WAMY Philippines

29/10/2024

Bayok o mga arab:

ألا ليت الشباب يعود يوما فأخبره بما فعل المشيب.

Obabo so kangoda na ana gawii a makambalingan. Ka mapanothol aknon so pinggolawla o kaloks.

Aya tig o mranao, na dingka psingayo-a i mimbalingan so mona a pamomolo so daug a kababagombar iyan, ka margn mimbalingan.
Aya panamaringka naso mga galbk ka ko masa a kangodangka a khapakay a matanto, ka aya marani a khitoman.

17/08/2024

Para sa mga kabataan, anong kahulugan ng kasabihan sa Maranao na:

SO PEPAGONONG KO IG
NA AYAON PEPELBOG.

17/07/2024

11/02/2024

OSAYAN KO PARATIYAYA (Series #1)

RAYAGAN KO AQEEDAH AHLUS-SUNNAH (عقيدة أهل السنة) agoso SALAFIYAH

Antonaa e ptharoon a AQEEDAH ?

Aya Aqeedah na skaniyan so paratiyaya a thithikna a da abaon sangkaan o taw a miyaratiyayaon.
Miya-aloy ko kitab a
(العقيدة الصافية للفرقة الناجية).

Antonaa e ptharoon a Aqeedah AHLUS-SUNNAH (عقيدة أهل السنة والجماعة)?

Aya ptharoon a Aqeedah Ahlus-Sunnah odina Aqeedah Islamiyah, na giyanan dn so paratiyaya ko Islam ago paratiyaya o Salaf as-Salih (السلف الصالح).

Aya kabasa e ibn Taimiyah ko kitab iyan a (العقيدة الواسطية):

(فهذا اعتقاد الفرقة الناجية المنصورة إلى قيام الساعة. أهل السنة والجماعة وهو الإيمان بالله، وملائكته، وكتبه، ورسله، والبعث بعد الموت، والإيمان بالقدر خيره وشره).

“Giyai e paratiyaya o lompokan a phakaslang sa maliwanag a phakada-ag sa taman sa makatindeg so bangkit, So Ahlus-Sunnah wal Jama’ah (أهل السنة والجماعة). Giyanan so kaparatiyaya-a ko Allah, goso mga malaikat iyan, goso mga kitab iyan, goso mga Sugo iyan, goso kakhaoyag ko oriyan o kapatay, goso kaparatiyaya-a ko okoran, so mapiyaon agoso marataon”.

(ومن الإيمان بالله: الإيمان بما وصف به نفسه في كتابه، ووصفه به رسوله محمد ﷺ من غير تحريف ولا تعطيل، ومن غير تكييف ولا تمثيل. بل يؤمنون بالله سبحانه: "ليس كمثله شيء وهو السميع البصير" فلا ينفون عنه ما وصف به نفسه، ولا يحرفون الكلم عن مواضعه).

“Go pd sa paratiyaya ko Allah, naso kaparatiyaya-a ko nganin a inisipat iyan sa ginawa niyan, goso inisipaton o Sugo iyan a Muhammad ﷺ sa di makasilay so maana niyan ago di mapakada so titho a morad iyan (من غير تحريف ولا تعطيل), nago di ipropa so bontal iyan ago di izaginda ko inadn (ومن غير تكييف ولا تمثيل).
Aya mataan na paparatiyayaan iran so Allah a miyasoti-soti, (sa da a saginda niyan a shai, go Skaniyan na pephakaneg a pephakailay), sa da aba iran piyakada a sipat a inisipat iyan sa ginawa niyan, nago da aba iran piyakasilay ko mga katharo sii ko titho a morad iyan”.
(العقيدة الواسطية – page 9-15).

Giyangkaya a osayan o ibn Taimaiyah ko paratiyaya o Ahlus-Sunnah, na giyanan dn e kpit o mga ulama a Salafiyah (السلف الصالح), datar o imam Ahmad ibn Hanbal, goso imam As-Shafi-i, goso salakaw kiran a miya-onaan o ibn Taimaiyah,

Nago giyaya dn e dii pamagosayin o mga ulama a Salafiyah.

