Journalists League of Bulan

  • Home
  • Journalists League of Bulan

Journalists League of Bulan JLB is a non-profit, local online news organization that captures stories in Bulan and Sorsogon.

25/09/2025

📢 | BULAN EMERGENCY HOTLINES & EVACUATION FACILITIES

⚠️ Para sa emerhensya, puwede po kamo magtawag sa mga numerong ini:

📞 Sorsogon Province DRRMO – 911
📞 Bulan MDRRMO – 0961-823-4132
📞 BFP – 0930-138-2814
📞 Bulan Police – 0909-812-7615
📞 Coast Guard – 0998-549-5598
📞 RHU – 0998-489-9146
📞 SORECO I – 0929-317-3667
📞 Bulan Water District – 0918-445-9334

đź‘Ą Bulan DRRM Volunteers
📞 BEAT – 0919-368-9571
📞 BRAVO – 0998-988-2889
📞 Kabalikat 426 – 0998-988-2310
📞 USWAG Bulan – 0946-111-7985
📞 Fil-Chi Fire Brigade – 0921-268-0057
📞 BANWA – 0910-750-5288
📞 Red Cross – 0920-225-9111

🏠 Evacuation Facilities
• Brgy Lajong – Evacuation Facility
• Brgy Zone 2 – Sabang Park Gymnasium
• Sta. Remedios Gymnasium

👉 maging alerto, ihanda an mga gamit pang-emerhensya asin sumunod sa mga advisories kan LGU Bulan MDRRMC.

LIBRE NA TDC | Libre an Theoretical Driving Course (TDC) na inlunsar san Land Transportation Office (LTO)–Irosin Distric...
09/08/2025

LIBRE NA TDC | Libre an Theoretical Driving Course (TDC) na inlunsar san Land Transportation Office (LTO)–Irosin District Office sa koordinasyon sa LGU-Bulan katakod san distribusyon san mga plaka san traysikel nan motorsiklo sa Bulan Gymnasium, Brgy. Sta Remedios batog Agosto 12 hasta 14, 2025.

An walo kaoras na distribusyon san plaka, 8am hanggang 5pm, sasabayan san TDC na bukas para sa intero, na primero na requisitos sa aplikasyon san student driver's permit. Sa PESO Best Hub-Bulan pwede magkadto para sa rehistrasyon san programa.

Katakod sani, hihimuon man an distribusyon san mga napurnada na plate numbers para sa motorsiklo nan traysikel na may backlog batog 2014-2017. Kaipuhan an valid ID san rehistrado na tagsadiri, 1 photocopy san Certificate of Registration (COR), 1 photocopy san Official Receipt (OR), Authorization letter pati valid ID san representante (kun diri personal na makuwa), nan Deed of Sale (para sa mga naibenta na sarakyan), apwera san 2018 hasta presente na pwede kuhaon sa dealer san behikulo.

Para sa iba pa na impormasyon, pwede magkadto sa PESO Best Hub na pinamumunuan ni Mrs. Anilin Diaz sa lunes, Agosto 11. | JLB News


JUST IN: Epektibo na niyan na adlaw, Hulyo 30, 2025, an three-month suspension na ipinataw kan Mayor Romeo Gordola susog...
30/07/2025

JUST IN: Epektibo na niyan na adlaw, Hulyo 30, 2025, an three-month suspension na ipinataw kan Mayor Romeo Gordola susog sa desisyon san Ombudsman manungod sa administrative case na sinampa ni Leopoldo Monroy.

Maingkod bilang acting mayor si Vice-Mayor Chezka Mae Robles.

Si Konsehal Dandin Corsiga naman an maserbi bilang acting vice-mayor.


TSUNAMI ALERT ⚠️Kasunod san 8.7-magnitude earthquake sa Kamchatka, Russia kanina na alas-7:25 san aga, nagpaluwas sa tsu...
30/07/2025

TSUNAMI ALERT ⚠️

Kasunod san 8.7-magnitude earthquake sa Kamchatka, Russia kanina na alas-7:25 san aga, nagpaluwas sa tsunami advisory an PHIVOLCS kun diin kaupod an Sorsogon sa mga posible na maapektuhan.

Inlalauman na maabot an una na tsunami waves na hababa sa saro na metro an taas doon na ala-1:20 hanggang alas-2:40 san hapon.

