Radyo Boholano FM

10/07/2024

TAN-AWA : PRIME SUSPECT PAGPATAY KANG OSIE GAOIRAN NGA SI FREDE NOCOS GIDAKOP SA MGA OTORIDAD

Tubigon, Bohol - Nadakpan na kagahapon ang nag-unang suspek sa kamatayon sa LPG cashier nga si Roselyn Osie Gaoiran nga taga Barangay Pinayagan Sur, lungsod sa Tubigon. Ang suspek nga si Frede Nocos, nadakpan mga alas 4:00 sa hapon niadtong Hulyo 9, 2024, sa Barangay Cahayag, Tubigon Bohol, pinaagi sa hiniusang operasyon sa Tubigon Police Station ubos sa liderato ni PMAJ Neon Francis Alvarez, Bohol Provincial Police Office kon BPPO, ug ang National Bureau of Investigation (NBI) Bohol, nga gidumala ni Atty.Jose Ermy Monsanto.

Si Nocos, gitanggong sa kustodiya pinasikad sa warrant of arrest nga giisyu ni Acting Presiding Judge Rufo Urquia Naragas sa RTC Branch 47, Tagbilaran City, tungod sa kasong murder. Kasamtangang gitanggong siya sa PNP lock-up jail sa Tubigon nga walay piyansa samtang nag-ung-ong sa husay sa korte.

Si Nocos maoy gitumbok nga primary suspect sa imbestigasyon sa kamatayon ni Roselyn "Osie" Gaoiran, kinsa unang gikatahong missing niadtong Abril 3, 2024, samtang nag-duty sa LPG store nga gipanag-iya sa suspek sa Pinayagan Sur. Katapusang nakakita ang mga saksi kang Gaoiran kauban si Nocos niadtong Abril 3, 2024.

Kahinumduman nga niadtong Abril 3 pasado alas 9 sa buntag na wala si Roselyn Gaoiran, una nang gikataho nga basin nikuyog kini sa laing lalaki apan pipila ka adlaw sa pagpangita, nitumaw ang mga espekulasyon nga posibleng dunay kalambigitan ng amo niini nga mismo si Frede Nocos,apan sa mga naunang interview, gihimakak una sa suspek nga si Frede Nocos nga may kalambigitan siya sa pagkamissing ni Roselyn Gaoiran, nilanat og pipila ka semana ang pagpangita kang Roselyn Gaoiran og niadtong Abril 15, 13 ka adlaw gikan siya nawala, nakaplagan ang patayng lawas niini nga nagdugta na og gisulod sa usa ka sako didto sa Barangay Cansaguit, Loon, Bohol.

Abril 16, 2024 ang suspek nga si Frede Nocos nihimo og Extra Juducial Confession diin mi butyag nga duna siyay kalambigitan sa kamatayon ni Roselyn Gaoiran, tungod niini gikustodiya kini sa Loon PNP apan gi buhian kini Abril 17 tungod sa procedural nga rason, ug kagahapon nadakpan na ang suspek nga si Frede Nocos human sa pipila ka buwan nga gawasnun kini, Si Nocos magpabilin sa kustodiya sa kapulisan samtang paabuton ang husay sa iyang kaso.

Ang amahan ni Roselyn Gaoiran mipadayag sa tumang kasubo sa pagkahibalo sa mga kalamboan sa kaso sa iyang anak nga nga si Roselyn Gaoiran.

Ang pagdakop kang Frede Nocos nagtimaan sa usa ka kritikal nga lakang sa pagpangita sa hustisya alang kang Roselyn Gaoiran,nagdala kini og paglaum sa pamilya nga makab-ot nila ang dugay na nilang gipangita nga hustisya. | Jomer Pequit, DYTR NEWS

05/07/2024

UPDATE : Kapulisan sa Carmen gipaniguro ang siguridad sa pamilya ni Ernesto Dolotina

Carmen, Bohol – Hulyo 6, 2024

Gisiguro sa kapulisan sa Carmen ang seguridad sa pamilya ni Ernesto Dolotina human sa nahitabong insidente sa pagpanuktok niadtong adlawng Domingo pasado alas 11 sa gabii.

Bisan napasaka na ang kaso batok sa duha ka gitumbok nga Persons of Interest (POI), nagpabilin gihapon nga nahadlok ang pamilya Dolotina alang sa ilang kaluwasan, tungod kay anaa pa sa gawas ang duha ka giilang POI.

