08/07/2026
🛡️ OSAEC: Sama-Sama Nating Protektahan ang Kabataan Laban sa Online Pang-aabuso
Ang Online Sexual Abuse and Exploitation of Children (OSAEC) ay isang mabigat na krimen kung saan ginagamit ang internet upang abusuhin, pagsamantalahan, o pagkakitaan ang mga bata sa pamamagitan ng mga larawan, video, o iba pang sekswal na nilalaman. Kadalasan, ang mga salarin ay gumagamit ng panlilinlang, pagbabanta, o panghihikayat upang mabiktima ang mga menor de edad.
Ayon sa Republic Act No. 11930, mahigpit na ipinagbabawal at pinaparusahan ang OSAEC at ang paggawa, pagmamay-ari, pamamahagi, o pagbebenta ng Child Sexual Abuse or Exploitation Materials (CSAEM). Bilang mga magulang, g**o, at miyembro ng komunidad, mahalagang gabayan ang mga bata sa ligtas na paggamit ng internet, bantayan ang kanilang online na aktibidad, at agad iulat ang anumang kahina-hinalang pangyayari sa kinauukulan.
Ang kaligtasan ng ating mga anak ay pananagutan nating lahat. Maging mapagmatyag, makialam, at makiisa upang maprotektahan sila laban sa online na pang-aabuso at pagsasamantala.
