13/07/2025
PALAWAN, KINILALA BILANG “BEST IN ASIA” SA TRAVEL + LEISURE’S WORLD’S BEST AWARDS 2025
Kinilala ang Palawan bilang “Best in Asia” sa Travel + Leisure’s World’s Best Awards 2025, na naglagay sa Pilipinas sa sentro ng atensyon ng mga travelers mula sa buong mundo.
Nakakuha ang Palawan ng mataas na marka na 93.60 mula sa mga readers, na nagbigay dito ng unang puwesto sa listahan ng mga nangungunang lugar sa kontinente na “the best” puntahan at bisitahin.
Naungusan nito ang Bali sa Indonesia at Maldives, na pumuwesto bilang pangalawa at pangatlo.
Kasama rin sa mga nangunguna ang mga sikat na destinasyon sa Thailand tulad ng Phuket at Koh Samui.
Inilarawan ng kilalang travel magazine ang Palawan bilang isang lugar na may malalawak na gubat, matatayog na limestone cliffs, at masaganang buhay-ilang na nagbibigay ng kakaibang karanasan at likas na ganda, na siyang dahilan kung bakit patok ito sa mga turista.