Sii ko kitab a (لمعة الاعتقاد لابن قدامة) na miya-aloy ron a:

(وعلى هذا درج السلف وأئمة الخلف رضي الله عنهم، كلهم متفقون على الإقرار والإمرار والإثبات لما ورد من الصفات في كتاب الله وسنة رسوله ﷺ).

“Giyanan dn e inokitan o mga ulama a Salaf, goso mga imam a miyakatondog kiran (أئمة الخلف) miyaso-at kiran langon so Allah, sa palaya siran miyagayonayon sa piyaratiyaya iran so mga sipat o Allah, nago piyakasagad iran, nago tiyanto iran, sa sadn sa kiya-aloy niyan ko Qur’an agoso hadis o Rasulullah ﷺ ”.

Giyangkaya a kitab a (العقيدة الواسطية لابن تيمية) na pd sa miyamagosay ron ko mga ulama na so:

1. (الروضة الندية شرح العقيدة الواسطية للشيخ زيد بن عبد العزيز الفياض)
2. (شرح العقيدة الواسطية للشيخ محمد خليل هراس)
3. (شرح سماحة الشيخ عبد العزيز بن باز لكتاب العقيدة الواسطية)
4. (شرح العقيدة الواسطية للشيخ محمد بن صالح العثيمين)
5. (شرح العقيدة الواسطية للشيخ صالح بن فوزان الفوزان)

Inisorat e:
Abo Yusof Sarangani
( Simalaw ami rkano so mapiya )

[Nsha Allah na isompat tano ron so kpit e Shaikh Bin Baz ago si Hasan al-Banna].

02/02/2024

Pitharo o Rasulullah ﷺ: Aya phagontong ko mga taw ko sapaat akn sa alongan a mawri, naso pitharo iyan so : LA ILAHA ILLALLAH, sa tobohalos ko poso iyan odi na sii ko ginawa niyan.” Bukhari

25/01/2024

SO KIYAPAKARATA-A O MGA ALA A ULAM KO GALBEK O MGA TAO A KAPANGATAKI, KANDADAURA, KAZAGOMPARAK A GALBEK IRAN

PITHARO E SHAIKH IBN BAZ الشيخ ابن باز رحمه الله تعالى، :
( وقد شاع في هذا العصر أن كثيرا من المنتسبين إلى العلم والدعوة إلى الخير يقعون في أعراض كثير من إخوانهم الدعاة المشهورين ، ويتكلمون في أعراض طلبة العلم والدعاة والمحاضرين ، يفعلون ذلك سرا في مجالسهم ، وربما سجلوه في أشرطة تنتشر على الناس ، وقد يفعلونه علانية في محاضرات عامة في المساجد ، وهذا المسلك مخالف لما أمر الله به ورسوله من جهات عديدة ).

“ Mataan a lomiyangkap sangkaya masa imnato a madakl ko dii mamaganad sa elmo ago dii manolon ko mapiya, a dii ran pamaawingan so kadaklan ko mga pagari ran a mga duat a kilala so ingaran iyan, na go dii ran pangatakin so mga ulama a goso mga duat goso dii mamangundao (Lecturer), dii ran anan golawlaan sa secrito ko mga meeting iran, khapakay pn a ipRecord iran ko mga cassette na pephamakalangkapn ko mga tao, go khapakay pn a publiko dn sii ko mga lecture iran sii ko mga masjid. Na giyangkanan a datar anan a okit na makasosopak ko pandoan o Allah agoso Sugo iyan, sa madakl a sabap” :

Paganayron: na miyaka-aras ko kabnar o mga muslim, labaw ron so mga ulama a goso mga duat a khipananagontaman sa kapephakainengka-a ko pagtao, na goso dii kiran kanggonanaowa, agoso kapephakaontola ko mga aqidah iran, agoso mga manhaj iran, nago mananagontaman siran ko gii ran kapamangndao ago kapamangosiyat, na goso kapepanorat sa mga kitab a kapenggonaan.

