Sheila "Shei" Altubar Page

14/09/2025

26/08/2025

PATAYNG LAWAS SA HUBOG NGA NAANOS SA SAPA, NAKIT-AN NA

21/08/2025

Disgrasya sa may Escario Street, Brgy. Kamputhaw, Dakbayan sa Sugbo

10/08/2025

SUNOG KARUNG ADLAWA SA MAY BRGY. SAN NICOLAS PROPER, DAKBAYAN SA SUGBO

16/07/2025

𝗕𝗥𝗜𝗚𝗔𝗗𝗔 𝗘𝗫𝗖𝗟𝗨𝗦𝗜𝗩𝗘 | TINDAHAN GITULIS SA BARANGAY TALAMBAN

Usa ka tindahan sa may Brgy. Talamban ang gitulis karung adlawa diin ang makita sa CCTV nga ang maong lalaki nagpaka-arun ingnon nga customer, nagsul-ob kini og helmet ug long sleeve uniform sa ride-hailing app nga Move-it.

Atangi ang dugang detalye.

15/07/2025

TAN-AWA | Mao kini ang kuha sa CCTV sa nahitabong disgrasya pasado alas 2 kaganihang kadlawn didto sa may Lower Busay, Dakbayan sa Sugbo.

Nasayran nga ang nag-motorsiklo gikan pa sa Balamban ug paingon kini mopauli sa Dakbayan sa Sugbo, apan matud pa pag-abot sa maong lugar, nakatagpilaw ang drayber sa motorsiklo hinungdan nga mibangga kini sa railings daplin sa dan.

Tungod sa impact sa pagkabangga, nalagpot ang angkas nga babaye samtang ang drayber sa motorsiklo nakaangkon og hiwa sa tiyan nga bahin diin matud nahabwa ang ginhawaan.

Dali kining gipangtabang ug gidala sa pribadong tambalanan.

15/07/2025

𝗕𝗔𝗕𝗔𝗬𝗘 𝗡𝗚𝗔 𝗔𝗡𝗚𝗞𝗔𝗦 𝗦𝗔 𝗠𝗢𝗧𝗢𝗥𝗦𝗜𝗞𝗟𝗢, 𝗡𝗔𝗣𝗔𝗦𝗢𝗞 𝗨𝗚 𝗡𝗔𝗟𝗔𝗧𝗔𝗬𝗔𝗡 𝗦𝗔 𝟴-𝗪𝗛𝗘𝗘𝗟𝗘𝗥 𝗧𝗥𝗨𝗖𝗞, 𝗣𝗔𝗧𝗔𝗬

Dead-on-arrival sa tambalanan ang babaye nga angkas sa motorsiklo human kini napasok ug nalatayan sa usa ka 8-wheeler truck, alas 2:45 sa hapon, Hulyo 15, 2025 didto sa D.M. Cortes A.C. Cortes St.., Brgy.Cambaro, Mandaue City.

Ang angkas nga babaye nailhan nga si Gechile Beltran, 26-anyos, samtang ang motorsiklo nga gisakyan niini gimaneho ni Roy Borces, 34- anyos, pulos mga taga Brgy. San Jose, Dakbayan sa Sugbo.

Samtang ang 8-wheeler truck gimaneho sa 36-anyos nga si Teodie Ycot taga Tabok , Mandaue City.

Atangi ang dugang detalye.

08/07/2025

TAN-AWA| Usa ka bata nga samtang gaduwa og cellphone, giduol sa usa ka lalaki ug giilogan og cellphone ang bata dayung milakaw palayo sa lugar.

Ang maong pagpangawat nahitabo pasado alas 8 sa gabie niadtong Hulyo 7, 2025 didto sa may Tupaz Street, Brgy. Pasil, Dakbayan sa Sugbo.

27/06/2025

𝗠𝗢𝗧𝗢𝗥𝗜𝗦𝗧𝗔 𝗡𝗔-𝗦𝗛𝗢𝗧 𝗦𝗔 𝗟𝗜𝗕𝗔𝗢𝗡𝗚, 𝗡𝗔𝗔𝗡𝗚𝗢𝗟

Naangol ang usa ka 24-anyos nga motorista human kini na shot sa libaong sa may El Pardo, U.P Road, Dakbayan sa Sugbo, pasado alas 4 karung buntag.

Ang motorista mao si alyas Mart, 24-anyos, ulitawo, taga Dakbayan sa Lapu-lapu.

