ika-29 ng Mayo, 2025! Nais mo bang sumakses sa iba't ibang larangan? Samahan ang Ang Talaghay sa masiglang diskusyon at palihan ukol sa mga organisasyon na matatagpuan sa paaralan sa proyektong "Organisa-SHOWN, DISKUS-YOWN!"

Kitakits, future Arellanistas! Located at Manggo Station, BNHS-SHS!☝🏻☝🏻

28/05/2025

Sa bisa ng Presidential Proclamation No. 374, s. 1965. Executive Order No. 179, s. 1994, ngayong ika-28 ng Mayo, 2025, ating ginugunita ang Pambansang Araw ng Watawat (National Flag Day), kaugnay ng komemorasyon na ito, mula ika-28 ng Mayo, 2025, hanggang ika-12 ng Hunyo, 2025, (Araw ng Kalayaan) hinihimok ang lahat na makiisa sa pagpapayaman ng kamalayan at pagpapaunlad ng kahalagahan ng pamabansang watawat ng bansa.

Bukod sa pagkakakilanlan, ang bawat watawat ay simbolo ng kasaysayan na nagkukubli sa nakaraan, ito ang sumasagisag sa tayog at tikas na mayroon ang isang bansa dahil sa kabila ng mga pagsubok nanatili itong matatag at nakatindig hanggang ngayon.

Bilang selebrasyon sa National Flag Day, ating talakayin ang mga watawat na naging mukha ng rebolusyon at ebolusyon ng bansa mula sa pananakop ng Imperyong Kastila, pagkatatag ng Himagsikang Pilipino, at hanggang sa kasalukuyang panahon.

𝗦𝗮𝗺𝗽𝘂𝗻𝗴 (𝟭𝟬) 𝗪𝗮𝘁𝗮𝘄𝗮𝘁 𝗻𝗮 𝗻𝗮𝗴𝗶𝗻𝗴 𝗠𝘂𝗸𝗵𝗮 𝗻𝗴 𝗥𝗲𝗯𝗼𝗹𝘂𝘀𝘆𝗼𝗻 𝗮𝘁 𝗘𝗯𝗼𝗹𝘂𝘀𝘆𝗼𝗻 𝗻𝗴 𝗕𝗮𝗻𝘀𝗮𝗻𝗴 𝗣𝗶𝗹𝗶𝗽𝗶𝗻𝗮𝘀
1. Ang Unang Tatlong Watawat ng Katipunan
2. Ang Watawat ni Andres Bonifacio
3. Opisyal na Watawat ng Gobyernong De Facto (Watawat ni Aguinaldo-Magdalo)
4. Sun of Liberty Flag
5. Watawat ng Bungo ni Llanera
6. Bandila ng Matagumpay (Watawat ni Pio del Pilar)
7. Watawat ni Gregorio del Pilar
8. Kasalukuyang Watawat ng Pilipinas

Talakay ni: Dhensel Ferrer
Nilapat ni: Jan Andrei Narag

27/05/2025

𝗧𝗔𝗟𝗔𝗞𝗔𝗬 | Sa loob ng dalawang linggo, muli na namang magbubukas ang pintuan ng ating ikalawang tahanan para sa panibagong taong panuruan, kaugnay nito isinasagawa ngayon sa Bataan National High School-Senior High School (BNHS-SHS) ang pagpapatala para sa mga papasok na ika-11 baitang sa iba't ibang cluster ng Strengthened Senior High School Curriculum.

Kaugnay nito, mayroong walong (8) hakbang upang makapagpalista sa mga nais at napiling larangan, upang mas maintindihan at mapaghandaan ang nasabing mga hakbang, talakayin natin ang mga bagay na dapat asahan sa bawat stage ng Enrollment Process.

Walong Hakbang sa Pagpapatala:
• 𝗨𝗡𝗔𝗡𝗚 𝗛𝗔𝗞𝗕𝗔𝗡𝗚 | Oryentasyon ukol sa Key Features ng Strengthened Senior High School Curriculum
• 𝗜𝗞𝗔𝗟𝗔𝗪𝗔𝗡𝗚 𝗛𝗔𝗞𝗕𝗔𝗡𝗚 | Iskrining ng mga Kaukulang Dokumento
• 𝗜𝗞𝗔𝗧𝗟𝗢𝗡𝗚 𝗛𝗔𝗞𝗕𝗔𝗡𝗚 | Pagtataya ng Nutritional Status ng Mag-aaral
• 𝗜𝗞𝗔-𝗔𝗣𝗔𝗧 𝗡𝗔 𝗛𝗔𝗞𝗕𝗔𝗡𝗚 | Reading Assessment
• 𝗜𝗞𝗔𝗟𝗜𝗠𝗔𝗡𝗚 𝗛𝗔𝗞𝗕𝗔𝗡𝗚 | Numeracy Assessment
• 𝗜𝗞𝗔-𝗔𝗡𝗜𝗠 𝗡𝗔 𝗛𝗔𝗞𝗕𝗔𝗡𝗚 | Oryentasyon ukol sa Polisiya na mayroon ang Paaralan
• 𝗜𝗞𝗔𝗣𝗜𝗧𝗢𝗡𝗚 𝗛𝗔𝗞𝗕𝗔𝗡𝗚 | Physical Health Examination
• 𝗜𝗞𝗔𝗪𝗔𝗟𝗢𝗡𝗚 𝗛𝗔𝗞𝗕𝗔𝗡𝗚 | Sectioning

Talakay nina: Dhensel Ferrer, Jan Andrei Narag
Nilapat ni: Jan Andrei Narag

27/05/2025

𝗡𝗔𝗦𝗔 𝗟𝗔𝗥𝗔𝗪𝗔𝗡 | Patuloy ang pagsalubong ng paaralan sa mga mag-aaral na magpapatala sa ika-11 baitang para sa ikalawang araw ng Enrollment sa mga clusters ng Arts, Humanities and Social Sciences, at Business and Entrepreneurship.

Inaasahang magtatapos ang pagpapatala sa araw na ito mamayang ika-5 ng hapon.

Balitang Pampaaralan ni: Dhensel Ferrer
Mga Larawang Kuha ni: Leigh Jafayrah Malibiran

Ang Talaghay

31/05/2025

29/05/2025

29/05/2025

29/05/2025

29/05/2025

29/05/2025

29/05/2025

28/05/2025

28/05/2025

28/05/2025

27/05/2025

27/05/2025

Address

Website

Alerts

Shortcuts

Share

Category