Tungod niini, ang Philippine National Police (PNP) sa Carmen mibutyag sa DYTR News nga ilang paniguroon ang pagpatuman og police visibility sa maong barangay. Kini aron masiguro nga adunay kapulisan nga magbantay sa palibot aron masiguro ang kahapsay ug kaluwasan sa mga residente, ilabina sa pamilya Dolotina.

Gisiguro usab sa PNP Carmen nga kanunay nga abli ang ilahang hotline number alang sa mga sumbong ug uban pa nga mga kasikas sa palibot. Gitataw sa kapulisan nga andam sila moresponde sa bisan unsang insidente aron mapanalipdan ang mga residente sa maong lugar.

Ang pamilya naglaum nga pinaagi sa pakigtambayayong sa kapulisan, makab-ot nila ang hustisya ug masiguro ang ilang seguridad.

Sa karong nasang-at na ang kaso ngadto sa piskalya batok sa duha ka Persons of Interest (POI). Ang imbestigasyon karon kalabot sa kamatayun ni Ernesto Dolotina, nagdagan na karong panahona.

| Jomer Pequit DYTR NEWS

03/07/2024

TAN-AWA ; Kahon sa Donasyon sa Fatima Shrine Gilungkab sa Wala Maila nga mga Suspek

Buenavista, Bohol – Niadtong Sabado, gisulod sa wa mailhing mga suspetsado ang donation box nga nahimutang sa Fatima Shrine sa Brgy. Cantores, Buenavista, Bohol.

Kusganong gibungkag sa mga suspek ang semento nga naglibot sa puthaw nga donation box. Napalgan sa dapit nga nahitaboan ang dagkong mga bato nga posibleng gigamit sa pagpangawat.

Sa pakighinabi sa DYTR News, ang lokal nga residente nga si Cecil Membrillos, kinsa nakasaksi sa resulta sa insidente, niasoy nga niadtong Hunyo 28, ang kahon sa donasyon gisulod pa sa semento. Sa ilang katingala, pagka-Hunyo 29, ang donation box nga dunay sulod nga kwarta nawala na.

Gitaho usab ni Membrillos nga kini ang ikatulo nga pagsulay sa pagguba sa kahon. Ang hilit nga lokasyon sa shrine, layo sa mga lugar nga gipuy-an, lagmit nakatampo sa kakulang sa mga nakasaksi niadtong panghitabo.

Namatikdan ni Membrillos nga ang maong dapit kanunay nga giadtoan sa mga maglaag-laag. Gitutokan karon sa mga otoridad ang insidente, ug posibleng mag-atubang og kaso ang mga suspek sa likod niini nga mga aksyon. | Jomer Pequit

01/07/2024

"200 KILOS BOLINAW, NAUSIK"

MGA MANANAGAT SA BASAC LOON GIINGUNG GIPASANGILAN SA LOON MARITIME PULIS NGA NANGGAMIT OG DINAMETA, TUNGOD SA PAGKALANGAN 200 KILOS NGA BOLINAO, NAUSIK?

SAMTANG ANG BFAR MIBUTYAG NGA NEGATIBO KINI SA PAGGAMIT OG DINAMITA.

Mga mananagat sa Brgy. Basac, Loon nag-atubang og grabeng kakulian human dul-an sa 200 ka kilo sa ilang kuha nga bolinao, ang gipasanginlan sa Loon Maritime Police nga gi-ani gamit ang dinamita, bisan pa sa seryoso nga mga alegasyon, walay ebidensya o igo nga basehan nga nagsuporta sa mga pasangil.

Ang Bureau of Fisheries and Aquatic Resources (BFAR) nipahigayon og makuting testing sa nakuhang mga isdang bolinao, apan nasayran nga kini negatibo sa bisan unsang timailhan sa
dynamite fishing.

Ikasubo, tungod sa pagkalangan ug pagduda sa Loon Maritime Police sa nakuha nga mga bolinao sa mga mananagat, ang 200 kilos nga bolinao wala na mabaligya ug nadaot nalang kini.

Isip tubag sa insidente, usa ka pormal nga sulat ang gitumong ngadto sa hepe sa Maritime Police sa pag pangayo og katin-awan sa ilang mga binuhatan.