Ikadowa: na mataan a khaoparik iyan so kay-isaisa o mga muslim, nago khitayak iyan so gropo iran, a siran na kailangan iran so kay-isaisa iran, ago makawatan siran ko kaoparik ago kasagomprak, agoso kaphapawala, inangin a so mga duat a diiran dii pama-awingan na pd siran ko ahlossonnah waljamaah, a makikilala siran a pd siran ko pephangalang ago penggarobat ko mga bid'ah agoso mga panarima a makasisilay. nago da a may-ilay tano a khikamapiyaan saya, arowar ko mga ridoay a nomanayaw a pd ko mga kafir ago mga munafiq.

Ikatlo: na sabnar a giyangkaya a datar aya a galbuk, na pkhi-Suport ago pkhi-Ogop ko mamakatipo a pd ko mga Secular (da a mga agama niyan), agoso phagonot ko mga Western, agoso salakaw kiran a pd ko mga (ملحدين) da a mga paratiyaya niyan, a katawan dn so kapmbinasa-a iran ko mga duat, na goso dii ran kiran kapakambokhaga, na goso diiran kiran kipamalataan sa marata ko nganin a miyamangisorat iran. Nago di khapatot ko kaphapagariya ko islam, oba aya pkhaogopi angkai a da a mga sagosara iyan naso mga ridoay, sa kiphapasgawaan iran ko mga pagariran a mga ulama ago mga duat.

Ikapat: na sabnar a mapapadalm saya so phaka-antiyor ko mga poso o kadandan o pagtao (ka dii makapamagawata so mga poso), nago pkhabembar so mga kabokhagan, agoso mga tothol a di bnar, nago dii ndakl so kapamaganta agoso kazoroyan, nago pkhikayang so mga pinto o marata sii ko mga binasa e antangan, a aya thothodayan iran naso kapamalata sa di bnar agoso kapkha-adn o Fitna, nago aya ipakapipiya a ginawa iran naso kapekharingasa-a iran ko miyamaratiyaya sa pkhatempowan iran sa kabokhagan.

Ikalima: na mataan a so kadaklan ko miya-aloy a mga katharo, na da a kabebenar iyan, ka matag mga arangan a inibodiyok o shaitan ko mitharoon, pitharo o Allah: “Hay skano a miyamaratiyaya na pananggilae niyo so kadaklan ko mga anta-anta, ka mataan a so sabagi ko mga anta-anta na dosa, nago dikano phanoriman nago di phamaganta-a o sabagi rkano so sabaad”.

Go aya patot ko miyaratiyaya na sii niyan phagantapa so katharo o pagari niyan a muslim sii ko pithamanan a mapiya a kha-antapanon. Aya katharo o isa ko mga Salaf na: “Obangka antapa so katharo a miyakapoon ko pagaringka sa marata, a khapakay a adn a kapaka-antpan kaon a mapiya.”

Ikanum: naso langowan a miyatoon a ijtihad o sabaad ko mga ulama agoso dii mamaganad sa elmo, a khapakay ron so kapagijtihad, na diron khadaway so minggolawlaon, nago da a marataon amayka khapakayan skaniyan a magijtihad. Na obaon sopaka o salakaw ron na aya patot na makizinabotaon sa mapia, ka siyap sa katoon o bnar sii ko marani a okit .. na odi oto khaparo ka aya miya-ilay o isa na kilangan dn a mipayag iyan so kasopaka niyanon, na aya osara niyan naso mapiya a katharo ago malenggaw a basa, sa da a kapangataki ago kapamaawing .. nago di phakatarsikn so mga ingaran nago di phangantokn so mga niat.