Matud niini , samtang nagmaneho siya sa iyang motorsiklo paingon mopauli, nakamatikod na siya nga adunay libaong sa unahan, matud pa misuway pa siyag brake apan nawad-an siya og kontrol hinungdan nga na-shot kini sa libaong.

Nakaangkon kinig gagmayng samad apan hinuon luwas ra kini ug gidali sa pag-atiman sa miresponde nga medical responders.

25/06/2025

𝗡𝗔𝗚-𝗠𝗢𝗧𝗢𝗥𝗦𝗜𝗞𝗟𝗢 𝗡𝗔𝗗𝗜𝗦𝗚𝗥𝗔𝗦𝗬𝗔; 𝗔𝗡𝗚𝗞𝗔𝗦 𝗡𝗚𝗔 𝗕𝗔𝗕𝗔𝗬𝗘 𝗡𝗔𝗟𝗔𝗧𝗔𝗬𝗔𝗡 𝗦𝗔 𝟭𝟬-𝗪𝗛𝗘𝗘𝗟𝗘𝗥 𝗧𝗥𝗨𝗖𝗞, 𝗣𝗔𝗧𝗔𝗬

Dead-on-arrival sa tambalanan ang 41-anyos nga babaye human nadisgrasya ang gisakyang motorsiklo niini ug nalatayan kini sa usa ka 10-wheeler truck pasado alas 11 kaganihang buntag didto sa National Highway sa may Brgy. Media Once, Dakbayan sa Toledo.

Ang nakabsan sa kinabuhi nailhan nga si Mitchelle Padwelan Paragoso, 41-anyos , diin sakay kini sa motorsiklo nga gimaneho sa 50-anyos nga kaipon niini nga si Oliver Canlobo, mga residente sa maong lugar.

Samtang ang drayber sa 10-wheeler truck mao si Edelito Oxillar Planco Jr., 35- anyos, taga Brgy. Magdugo sa naasoyng dakbayan.

Sa inisyal nga imbestigasyon sa kapulisan sa Toledo, ang maglive-in-partner nga nag-motorsiklo gikan sa Brgy. Sangi ug paingon sa Brgy. Poog, Dakbayan sa Toledo. Apan giingong pag-abot sa may Brgy. Media Once, aksidente kining nadisgrasya, nalagpot ang angkas ug aksidenteng nalatayan sa 10-wheeler truck nga nagsubay sa pikas lane.

Ang biktima nga angkas gisuwayan pa pagdala sa tambalanan apan gideklarar kining dead-on-arrival gumikan sa naangkon nga kadaot sa lawas.

Samtang ang kapulisan mipahigayon og dugang imbestigasyon maylabot sa maong disgrasya.

24/06/2025

𝗡𝗔𝗨𝗧𝗜𝗖𝗔𝗟 𝗦𝗧𝗨𝗗𝗘𝗡𝗧 𝗡𝗚𝗔 𝗡𝗔-𝗠𝗜𝗦𝗦𝗜𝗡𝗚 𝗛𝗨𝗠𝗔𝗡 𝗡𝗔𝗠𝗔𝗡𝗔, 𝗡𝗔𝗣𝗔𝗟𝗚𝗔𝗡𝗚 𝗣𝗔𝗧𝗔𝗬

𝗧𝗔𝗡-𝗔𝗪𝗔| Atol sa gipahigayon nga Search and Retrieval Operation alang sa 20-anyos nga si Cyrelle Rivera, diin napalgan kini ilawm sa kadagatan sa Brgy. Poblacion, Borbon nga anaa sa 30ft. ang gilawmon.

Si Cyrelle Rivera, 20-anyos, usa ka Nautical student, ug taga Sityo Tabayng Lawom, Brgy. Cadarohan lungsod sa Borbon.

Matud pa pasado alas 9 kagahapong adlawa, nananghid pa kini nga mamana, apan pasado alas 12 sa udto, nahibong ang kabanay niini nga wala pa kini mabalik, hinungdan nga gisubay kini didto sa gipamanaan niini apan wala gihapon kini igkit-e.

Ang mga sakop sa MDRRMO Borbon, MDRMMO Tabugon, MDRRMO Catmon, CDRRMO Bogo, BOSart Volunteers ug NorthMenSpearo volunteers mipahigayon og hiniusang search and retrieval operation, ug pasado alas 9 kaganihang buntag, napalgan nalang nga wala nay kinabuhi ang maong 20-anyos ilawm sa dagat nga anaa sa 30ft. ang gilawmon.

Credits to the rightful owner of the 📹: Carlo Medequillo