Si Tigpanalipod Atty. Jordan Pizarras niingon nga kining matang sa walay basehanan nga akusasyon, kon pasagdan lang, makahulga sa panginabuhian sa daghang mananagat ug dili kini angay ipadayon.

Kini nga insidente nakapukaw sa dugang nga kasagmuyo sa mga lokal nga komunidad, lakip ang Dauis ug uban pang mga lungsod, nga matod ni Pizarras nga kaniadto nagsang-at sa mga reklamo batok sa Maritime Police.

Ang Dytr News nisuway sa pagtawag sa Maritime Police Station sa Bohol apan sa pagtawag niini miingon ang Desk Officer nga ang Hepe sa Bohol Marpsta nalang maoy mopasabot sa maong hitabo.

Dugang pa sa Bohol Marpsta Desk Officer, nga padayon pa nga giimbestigahan ang kahimtang sa nasangpit nga insidente.

Ang mga mananagat nga apektado karon nagpaabot sa katin-awan gikan sa mga Bohol Maritime Police.

Jomer Pequit DYTR NEWS

01/07/2024

🕊️"PAHULAY SA DAYON SIR ERNESTO"🕊️

PATAYNG LAWAS NI ERNESTO DOLOTINA, GILUBONG NA KAGAHAPON, MGA TAW NGA NITAMBONG MIABOT OG 500.

Hingpit nang gihatod sa katapusan kapahulayan kagahapon ang lawas sa komprador og kabaw nga taga Brgy. Vallerhermoso Carmen, nga gipatay og gituuhang gitulis ug nakaplagang bukog na ang lawas sa usa ka pangpang didto sa Brgy Bangwalog Lungsod sa Duero.

Kagahapon sa alas-2 ang takna, gihatod ang patayng lawas ni Ernesto Dolotina didto Carmen Public Cemetery.

Ang mga higala, kadugo og mga taw nga nitambong sa lubong ni Ernesto Dolotina og nakigsimpatiya, niabot kini og kapin 500, kini timailhan nga daghan ang nitawag hustisya para kang Ernesto Dolotina.

Subay niini, wala pa gihapoy niabot nga resulta sa gipahigayong Autopsy sa patayng lawas ni Ernesto Dolotina, ang resulta sa autopsy mao kini ang basehan kong unsay tinood nga gikamatyan sa biktima nga si Ernesto.

Matod ni Police Captain Winston Magdadaro ang Hepe sa Duero Police station sa pakighinabi sa DYTR NEWS nga sa higayun nga muabot og madawat na nila ang autopsy og Inubanan sa death certificate, mahimo silang mobuhat sa sunod nga mga lakang aron hingpit ng mapasakaan og kaso ang 2 ka person of interest.

Sa pagkakaron ang mga kapulisan duna nay pangalan sa 2 ka Persons of Interest apan dili pa kini pwedeng ipublikar, sanglit wala paman kini mapasakaan og kaso. Ang 6 ka mga testigo andam usab nga mo butyag sa kamatuuran batok sa duha ka Persons of interest.

Gipasalig sa kapulisan sa Duero nga buhatun nila ang alang sa kasulbaran sa kaso sa kamatayun sa komprador og kabaw nga si Ernesto Dolotina og aron maangkon na sa pamilya ang hustisya.

Jomer Pequit, DYTR NEWS

27/06/2024

TAN-AWA : KASO SA PAGPANGIDNAP SA LOAY, POSIBLING DUNAY KALAMBIGITAN ANG DRUGA

Loay, Bohol – Naguba ang malinawung kagabhiun sa Brgy. Villa Limpia niadtong Martes sa gabii dihang gironda sa wala mailhing mga mamumuno ang panimalay sa pamilyang Aca-ac nga niresulta sa pagdagit sa duha ka mga sakop niini.

Si Fritzie Aca-ac, 45, ug iyang anak nga si Jhon Michael Aca-ac, 22, pugsanong gidakop human gisulong sa grupo sa labing menos 10 ka armadong mga tawo ang ilang tindahan nianang martes sa tungang gabii.

Sa pamahayag sa kabanay sa mga biktima, ang mga mamumuno nag-bonnet, naka-cargo shorts, ug tsinelas, unang nisulod sa tindahan sa pamilya una gitionan og armas ang tanan.