Sa aya wasiyat akn ko mga pagari a miyaphapakaito iran so mga duat, ago miyapangataki ran siran, na thawbat siran sii ko Allah, ko miyamangisorat o mga lima iran, na goso miyangathataro o mga dila iran, a kiyasabapan sa kiyapaka khakawatana o mga poso o sabaad ko mga kangodaan, agoso kiyatago kiran o kiyapaka peraratema agoso kiyakhakagowada .. sa iphando akn kiran pn a kapakarata-a iran ko miyanggalbk iran sa nggolalan sa kazorat odi naso salakaw ron, a khasabapan sa ki-angiyasn iran ko mga ginawa iran ko karataan o lagidanan a galbek, nago aniran mapakada so miyatago sa pamikiran o mga tao a miyakaneg ko katharo iran, nago aya tayoda iran naso mga galbek a khakowaan sa gona, a iphakarani ran ko Allah, nago phakanggay a gona ko mga oripn o Allah, nago pananggila-i ran so kanggagaan sa kapephaka kapira ko salakaw kiran, na goso kapephaka pasika kiran odi naso kapethempowi kiran sa pabibid'ah siran a da a katantowan iyan ago da a karina. Pitharo o Nabi (ﷺ): “Satao a tharoon iyan ko pagari niyan a miyakapir na mataan a ron mimbalingan so kaka-kapiri”. Piyanothol o Bukhari ago Muslim.

Katharo ini e Shaikh Abdul Azis bin Baz (رحمه الله) M***i a miyaona sa Saudi Arabia – a isa a olawan o mga Salafi sangkai a masa – ko da niyan pn kawafat - na tanto a marayag a kiyapakarata-a niyan ko mga tao a kapangataki a galbek iran, nago tiyanto niyan a kailangan a makathawbat siran sa mindod iran so katharo iran, sa kapakitokawan iran a mataan a miyaribat siran.

So katharo o mga pd a ulama a mga ala, na sii ko sompat iyan ..

Information section a Markazosshabab

24/01/2024

OBANGKA BO BIYATIYA SO HISTORY I SAYID QUTB AGOSO MGA KITAB IYAN

So mga taw a dii mama-awing ki Sayid Qutb, sabap ko miyamangi sorat iyan, go adn pn a mini Publish a katharo iyan a skaniyan na pd sa MASON, na aya kalilid saya na sii pepangowa-a sa SOCIAL MEDIA - Copy paste. Na katawan tano a giyangkaya a SocMed. na knaoba langon pkhaparatiyaya (Unreliable), ayadn a kalilidon na ka-Tsismoso, Kap-MARITIS.
Soman so ka-(نقد) Critic “Criticism” na ana okit iyan, a kao-opakatan ko mga ulama agoso miyamakasowa (Professional) – Katawan anan o miyamaganad.

Isaon, na daanka a phagistadian so history o taw, goso (ظروف) Situation iyan (Social & Political situation), goso pd a minisorat iyan na mabatiya-aka ka para Balance so Criticism ka, kagiya amayko ibagak so okit a ka-Criticize na pembaloy so galbk a okit a da a sabot iyan (Unprofessional), na magozor na pembaloy a kanggeba (تدمير) ago kambinasa ago kapaminasa (فساد وإفساد) a palayadn anan inisapar o Islam sii ko ordinary a mga taw na ayapn ari so ulama a ana ingaran iyan ..!!

Go giyanan so inaloy o Allah sii sa Qur’an a galbk o mga yahudi – pimorkaan siran o Allah (لعنهم الله):

(كلما أوقدوا نارا للحرب أطفأها الله، ويسعون في الأرض فسادا، والله لا يحب المفسدين) المائدة: 64

“Oman siran miyag sa apoy (Fitna) ka an maadn so kapriridoay na padngen o Allah, go mananamar siran nggalbk sii ko lopa sa kapaminasa. So Allah na di niyan khababayaan so pephaminasa.”

Giyangkanan a katharo a si S-Qutb na pd sa Free Mason, na aya date a kini Publish non na April 23, 1943, sii sangkana mga masa na malobay pn so paaratiyaya niyan ko Islam, aya kabasa o pd a mga Critics na skaniyan na (ملحد) unbeliever, na sii ko 1948 na miyakapoon sa America, orianiyan na sii ko 1953 na miyamangpd sa ikhwan, na andamanaya e kisomariya-anka ko taw ko galbk iyan a dapn mapd sa ikhwan; khapakay pn a diniyan pkababayaan a Ikhwan sa masa oto.