In-aabisuhan an publiko na maging alerto nan magharayo sa mga baybayon, lalo na an mga nakaistar harani sa dagat.


SUSPENDIDO AN KLASE | Susog sa rekomendasyon san National Disaster Risk Reduction and Management Council may kinaaraman ...
23/07/2025

SUSPENDIDO AN KLASE | Susog sa rekomendasyon san National Disaster Risk Reduction and Management Council may kinaaraman sa padagos na pag-uran dara san habagat, sinuspinde san Malacañang an klase sa intero na lebel sa aga, Hulyo 24, sa nagkapira na probinsiya, kaupod an Sorsogon.

Samantala, padagos an operasyon san mga ahensya na responsable sa mga importante na pangangaipo nan serbisyo manungod sa salud, nan paghahanda nan pagresponde sa kalamidad.

Diri man obligado mag-report sa kanira mga opisina an mga empleyado san iba pa na mga ahensya nan pwede magpatupad san alternate work arrangement.

Nasa diskresyon san kaniya-kaniya na manihamyento an pagsuspinde san trabaho sa mga pribado na kumpanya. | JLB News


WORK AND CLASS SUSPENSION Susog sa Memorandum Circular No. 90 hali mismo sa Malacanang, suspendido an trabaho sa intero ...
22/07/2025

WORK AND CLASS SUSPENSION

Susog sa Memorandum Circular No. 90 hali mismo sa Malacanang, suspendido an trabaho sa intero na opisina san gobyerno nan klase sa intero na eskwelahan sa intero na lebel sa Sorsogon sa aga, Hulyo 23, 2025.

Ini rekomendasyon san National Disaster Risk Reduction & Management Council dahilan sa makusog na pag-uran na dara san habagat. Kaupod an Sorsogon sa nagkapira na probinsiya kun diin sinuspinde an trabaho nan klase.

Samantala, dapat magpadagos an operasyon san mga ahensya nan opisina na na responsable sa mga importante na serbisyo may kinaaraman sa salud, paghahanda nan pagresponde sa kalamidad.


BULAN LEGISLATIVE TRACKING | Inlunsar niyan na adlaw, Hulyo 1, 2025, san Sangguniang Bayan ng Bulan an primero na Legisl...
01/07/2025

BULAN LEGISLATIVE TRACKING | Inlunsar niyan na adlaw, Hulyo 1, 2025, san Sangguniang Bayan ng Bulan an primero na Legislative Tracking System sa probinsya sa paagi san bulan.legtrack.net. sa pangunguna ni Vice Mayor Chezka Mae Ballesteros Robles nan SB Secretary Luis De Castro, para mas accessible nan organisado sa publiko an mga dokumento san Sangguniang Bayan.

Maiimod sa system an mga opisyal na dokumento pareho san ordinansa, resolusyon, committee hearing, minutes, nan iba pa na importante na dokumento na parte san lehislasyon batog sa primero na Sangguniang Bayan hanggang sa presente na ika-20 na Sanggunian.

Paagi ini san presente na Sanggunian para paurugon an transparensiya sa lokal na panggogobyerno gamit an teknolohiya.

Pwede na bisitahon an website nan ma-access an mga dokumento alagad pa an pag-upload san Sangguniang Bayan para masiguro na kumpleto an mga pwede ma-download san publiko. | Arvin Dela Rosa, JLB News

Bisitahon an Legislative Tracking System: https://bulan.legtrack.net/public/


URHI NA TERMINO | Nakapanumpa na para sa kaniya ikatulo nan urhi na termino si Mayor Romeo Gordola niyan na gab-i, Hunyo...
30/06/2025

URHI NA TERMINO | Nakapanumpa na para sa kaniya ikatulo nan urhi na termino si Mayor Romeo Gordola niyan na gab-i, Hunyo 30, 2025, sa inhihimo na Oathtaking Ceremony sa Bulan Presidencia Grounds.

Sa kaniya inaugural speech, dinuunan ni Gordola an pagpadagos san kaniya mga programa nan proyekto susog sa iba-iba na mga plano na nalatag san kaniya administrasyon. Nagpasalamat man siya sa Sangguniang Bayan nan sa mga empleyado san munisipyo sa kanira suporta.