Ang mga tig-atake paspas nga mibuntog sa pamilya, diin si Fritzie ug Jhon Michael gipugos nga gisulod sa usa ka Toyota Hi Ace van nga adunay kolor metallic gray.

"Gikuha una si Jhon-John ug gipugos pasakay sa van. Misinggit ang akong inahan nga nangayo og tabang apan walay miduol. Nanaug ang usa ka lalaki nga nagsultig Tagalog ug nanghimaraot, nga nag-ingon 'kuhaa usab siya.' Giguyod nila ang buhok sa akong inahan ug gipugos siya sa pagsulod sa van," ingon ni Mae.

Sa asoy nga gihatag sa DYTR NEWS, si Mae niasoy nga ang iyang igsuon nga si Jhon Michael misuway og kuha og kutsilyo sa iyang lawak aron depensahan ang pamilya apan nabuntog kini sa kadaghan sa mga armadong lalaki.

“Nigawas sa iyang kuwarto akong igsuon, nakit-an niya ang mga suspek, ug nibalik og sulod sa kwarto aron magkuha og kutsilyo pero wala nay mahimo kay daghan kaayo sila [Mga suspek],” dugang ni Mae.

Ang mga otoridad, pinangulohan sa Loay Police Chief, nagduda nga ang motibo sa pagdagit posibleng may kalambigitan sa droga, sa pagkutlo sa nangaging pagkalambigit ni Fritzie Aca-ac sa kasong may kalambigitan sa droga niadtong 2019. Gibuhian siya pinaagi sa plea bargain, apan nabalaka ang otoridad bahin sa potensyal nga pagbalos..

"Among gi-analyze ang biktima, ug adunay posibilidad nga kini adunay kalabotan sa droga. Ang biktima [Fritzie] adunay nauna nga record sa droga kaniadtong 2019. Gibuhian siya pinaagi sa usa ka plea bargain." ingon sa Hepe sa Loay PNP .

Sa usa ka emosyonal nga paghangyo, si Mae nangamuyo alang sa luwas nga pagpauli sa iyang inahan og igsoon.

Hangtud karong mga orasa, wala pa gihapoy impormasyon sa nahimutangan sa gipangdagit nga biktima.

Subay niini, padayon pa ang imbestigasyon sa kapulisan sa Loay kalabot sa maka-alarma nga insidente, kasamtangang gisusi ang CCTV footage aron masubay ang nahimutangan sa mga gidagit.

| Jomer Pequit, Dytr News

26/06/2024

"GIPUSIL-PATAY"

Headline : Lalaki gipusil sa sulod sa iyang sakyanan didto sa Ubujan

Subheadline: Ang Police nagduda nga dunay nahitabong Illegal Drug Trade Human Nadiskubrehan ang Shabu sa Biktima

USA ka lalaki gipusil sa ulo ug namatay samtang nagmaneho sa iyang Mitsubishi Adventure sa Barangay Ubujan, dakbayan sa Tagbilaran, sa miaging gabii. Dead on the spot ang biktima nga giilang si Adelo Blanco nga taga Upper Dela Paz, Cortes.

Nakadawat og tawag ang Tagbilaran City Police alas 11:05 sa gabii nga nitaho sa pagpamusil sa Lower Salazar Street, Ubujan. Nadiskubrehan sa mirespondeng mga opisyal ang wa nay kinabuhi nga lawas ni Blanco sa iyang sakyanan. Sa imbestigasyon, tulo ka pakete sa shabu ang nakuha gikan sa biktima hinungdan nga nagduda ang mga otoridad nga adunay kalambigitan sa transaksyon sa ilegal nga drugas ang insidente.

Sa pagkutlo niining balitaa ang kapolisan nagpadayon sa ilang imbestigasyon sa maong kaso. | Jomer Pequit

22/06/2024

BREAKING NEWS : MISSING NGA KOMPRADOR OG KAHAYUPAN NAKAPLAGANG PATAY NA

DUERO, BOHOL - Hunyo 21, 2024 — Ang malinawon nga talan-awon sa Camp Verde sa Bangwalog, Duero, Bohol, naguba kagahapon sa dihang ang lokal nga awtoridad mitubag sa usa ka makapaguol nga tawag. Sa mga alas 3:35 sa hapon, si Florencia P. Dolotina, asawa sa nawala nga si Ernesto N. Dolotina, nakigkontak sa mga awtoridad aron ireport ang usa ka makalilisang nga nadiskobrehan: usa ka patayng lawas ang nakit-an sa lugar.