So mga Sahaba o Rasulullah ko da iran pn kapamagislam, ba kiran kisomariya so nganin a miyanggalbk iran a di mga pipiya ko dairan pn kapagislam ?!

Aya kabasa o mga pd a ulama – mga Critics - naso miyamangisorat e Sayid Qutb agoso Tindeg iyan na miyokit sa miyakatlo mipangkat:

Paganay ron: Naso da niyan pn kapamangped ko o mga Islamic groups – ibarat a ikhwan, na sii maapd ko dii khalalagan (أدباء، أديب) – Author - na aya btad iyan na maka rararadon so mga antangan e Taha Hussien, go si Abbas Mahmod Aqad – mga pd iyan anan a mga kalalagan (أدباء) sii sa Misir, labaw ron si Taha Husien ka idol iyan – na siran a dowa na ana mga tindeg iran a Negative sii ko mga Sahaba, ibarat e Taha Husien na ipraot sa kandadaora ago kapama-awing.

Giyotoi sabap a si S-Qutb na ana mga gagarang a katharo iyan sii ko Mu’awiyah agoso Amr ibnul Ash. Miya-aloy niyan ko kitab iyan a (كتب وشخصيات), a pd ko miyanga oona a inisorat iyan. 1st print iyan na sii ko ragon a 1946, aya paka-asal iyan na mga katharo anan a kapagongangn (Literature – مقالات أدبية نقدية), ini Publish sii ko mbarambarang a mga Magazine, ko ragon a 1942-1946. [ilayangaka so kitab a - page 531, (سيد قطب من الميلاد إلى الاستشهاد للدكتور صلاح الخالدي ].
Sii ko kiyapd sa Ikhwan ko ragon a 1953 na miya-alin angkana mga tindeg iyan.

Ikadowa Stage: Naso mga tindeg iyan ko paganay a kapkilala-a niyan ko mga antangan o Islam
(بداية توجهه الإسلامي )
na maloon dn masisino so rarad o mga antangan e Taha Husien ago si Aqad ko kababaloy niyan a dii khalalagan (أديب), na aya paganay a misorat iyan a kitab sangkana masa ko ragon a 1948-1952 naso (العدالة الاجتماعية في الإسلام), na ana mga basa niyanon a malo magarang sii ko sabaad ko mga Sahaba, ibarat o Usman ibn Affan (رضي الله عنه), na simbag skaniyan e ustaz Mahmod Shakir (رحمه الله), naso kiyaombongi ron e S-Qutb ko ragon a 1952 na piyakaliwanag iyan a knaoba aya mapipikir iyan roo naba niyan phangatakiya so mga Sahaba (رضي الله عنهم), ka aya bantak iyan roo na Dipinsa niyan ko Islam, ko kiyatokasiron o sabaad ko mga Historian.

Ikatlo a Stage: Naso oriyan o kiyaiposa niyan ko pangnal ko history, agoso kiyakilala-a niyan ko mga antangan o Islam. Sii ko 1964 na piyakaliyo niyan so bago - 6th edition - o kitab iyan a (العدالة الاجتماعية في الإسلام), inimpidan ago ini Publish a (دار إحياء الكتب العربية) na piyokas iyanon so kiyakomintanon e ustaz Mahmod Shakir, nago madakl a siyambian iyan ko mga basa niyan sa mona, ago ana inipangoman iyanon, a makanggogonanao sa mithakna so tindeg iyan ko mga Sahaba sii ko titho a ontol.

Go miyakarinayag anan sii ko kitab iyan a (في ظلال القرآن) goso (هذا الدين), ka biyantog iyan phiyapiya so Usman, goso Mu’awiyah agoso Amr ibnul Ash ago sodn so mga Sahaba ko katimbl iyan (رضي الله عنهم).

