Biñan City Vlogs

Biñan City Vlogs Biñan Narratives and Stories

27/03/2025

"Sa Dami ng Ingay, Poso Lang Pala ang Sagot?"

Grabe, akala mo kung sinong tagapagligtas ng Biñan kung makapanira sa social media—para bang walang nagawang mabuti ang kasalukuyang administrasyon. Ang daming satsat, ang daming reklamo, ang daming dramatikong pahayag na akala mo’y sila lang ang may malasakit sa lungsod. Pero sa dulo ng lahat ng ingay at paninira, ang solusyon nila? Poso at water district.

Wow. Sa lahat ng ipinagmamalaking pagbabago at pangako, sa dami ng isyung pinapakalat, poso lang pala ang katapat? Ibig sabihin, lahat ng sigaw nila sa social media, lahat ng drama at paninira, para lang sa isang poso? ’Yan na ‘yun? ‘Yan ang solusyon sa lahat ng problema ng Biñan?

Nakakatawa, pero nakakalungkot din. Kung tunay na malasakit ang hangad, bakit parang kulang sa lalim ang mga solusyong dala? Ang tunay na lider hindi lang puro ingay—nagbibigay ng makabuluhan at pangmatagalang aksyon. Pero sige, kung ang sagot nila sa lahat ng hinanakit at reklamo ay isang poso, baka naman dapat nating ipagdiwang? Mga kababayan, welcome to the Poso Revolution!

25/03/2025

ALIN ANG TSISMIS, KUMPARE?

Na-disqualify ka? O hindi ka Pilipino? O baka yung kaso mo sa Amerika? Alin ba talaga ang hindi totoo? Nalilito na kami!

Usap-usapan ngayon ng mga netizens ang pahayag ni Mike Yatco na wala raw katotohanan ang mga paratang laban sa kanya—kahit may mga dokumentong nagmula mismo sa COMELEC na tila nagsasabi ng kabaligtaran.

Kung totoong Pilipino ka noong nagparehistro ka sa Mayo 24, 2021, paano nangyari 'yun kung Agosto 20, 2021 ka lang nag-renounce ng US citizenship mo at muling nanumpa bilang Pilipino? May mali ba sa timeline o may ibang paliwanag dito?

Baka naman pwedeng linawin mo ito, Mike Yatco? Kasi ang daming nalilito!

20/03/2025

Sa nakaraang Facebook Live ni ArTE Donut, makikita ang isang mahinahon, mapagpakumbaba, at tila mas relihiyosong bersyon niya. Malayo ito sa imahe na ikinampanya ng kanyang mga kalaban sa mga nakalipas na eleksyon. Bagama’t patuloy siyang bumabatikos at nagbibigay ng matitinding pahayag laban sa kanyang mga kalaban, mapapansin na mas maingat at kalmado siya ngayon sa kanyang mga pananalita.

Ngunit hindi maikakaila na sa ibang mga pagkakataon, nakita rin siya sa isang video na tila umiinom ng alak sa harap mismo ng Facebook Live. Ipinahayag pa niya noon na wala naman daw masama sa pag-inom. Ang ganitong pahayag ay tila taliwas sa paniniwala ng isang tunay na Kristiyano, lalo na kung pagbabatayan natin ang sinasabi sa Bibliya.

Ayon sa Efeso 5:18, "At huwag kayong maglalasing sa alak, na doon ay may kalayawan; kundi kayo’y mangapuspos ng Espiritu." Ipinapaalala sa talatang ito na ang labis na pag-inom ng alak ay maaaring humantong sa hindi kaaya-ayang gawain. Hindi naman tuwirang ipinagbabawal ang pag-inom, ngunit binibigyang-diin na ang paglalasing at ang mga maaaring maging bunga nito ay hindi ayon sa tamang pamumuhay bilang isang mananampalataya.

Bukod dito, sa Kawikaan 20:1, sinasabi rin na "Ang alak ay mapanunuya, ang matapang na inumin ay manggugulo; at sinumang nalilinlang dahil dito ay hindi pantas." Ibig sabihin, ang alak ay may kakayahang linlangin ang isang tao, at maaaring dalhin siya sa mga desisyong hindi niya normal na gagawin kung nasa tamang pag-iisip siya.

Dahil dito, maraming Kristiyano ang naniniwala na ang pagiging maingat sa pag-inom, lalo na kung ito’y ipinapakita sa publiko, ay mahalagang aspeto ng kanilang pananampalataya. Ang pagbabagong ipinapakita ngayon ni ArTE Donut ay maaaring indikasyon ng kanyang pagsisikap na ituwid ang kanyang imahe o isang tunay na pagbabagong loob. Ngunit, sa mata ng iba, maaari rin itong tingnan bilang isang estratehiya lamang upang maiba ang tingin sa kanya ng publiko.

Ano sa tingin mo? Totoo kaya ang pagbabago ni ArTE Donut, o ito'y isa lamang pampublikong pagpapakita ng bagong imahe?

Dati rati, kapag ang isang lalaki ay mayroong kabit, kailangan pa itong itago sa mata ng madla. Para bang may mga lihim ...
19/03/2025

Dati rati, kapag ang isang lalaki ay mayroong kabit, kailangan pa itong itago sa mata ng madla. Para bang may mga lihim na hindi kayang ilabas sa liwanag, kaya't dahan-dahan ang mga hakbang, at ang mga kabit ay dinadala pa sa mga malalayong lugar—kung saan walang makakakita, at walang makakaalam. Kailangan ang mga galaw ay maingat, walang bakas, at tanging ang mga tao sa paligid ang nakakaalam.

Pero ngayon, ang mga dating lihim ay hindi na kinikimkim, hindi na tinatago—parang isang malupit na biro na ipinagmamalaki at ipinangangalandakan pa sa buong bayan. Ang mga kabit ay parang trophy na ipinapakita sa publiko, at tila ginagawang isang simbolo ng kapangyarihan at kasikatan.

Huwag ka nang magtaka kung may mga personalidad na hindi na nahihiya, at mas lalong hindi na itinatago ang mga relasyon na dati-rati'y itinuturing na tabu. May mga kilala tayong pangalan na kahit pa sa harap ng publiko, ipinagyayabang pa ang mga ugnayang ito.

At ngayon, may isa pa tayong kilalang tao na tatakbo ngayong eleksyong ito, at tila may mga tanong na nagsisimulang maglaho. Ang mga relasyon, ang mga kabit, at ang mga koneksyon—lahat ng ito ay nagiging bahagi ng isang matinding palabas. Tanong na lang: paano nga ba nila pinagtakpan ang lahat ng ito?

04/03/2025

Stories, Vlogs, and Narratives. All for Biñan.

Address

Biñan City
Binãn
4024

Website

Alerts

Be the first to know and let us send you an email when Biñan City Vlogs posts news and promotions. Your email address will not be used for any other purpose, and you can unsubscribe at any time.

Shortcuts

Share

Category