Bigwas News Nationwide

10/05/2025

245 PRINCIPALLY AUTHORED BILLS SA LOOB NG TATLONG TAON, KAYA BA ITO NG CONGRESSMAN MO?

Sa loob lamang ng isang termino ay di matatawaran ang mga nagawa ni Congresswoman Atty. Cyrille "Beng" Abueg-Zaldivar.

May mga pulitiko lalo na sa kongreso na nagsasabing " TOP PERFORMING CONGRESSMAN" pero walang malinaw na mga naging panukalang batas sa KONGRESO kung saan nagagawa ang mga batas.

Kaya sa darating na Mayo 12, atin munang tanungin kung naangkop ba sa kanilang tinatakbuhan ang kakayanan nilang maglingkod sa bayan.

.1 sa Balota

10/05/2025

KONGRESO NG PALAWENYO
MAY 10, 2025 (SATURDAY)
HOSTED BY: DAVE ABILE

08/05/2025

ARANGKADA BIGWAS BALITA
MAY 9, 2025 (FRIDAY)
HOSTED BY: DAVE ABILE

08/05/2025

08/05/2025

08/05/2025

REMULLA, KINUWESTYON ANG PAMAMARAAN NG OMBUDSMAN SA IMBESTIGASYON KAUGNAY NG PAG-ARESTO KAY DUTERTE

Ipinahayag ni Justice Secretary Jesus Crispin Remulla ang kanyang pangamba at pagkadismaya sa kasalukuyang hakbang ng Ombudsman hinggil sa imbestigasyon sa umano’y ilegal na pag-aresto at paglilipat kay dating Pangulong Rodrigo Duterte sa International Criminal Court (ICC).

Ayon kay Remulla, tila malabo ang proseso ng imbestigasyon dahil tila naisantabi na ang karaniwang fact-finding phase, kung saan isinasagawa ang paunang imbestigasyon at pinaiiral ang malinaw na alituntunin bago magsagawa ng pormal na aksyon.

Sa kabila nito, iginiit ng kalihim na handa siyang magsumite ng counter-affidavit upang sagutin ang anumang paratang laban sa kanya o sa iba pang opisyal ng pamahalaan na sangkot sa isyu.

Matatandaang hiniling ni Senadora Imee Marcos ang pagsasagawa ng imbestigasyon ng Ombudsman sa mga opisyal ng gobyerno na maaaring lumabag sa batas, kabilang ang graft, grave misconduct, usurpation of judicial functions, at arbitrary detention kaugnay sa kontrobersyal na pag-aresto sa dating Pangulo.

08/05/2025

MALACAÑANG, NAGBABALA LABAN SA FAKE NEWS SA GITNA NG PAPALAPIT NA HALALAN

Pinayuhan ng Malacañang ang publiko na maging mapanuri at mapagmatyag sa mga impormasyong kumakalat online lalo na ngayong papalapit na ang halalan sa bansa.

Ayon kay Presidential Communications Office Undersecretary at Palace Press Officer Claire Castro, dapat umiwas ang mga mamamayan sa paglahok o pagpapalaganap ng mga “content” mula sa mga indibiduwal na nagpapakalat ng fake news.

Binigyang-diin ni Castro na mahalagang hindi basta maniwala o manood ng mga nilalaman online na kritikal sa gobyerno lalo na kung ito ay walang sapat na basehan. Aniya, dapat unahin ng publiko ang pagsusuri ng impormasyon upang maiwasan ang pagkalat ng maling datos.
Dagdag pa niya, hindi rin dapat pakinggan o gayahin ang mga tinaguriang “keyboard warriors” na umano’y ginagamit ang social media para magpakalat ng disimpormasyon at sirain ang imahe ng bansa.

Sa gitna ng mainit na kampanya at talakayan sa politika, nanawagan ang Malacañang na pairalin ang disiplina at responsibilidad sa paggamit ng social media at pagpapakalat ng impormasyon

08/05/2025

LEGISLATED WAGE HIKE, MALAKING TULONG SA MANGGAGAWA- AQUINO

Panahon na upang isabatas ang P200 legislated wage hike bilang tulong sa mga manggagawa sa harap ng mataas na presyo ng bilihin at iba pang gastusin, ayon kay dating Senador at independent senatorial candidate Bam Aquino.

Ayon kay Aquino, mahalagang maisabatas na ang legislated wage hike para mapagaan ang pasanin ng mga manggagawa na hindi na mapagkasya ang suweldo dahil sa mataas na presyo ng bilihin at iba pang pangangailangan ng pamilya.

Paliwanag ni Aquino, kulang na ang naiuuwing suweldo ng mga manggagawa, na karaniwang napupunta lang sa pagkain.
Aniya, nahihirapan na ang mga manggagawa na tugunan ang iba pang pangangailangan ng pamilya gaya ng kuryente, tubig, upa sa bahay, at gamot.

Kamakailan, inindorso ng Trade Union Congress of the Philippines (TUCP) ang kandidatura ni Aquino kasabay ng pagsuporta sa isinusulong niyang libreng kolehiyo at siguradong trabaho para sa lahat ng Pilipino.

Kapag nakabalik sa Senado, nais ni Aquino na palawakin ang libreng kolehiyo para mas marami pang estudyante ang makinabang at tiyaking may sapat na pondo ang libreng pabaon na nakapaloob dito.

Itatawid din ni Aquino ang batas ng libreng kolehiyo tungo sa siguradong trabaho para sa mga Pilipino para matiyak ang kanilang magandang kinabukasan.

Maraming natulungan si Aquino sa kanyang mga naipasang batas, kabilang na ang mga estudyante at mga magulang sa kanyang libreng kolehiyo, at maliliit na negosyante sa Go Negosyo Act.

08/05/2025

BALITANG INTERNATIONAL ||
PAKISTAN, NANGAKONG GAGANTI SA MALAWAKANG PAG-ATAKE NG INDIA SA KASHMIR AT ILANG LUGAR

Tiniyak ng pamahalaan ng Pakistan na hindi ito mananahimik sa malawakang pag-atake ng India sa siyam na lokasyon sa loob ng Pakistan at sa Kashmir region, kung saan tatlong katao ang naiulat na nasawi, kabilang ang isang bata.

Ayon sa ulat ng Pakistan military, ang nasabing opensiba ay nagdulot ng matinding pinsala at pagkabahala sa mga sibilyan. Tinawag naman ni Pakistan Prime Minister Shehbaz Sharif ang hakbang ng India bilang isang anyo ng kaduwagan at malinaw na paglabag sa soberanya ng kanilang bansa.

Ang tensyon sa rehiyon ay muling uminit matapos ang insidente noong nakaraang buwan, kung saan pinagbabaril ng hinihinalang mga rebeldeng grupo mula sa Pakistan ang ilang Indian tourists sa Kashmir , isang teritoryong kapwa inaangkin ng dalawang bansa.

Sa kasalukuyan, wala pang tugon mula sa panig ng India kaugnay ng pahayag ng Pakistan, ngunit inaasahang lalong titindi ang tensyon sa pagitan ng dalawang nuclear-armed nations.

07/05/2025

ARANGKADA BIGWAS BALITA
MAY 8, 2025 (THURSDAY)
HOSTED BY: DAVE ABILE

06/05/2025

ARANGKADA BIGWAS BALITA
MAY 7, 2025 (WEDNESDAY)
HOSTED BY: DAVE ABILE

06/05/2025

ARANGKADA BIGWAS BALITA
MAY 6, 2025 (TUESDAY)
HOSTED BY: DAVE ABILE