Inanunsyo man niya an pangaturugan na maging syudad an Bulan sa mga masunod na taon. Katakod sadi, nanawagan siya sa Sangguniang Bayan na amyendaran tulos an Local Revenue Code para madagdagan an kita san Lokal na Gobyerno.




Photo by Arvin dela Rosa

BAG-O NA TERMINO | Nakapanumpa na para sa kaniya ikaduwa na termino si Vice-Mayor Chezka Mae Robles niyan na gab-i, Huny...
30/06/2025

BAG-O NA TERMINO | Nakapanumpa na para sa kaniya ikaduwa na termino si Vice-Mayor Chezka Mae Robles niyan na gab-i, Hunyo 30, 2025, sa inhihimo na Oathtaking Ceremony sa Bulan Presidencia Grounds.

Uncontested o wara kalaban niyan na Eleksyon 2025 si Robles. Siya an solamente na kandidato sa Lokal na Gobyerno san Bulan na nakakuwa san lampas 40 mil na boto. Umabot sa 41,177 an boto na nakuwa niya.

Kaupod ni Robles an kaniya pamilya sa pagtanggap niya san obligasyon bilang presiding officer san Sangguniang Bayan hanggang 2028.




Photos by Arvin dela Rosa

BAG-O NA SANGGUNIANG BAYAN | Nakapanumpa na an mga bag-o na elehido na mga konsehal san Bulan niyan na gab-i, Hunyo 30, ...
30/06/2025

BAG-O NA SANGGUNIANG BAYAN | Nakapanumpa na an mga bag-o na elehido na mga konsehal san Bulan niyan na gab-i, Hunyo 30, 2025, sa inhihimo na Oathtaking Ceremony sa Presidencia Grounds.

Re-elected sira Konsehal Dondon De Castro, Konsehal JR Gordola, Konsehal Jeoffrey Azur nan Konsehal Chito Hao.

Balik-konseho man sira Konsehal Aler Guelas nan Konsehal Recto Valeriano.

Nakapanumpa na man an topnotcher na si Konsehal Dandin Corsiga, nan an dati na kapitan san Lajong na si Konsehal Neneng Guelas.




Photo by Arvin dela Rosa

RESPETO NAN PAGKASARAROPanatag na tinanggap ni Kons. Jamaica Amante-So an resulta san kun diin diri naging pabor sa k...
13/05/2025

RESPETO NAN PAGKASARARO

Panatag na tinanggap ni Kons. Jamaica Amante-So an resulta san kun diin diri naging pabor sa kaniya an laban sa pagka-mayor.

Sa kaniya mensahe, pinasalamatan ni Amante-So an kaniya campaign team nan an mga taga-Bulan na nagsuporta sa kaniya kandidatura.

"Diri man ini an gusto nato na resulta san eleksiyon, sapat na an suporta nan pagpadaba niyo para mamatean nato na gana pa rin kita sa puso san bawat Bulaneño."

May mensahe man siya sa mga diri sa kaniya nagboto na lugod pa siguruhon an accountability san mga nailiher na opisyal. Para naman sa mga nailiher, laom niya na masirbe sira para sa publiko, diri para sa pansadiri na interes..

"Sa mga nahalal naman na mga lingkod bayan, baguhan man o datihan--- diri sana niyo sayangon an inhatag na tiwala san sa ato mga kabubungto. Magsirbe sa taumbayan, diri sa pansadiri lang. Unahon nato an kamayadan san intero lalo na an mga kasaragdayan."

Sa durho, dinuunan niya an mensahe san respeto nan pagkasararo.


TIGHT RACE IN MATNOGNasa 76.47% na san resulta sa Matnog an transmitted sa COMELEC Media Server kun diin dikdikan an lab...
12/05/2025

TIGHT RACE IN MATNOG

Nasa 76.47% na san resulta sa Matnog an transmitted sa COMELEC Media Server kun diin dikdikan an laban sa pagka-mayor. Nasa sobra 600 lang na boto an lamang ni dating gobernador Bobet Lee Rodrigueza kan dating mayor Claudith So.

Mas komportable man an lamang ni Jay Ubaldo kan Bongbong Estrelon sa pagka-vice-mayor.

In-aantabayanan pa an pinal na resulta sa Matnog.



Address


Website

Alerts

Be the first to know and let us send you an email when Journalists League of Bulan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Journalists League of Bulan:

Shortcuts

  • Want your business to be the top-listed Media Company?

Share