Go sii ko kitab iyan a (معالم في الطريق) na iniropa niyan so mga Sahaba sa siran so “Pagtaw o Qur’an a miyatindos”. Sii ko page 14 na inaloy niyanon “Sabnar a miyapakasimbowang rkitano o panolon so sarapiyag – generation o mga Sahaba (رضي الله عنهم) a pagtaw a miyatindos ko kadandan o history ko Islam, go sii dn ko kalangkap iyan ko totholan ko kapmanosiya”.

Kagiyamawto, na banda aya mapiya a okit – labaw so mga ulama agoso miyamakasowa “Professionals” - na sii ko onaan o da tano pn ka- Criticize-sa ko isa a taw na daan tano a pangnaln so history niyan agoso mga kitab iyan, ka pangali sa antano skaniyan di khalalim.

Abo Yusof Sarangani
( Simalaw ami rkano so mapiya )

23/01/2024

Subokan

22/01/2024

"Mataan a so Allah na da a tharimaan iyan a galbk, inonta so mini pagikhlas rkaniyan ago soa-soat rkaniyan" Hadis Sahih, Tirmidhi

09/01/2024

SO ILAYAN E HASANUL BANNA KO KIYA-ADN O SUFI AGOSO TINDEG IYANON:

Oriyan o kiya-aloya tano ko ilayan e Ibn Taimiyah go si imam As-Satiby ko paka-asal a kiya-adn o SUFI, na ayapman a aloyin tano naso ilayanon e imam Hasanul Banna (رحمة الله عليه).

Miya-aloy tano sa mona a aya sabap a dii katharoa o sabagi sa skaniyan na SUFI na sabap ko kapndarpa iyan ko mga Halaqatu Zikr o mga SUFI sii sa Misir, sii ko masa a kangodaan pn ko onaan o da niyan pn kabangona ko ikhwanul muslimoon, go kagiyakon a skaniyan dn e miyaloy ron sii ko pd a mga kitab iyan a so panolon a ikhwanul muslimoon na:
1. Da’wah a Salafiyah (دعوة سلفية).
2. Okitokit a Sunnah (طريقة سنية).
3. Haqiqaton Sufiya (حقيقة صوفية).
4. Haiaton Siyasiyah (هيئة سياسية).
Go adn pn a mga sompat anan na di tano sayadn aloyin ka kagiya tanto a phakatas ..
Giyangkoto a kapndarpa iyan ko mga Halaqatu Zikr o mga SUFI, na miya-aloy tano sa mona so osayan iyan.

Si Hasanul Banna na aya ilayan iyan ko kiya-adn o SUFI (التصوف), na datar dn o ilayanon o miyanga oona a ulama, ibarat e Ibn Taimiyah, si imam As-Satiby goso salakaw kiran, sa aya antap naso kalinang o ginawa sa nggolalan ko kapakala o simba agoso babaya sii ko Allah, na tharotos so kabaya ko orarig o donya.

Sii ko paganay a magatos ragon (1st Century sii ko Hijrah) naso kiyapakaolad o goberno o Islam (الدولة الإسلامية) a madakl a miyataban iran a mga inged, na kiyalkaan so donya sii ko mga muslim, nago miyakala so kaoyagan, na waraan dn a khabarayat so sabagi sii ko parahiyasan ko donya, na sii sangkanan a mga masa na mimbowat so mga taw a pepanolon ko kambara-amal, sa aya sangorn naso akhirat na thawarangn so parahiyasan ko donya, datar o imam Hasan al-Basari agoso salakaw ron, sa roo dn minipanagipoon so kiya-adn o SUFI (علم التصوف) ago bithowan sa (علم التربية والسلوك).

