Baliwag Web TV

22/10/2025

Mga Kalungsod, alinsunod sa First 100 Days Report ni Mayor Mommy Sonia Estrella, inanunsyo din na ngayong Disyembre ay ipapamahagi na ang kanyang pangakong “Isang Kaban ng Bigas para sa bawat Pamilyang Baliwagenyo.”

Paalala rin po sa lahat: ingatan at huwag iwawala ang inyong QR Code na ibinigay noong nakaraang census dahil ito ang kakailanganin upang matanggap ang inyong bigas sa Disyembre.

At sa huli, makalipas ang unang 100 araw ni Mayor Mommy Sonia, ito'y simula pa lamang ng tuloy-tuloy at mas pinagtibay na Serbisyong may Malasakit sa ilalim ng kanyang mapagkalingang alaga.

20/10/2025

Mga kalungsod, saksihan po natin ang First 100 Days Report ng inyong Mommy Sonia bilang inyong Punong Lungsod, isang ulat na magsasalamin sa ating mga nagawa, natutunan, at mga hakbang na patuloy nating isusulong para sa Lungsod ng Baliwag.

20/10/2025

16th Regular Session of 2nd Sangguniang Panlungsod ng Baliwag
📆 October 20, 2025
📍 Mariano Ponce Session Hall, City Government of Baliwag

13/10/2025

15th Regular Session of 2nd Sangguniang Panlungsod ng Baliwag
📆 October 13, 2025
📍 Mariano Ponce Session Hall, City Government of Baliwag

12/10/2025

Pinarangalan ang Lungsod ng Baliwag bilang Regional Top Performer sa Manila BAYani Awards and Incentives 2024, na iginawad sa atin ng DILG sa Royce Hotel noong October 08.

Sa pangunguna ito ni Mayor Mommy Sonia Estrella kasama ang City Environment and Natural Resources Office (CENRO), katuwang ang iba’t ibang tanggapan na bumubuo ng Manila Bay Task Force.

Ang pagkilalang ito ay inspirasyon upang lalo pa nating pag-ibayuhin ang ating mga programa tungo sa isang lungsod na tunay na makakalikasan, maunlad, at maipagmamalaki ng bawat Baliwagenyo.

Muli, congratulations Baliwag City!

11/10/2025

Ingat, Baliwagenyo!
Narito ang ilang mahahalagang paalala at mga dapat gawin sa oras at pagkatapos ng lindol.

Para sa anumang emergencies, tumawag o mag-text sa ating Ballwag City Hotline numbers 0917 505 7827 (Globe) o 0939 999 7827 (Smart).

11/10/2025

: Mga Bagong LED Lights sa Baliwag-Pulilan Bypass Road, Naikabit na

Mas lumiwanag na sa kahabaan ng Baliwag-Pulilan Bypass Road dahil sa mga bagong LED lights na ikinabit dito. Isa ito sa marami pang proyekto ng Pamahalaang Lungsod at ni Mayor Mommy Sonia Estrella para sa mas ligtas na Baliwag.

08/10/2025

: Baliwag City Mental Health and Wellness Clinic, binuksan para sa mga Baliwagenyo bilang bahagi ng pagpapatuloy at pagpapalawak ng mga programang pangkalusugan na inilulunsad ng Pamahalaang Lungsod ng Baliwag sa tulong ng City Health Office ang Community-Based Mental Health and Wellness Program. Layunin ng programang ito na magbigay ng agarang tugon at kinakailangang suporta sa mga Baliwagenyo hinggil sa pangangalaga ng kanilang mental health.
Kabilang sa mga serbisyong handog ng programa ang sumusunod:
• Consultation
• Treatment
• Therapy
• Free Psychiatric Medicine
Ang Mental Health and Wellness Clinic ay bukas tuwing Huwebes, mula 1:00 PM - 4:00 PM, sa RHU-V, Barangay Pinagbarilan.

Para sa mga karagdagang katanungan ukol sa naturang programa, hinihikayat ang publiko na makipag-ugnayan sa kanilang pinakamalapit na Rural Health Center.

Sa pamamagitan ng inisyatibang ito, pinagtitibay ng Pamahalaang Lungsod ng Baliwag ang adhikain nitong maghatid ng de-kalidad, abot-kamay, at inklusibong serbisyong pangkalusugan para sa lahat ng Baliwagenyo.

