24/05/2026
Tinood gyud d ai ang swapped nga movie.naa sad kay makuha nga lesson.
WEASEL MIKAPYOT SA USA KA WOODPECKER, NAKUHAAN OG LITRATO
Nakakuha og talagsaon ug makapakurat nga hulagway ang amateur photographer nga si Martin Le-May human niyang makuhaan og litrato ang usa ka weasel nga nagkapyot sa likod sa usa ka green woodpecker samtang naglupad kini sa Hornchurch Country Park.
Sumala kang Le-May, naglakaw-lakaw lamang siya uban sa iyang asawa nga si Ann Le-May aron manglantaw og mga langgam sa maong parke sa sidlakang London sa dihang nakadungog sila og tingog nga murag nangayo og tabang gikan sa kakahoyan.
Diha-diha niyang gipunting ang iyang kamera ug nasakpan ang talagsaong hitabo diin ang woodpecker mikalit og lupad samtang ang weasel nagpabiling nakagakos sa likod niini.
Human sa pipila ka gutlo, mitugpa ang duha sa yuta ug nagkagubot pa og kadiyot hangtod nga nakabuhi ang woodpecker ug nabulag ang weasel nga wala na makapadayon sa pag-atake.
Ang maong hulagway dali’ng mikatag sa internet ug nahimong viral sa tibuok kalibotan. Hangtod karon, sige gihapon kini og balik-balik sa social media uban sa nagkadaiyang memes ug kataw-anan nga komentaryo mahitungod sa dili kasagarang “sakay” sa weasel.
Daghang netizens usab ang nagpamatuod nga tinuod gyud ang hulagway ug dili kini binuhat sa artificial intelligence o AI, ilabina kay una pa kining mikaylap sa internet sa wala pa mosikat ang modernong AI-generated images.