Da a sangkaan sa mataan a so (علم التصوف) a paganay, na miyakaprarad sa mapiya sii ko dii kambiata ko mga taw sii ko biatan o paratiyaya, minsanpn diron dn maada so ana kapepamakalampas iyan sabap ko masa (invironment) a kiyambowatan iyan, ibarat o kinitaralo o kagegenek (di kaptharo), goso kapagongos, goso kathoday, goso katharambisa (dii kasibasibay), ogaid na palayadn ana paka-asal anan sii ko agama. Na opama ko aya minggolalan naso mga diyangka (Limitation) a kinisogoonon o agama na sayana a mapiya.

Aya mataan, naso pamikiran ko panolon a SUFI na knabo oba sii miyataman ko dii kambiata ko ginawa sa kapakala o simba agoso kapiya a parangay – ka opama ko roo bo miyataman na miyakaompiya ko mga taw. Ogaid na sii ko oriyan o paganay a kinitadi o panolon a SUFI na miyalpas iyan angkoto a mga diyangka (Limitation) a thatangkaanon o agama, ka minismboron so elmo (Philosophy) a makapopoon ko mga pd a Nation, na minisaog ko agama so diron pd, na mimbaloy so galbk a SUFI (التصوف) a pamintoan a kiyalawangan o langowan a marata e lalag a mbinasaan iyan so Islam.

Sa aya paliyogat ko mga taw a (المصلحين) pagompiyaan iran so btad a mabibinasa “Reformist” na pakatolangdan iran sa malayat a kapamimikiran so kapagompiyae sangkai a mga lompokan (Gropo a Sufi) ka khapakay a siran e malbod a pakatiyolinen, amayka masogat so okit a mapiya.
[ilayangka so Kitab (مذكرات الدعوة والداعية) page 26-28].

Samanan na marayag so tindeg e Hasanul Banna ko SUFI (التصوف), a piyaki-inengka iyan so patot a phakaimolngan (niyakd iyan siran), ogaid na sii ko okit a mainay, go malinanek ago kabilangataw.

Marayag a KNAOBA SKANIYAN SUFI go KNAOBA AYA PANOLON IYAN NA SUFI.

Go maliwanag so kiya-aloya niyan ko panolon a ikhwanul muslimoon sa:
1. Da’wah a Salafiyah (دعوة سلفية), maana aya ipepanolon iran naso kpit a SALAFIYAH, a giyoto so kambalingan sii ko onayan a paka-asal o Islam a so Qur’an agoso Sunnah.
2. Okitokit a Sunnah (طريقة سنية), maana aya panagontaman iran na maoyag iran so mga Sunnah o Rasulullah (ﷺ) nago misongkad iran so mga galbk iran ko inokitan o Rasulullah (ﷺ), batabo-labaw sii ko mga simba ago sii ko Aqeedah.
3. Haqiqaton Sufiyah (حقيقة صوفية), maana a makamoayan so titho a SUFIYAH (التصوف) a giyanan so kalinang o ginawa agoso kasoti o poso, sa nggolalan sa kapakala o simba agoso babaya sii ko Allah agoso katawaranga ko parahiyasan o donya agoso orarig iyan.
4. Haiaton Siyasiyah (هيئة سياسية), aya panolon iran na thagompiya so kaphagingd o mga muslim, nago mimbalingan so kadato iran agoso menang iran a minilaod, na kapagadatan siran o salakaw di salakaw.

INENGKA:
Giyangkaya a katharo iyan a (حقيقة صوفية) na aya thanodanon na aya pimbasa niyan na HAQIQATON SUFIYAH knaoba (طريقة صوفية) maana a “OKITOKIT o mga SUFI”, giyanan e kalalayaman a phagosarn sii ko mga SUFI na mbida anan sa snad ago paka-aantapan.

So (طريقة صوفية) “OKITOKIT o mga SUFI” na minibtad dn so OKITOKIT o omani lompokan a SUFI (طوائف الصوفية) na miyakambidabida siran sa okit, na miyapamagosay o mga ulama so ilayan iran ko omani lompokan.

Sopman so (حقيقة صوفية) na makamoayan so titho a SUFIYAH (التصوف) a giyanan so kaplinanga ko ginawa sa mokit ko biatan o Islam (علم التربية والسلوك).