01/10/2025

30/09/2025

26/09/2025

: Sa pangunguna ng Baliwag City Environment and Natural Resources Office - Solid Waste Management Unit at Sanitation Office, sinimulan na ang paglilinis at pagsasaayos ng Glorietta Park para sa planong pagpapaganda nito — isa lamang sa maraming layunin ni Mayor Mommy Sonia Estrella sa Lungsod ng Baliwag. Iyan ay matapos makalipat ng mga market vendors sa bagong public market. Ayon kay Mayor Mommy Sonia, magandang maibalik bilang pangunahing pasyalan ang naturang parke para sa mga Baliwagenyo sa pamamagitan ng landscaping at pagbuhay muli sa water fountain.

Inayos at nilinis na rin ang palibot ng Glorietta, na nagsilbing pansamantalang parking area noong itinatayo pa lamang ang bagong palengke. At para sa kaalaman ng lahat, ang bagong parking area ay matatagpuan sa tabi ng Baliwag City Public Market.

23/09/2025

Mayor Mommy Sonia, bumuo ng Local Audit and Inventory Team para sa mga proyektong pang-imprastruktura ng Pamahalaang Nasyonal

Upang matiyak ang transparency at maayos na pamamahala sa mga proyektong pang-imprastruktura ng pamahalaang nasyonal, nilagdaan ni City Mayor Sonia V. Estrella ang Executive Order No. 063, s. 2025 na lumilikha ng Local Audit and Inventory Team para sa Lungsod ng Baliwag.

Batay sa nasabing Executive Order, ang bagong team ay magsisilbing oversight committee na tututok sa pag-audit at pag-iimbentaryo ng lahat ng proyektong pinopondohan ng pambansang pamahalaan sa lungsod. Titiyakin din nitong maipapaskil at maipapaabot sa publiko ang mga na-audit na proyekto para sa mas malinaw at tapat na pamamahala.

Ang hakbang na ito ay tugon ng Pamahalaang Lungsod ng Baliwag sa mga ulat ng iregularidad sa pagpapatupad ng mga flood control projects ng Department of Public Works and Highways (DPWH) sa ilang lalawigan, partikular na sa Bulacan.

Kaugnay nito, muling iniatas ni Pangulong Ferdinand R. Marcos Jr. ang pagbabalik ng proseso ng pagkuha ng pahintulot mula sa mga lokal na pamahalaan bago ipatupad ang mga proyektong pinopondohan ng pambansang pamahalaan.
Ang Local Audit and Inventory Team ay pamumunuan ng isang Ad Hoc Committee na kinabibilangan nina:

• Enrique V. Tagle, City Administrator
• Engr. Noah G. Almario, City Engineering Office
• Ailyn D. Bondoc, City Local Government Operations Officer – DILG
• Rhea Diana Payuran, City Accountant
• Igg. Andronicus O. Cruz, Chairman - Committee on Public Works
• Brgy. Chairman, Concerned Barangay
• Engr. Efren C. Manalo, MAP - Coordinator for DPWH Infrastructure
• Engr. Precioso D. Punzalan, MBA - Team Leader
• Engr. Emmanuel Balicanta - Geodetic Engineer / Former City Councilor
• Atty. Mylyn S. Cajucom-Gravador - Commission on Audit
• Arch. Roberto Santos - BCTMO
• PLTCOL. Danilo Bugay (RET) - BCPOSO
• Dr. Diosdado Estimada - Baliuag University
• Mr. Marlon Bulanadi - Rotary Club of Baliwag
• Mr. John Ervin Nicolas - Rotary Club of Baliwag

Layon ng inisyatibang ito na matiyak ang tamang paggamit ng pondo ng pamahalaang nasyonal at mapanatili ang tiwala ng publiko sa mga proyektong isinasagawa sa Baliwag.

Ayon kay City Mayor Mommy Sonia V. Estrella, mahalaga ang agarang pagpapatupad ng kautusang ito upang masimulan ang mas mahigpit na pagbabantay at masusing pagsusuri sa mga national infrastructure projects sa lungsod.

From Baliwag City PIO