06/09/2026
TEAM SA MALOH, SIATION NAG CHAMPION SA ‘ARRIBA KUSINA – THE GREAT CULINARY SHOWDOWN”
Nahimong kampeyon ang contestant gikan sa Barangay Maloh, Siaton, Negros Oriental sa gipahigayon mga “The Great Culinary Showdown” Nutrition Month super extended edition sa “ARRIBA Kusina’ sa Governor Roel Ragay Degamo (GRRD) foundation, kagahapong adlawa, Setyembre 5, 2026 didto sa covered court sa Barangay Malabugas, Bayawan city, Negros Oriental.
Ang maong cooking contest gilakipan sa mga mananaug sa elimination round sa milabay’ng Arriba Kusina gikan sa Nagbalaye, Sta. Catalina, San Pedro, Sta. Catalina, Maloh, Siaton, Bacong, Dauin, Zamboanguita, Valenica, Basay, Maninihon, Bayawan City ug ang wild card gikan sa Barangay Malabugas nga mao ang host Barangay.
Nahimong mga hurado sila si Alindaw Araneta – Manager sa Café Alicia, 2nd District Board Member Nyrth Christian Degamo, amahan sa Kongresista ug part owner sa Café Alicia Mr. Geronimo Vallega ug ang Vice Mayor sa dakbayan sa Tanjay nga si Atty. Reynil Arcide.
Nakuha sa contestant gikan sa Dauin ang 2nd Place, 3rd Placer ang contestant sa Valencia, 4th placer ang team gikan sa Barangay Nagbalaye ug 5th place ang team gikan sa Valencia, Negros Oriental.
Ang Grand Champion nakadawat ug P50,000 nga cash prize, P25,000 sa 2nd prize, P15,000 sa 3rd prize ug P10 sa 4th prize.
Samtang adunay nadawat nga P7,000 nga consolation prize ang mga wala makadaug.
Gawas sa Major Awards, aduna poy Minor Awards nga gipasidungog sa team nga nakitaan sa mga judges sa Teamwork nga nadag-an sa San Pedro, Sta Catalina, Delicious and Nutritious Award nga nakuha sa Siaton, Best Presentation Award nakuha sa Bacong, Creative ug Peoples Award nakuha sa Barangay Nagbalaye, Sta. Catalina.
Ang mga mananaugsa minor awards nakadawat ug tag P2,000 matag grupo.
Ang Cooking usa lamang sa mga aktibidad sa Arriba Kusina ubos sa GRRD foundation nga ang tumong mao ang pagpadayon sa legasiya sa kanhi Gobernador Roel Ragay Degamo.
Nga gipadayon sa iyang asawa nga sumi 3rd District Congresswoman Janice Vallega Degamo ug anak nga si Board Member Carlo Remontal Degamo ug mga kaalyado sa ilang pamilya nga ang tinabangan aron mapadayon ang maayong gawi sa kanhi Gobernador.
Kini nga balita gihatod kanato sa;
👉Mapalit sa Sir J. Alternative Medicine and Healthcare Center
Nahimutang sa Ramon Magsaysay Street, Barangay Boyco, Bayawan City.
👉Ug sa tanang mga authorized resellers
Randy T. Coronel | September 6, 2026