Sa pag-abot, gipamatud-an sa usa ka inisyal nga imbestigasyon ang pinakagrabe nga kahadlok sa pamilyang Dolotina. Mga alas 3:00 sa hapon sa samang adlaw, nadiskubrehan ang usa ka namatay nga lalaki nga giilang si Ernesto Dolotina, 48 anyos. Si Ernesto, usa ka mag-uuma ug mamalitay og baka gikan sa Purok 7 Vallehemoso, Carmen, Bohol, gikataho nga nawala sukad niadtong Hunyo 9, 2024.

Sumala sa iyang asawa nga si Florencia P. Dolotina, ang pagkaila kang Ernesto klaro nga napamatud-an pinaagi sa advanced nga estado sa pagkadunot. Ang mga butang nga nakit-an sa dapit, lakip na ang usa ka itom nga t-shirt ug usa ka pares nga tsinelas nga iya ni Ernesto, nagpadugang sa pagkumpirma sa iyang pagkatawo.

Ang iyang lawas nahimutang sa tiilan sa pangpang, gibanabana nga anaa sa taliwala sa 30 ngadto sa 40 metros ang gitas-on, sa dapit nga nailhan sa dili maayong signal sa cellphone. Uban sa iyang mga patayng lawas, nakuha sa mga imbestigador ang usa ka basiyo sa bala sa kalibre .45 nga bala ug usa ka dugang nga tsinelas, nga nakadugang sa kakomplikado sa nagpadayon nga imbestigasyon.

Agig tubag sa nadiskobrehan, nanawagan ang mga awtoridad og Scene of the Crime Operatives (SOCO) team, pinangulohan ni PCMS Joemer Miculob, aron mohimo og makuting imbestigasyon. Ang tumong mao ang paghukas sa mga sirkumstansya nga nagdala ngadto sa makalilisang nga pagkamatay ni Ernesto Dolotina ug aron mahatagan og pagsira ang iyang nagbangutan nga pamilya.

Samtang ang komunidad sa Carmen, Bohol, nag-atubang niining makapaguol nga kapildihan, ang mga pangutana nagpabilin mahitungod sa mga panghitabo nga misangpot sa kamatayon ni Ernesto Dolotina. Gipasalig sa mga otoridad sa publiko nga himuon ang tanang paningkamot aron mahibaw-an ang kamatuoran ug mahatagan og hustisya ang mga responsable.

Sa pagkakaron, ang pamilyang Dolotina ug ang tibuok komunidad nagbangotan sa pagkawala sa usa ka minahal nga miyembro, kansang kinabuhi giputol ubos sa misteryoso ug makapaguol nga mga kahimtang.

(JOMER PEQUIT)

DYTR Bohol

21/06/2024

ON THIS DAY : REMEMBERING THE ‘PRINCESS OF THE STARS’ TRAGEDY

On this day in 2008, a maritime tragedy struck the Philippines when the ferry 'Princess of the Stars' sank off Sibuyan Island during Typhoon Frank, internationally known as Typhoon Fengshen. The disaster claimed the lives of over 800 people, with only 56 of the 860 passengers and crew aboard surviving.

The 'Princess of the Stars' was en route from Manila to Cebu when it encountered the fierce typhoon. Battling powerful winds and towering waves, the vessel capsized, leading to one of the deadliest maritime disasters in Philippine history. Rescue operations were severely hampered by the treacherous weather conditions, leaving many families in agonizing uncertainty about the fate of their loved ones.

In the aftermath, investigations revealed that the ferry company had been warned about the impending storm but chose to proceed with the voyage. This decision, along with potential lapses in safety protocols, sparked outrage and led to calls for stricter maritime safety regulations.

Today, as we remember the 'Princess of the Stars' tragedy, our thoughts are with the families and friends who lost their loved ones in this heartbreaking disaster. The memory of those who perished serves as a solemn reminder of the importance of vigilance and safety in maritime travel.

The legacy of Typhoon Frank continues to influence policies and practices aimed at preventing such tragedies, ensuring that the sacrifices of those lost are never forgotten.

| Jomer Pequit

06/12/2023