Go pitharo iyan a:
( أيها الشباب: يخطئ من يظن أن جماعة الإخوان المسلمين ” جماعة دراويش “ قد حصروا أنفسهم في دائرة ضيقة من العبادات الإسلامية، كل همهم صلاة وصوم، وذكر وتسبيح، فالمسلمون الأولون لم يعرفوا الإسلام بهذه الصورة، ولم يؤمنوا به على هذا النحو .. ).
“Hay mga SHABAB, na kharibat so taw a pagantapn iyan a giyangkaya a (جماعة الإخوان المسلمين) na lompokan a mga Darawish (جماعة دراويش) a linimitadowan iran a ginawa iran sii ko masimpit a lama-lama ko dii kinggolalanen ko mga simba a kai-islami, a ayabo tatayodn iran na kapanambayang ago kapamowasa, go kanzikr ago kapanasbih, sabap sa so paganay a mga muslim na knaoba giyanan e kiyasabota iran ko Islam, nago knaoba giyanan e paratiyaya iran ..”.

INENGKA:
Giyangkaya a Kalimah a Darawish, na plural anan o Kalimah a Darwish a basa a Persia (iran), a aya maana niyan ko basa tano a Mranaw a kapagauliya (Kasaufi). [ Batiyaangka so Kitab a (مجموعة الرسائل للإمام البنا) page: 104].
Marayag a KNAOBA SKANIYAN SUFI go KNAOBA AYA PANOLON IYAN NA SUFI.

Pd sa phaki-imolngan:
So mga ulama a miya-aloy a pd ko mga SUFI, sii ko maana o SUFI a paganay:
في القرن الثاني الهجري:
1) الحسن البصري المتوفى: 110 ه
2) مالك بن دينار المتوفى: 127 ه
3) سفيان الثوري المتوفى: 161 ه
4) إبراهيم بن أدهم المتوفى: 162 ه
5) فضيل بن عياض المتوفى: 187 ه (عابد الحرمين)
في القرن السادس الهجري:
1) أبو حامد الغزالي المتوفى: 505 ه
2) عبد القادر الجيلاني المتوفى: 561 ه
في القرن السابع الهجري:
1) العز بن عبد السلام المتوفى: 660 ه
في القرن الثامن الهجري:
1) تقي الدين السبكي المتوفى: 756 ه
في القرن العاشر الهجري:
1) جلال الدين السيوطي المتوفى: 911 ه
في القرن الثالث عشر الهجري:
1) محمد بن علي السنوسي المتوفى: 1859 م
2) يوسف النبهاني المتوفى: 1932 م
في القرن الرابع عشر الهجري:
1) عبد الحليم محمود المتوفى: 1978م
2) محمد متولي الشعراوي المتوفي: 1998م
Goso salakaw san a tanto a madakl a mga ulam ..
Sa aya patot naso kaphama-awingi ko panolon a SUFI agoso mga ulama a SUFI (التصوف والصوفية) na miokit sa kaibat, go elmo ago kabilangataw ka an makanggaay a gona ko miyamaratiyaya.

Pangningko ko Allah a so miniombong tano saya a panagontaman, na o makao-ontol na tarimaan o Allah a mapd ko amal akn a mapiya, nago makanggay a gona sii ko mga bangsako a mga muslim a mga Mranao, na oba ako miyaribat na phoon rakn oto ko kababaloy akn a dii maganad ago dii mangnal sa elmo a ontol, na phamangnin akn a maap sii ko Allah, ka ayabo a di kharibat naso Allah agoso mga Nabi a siniyap o Allah ko karibatan. Ameen.

ABO YUSOF S.
King Saud University, K.S.A.

08/01/2024

Mga bangsami a mga muslim, so dii katharo-a sa si SAYYID QUTOB na piyakamonafiq iyan so MU’AWIYAH, na mapned anan a katharo a minisoobon o mitharoon, a di khatarima o pamikiran a thatagompiya agoso sabot a makao-ontol.

Aya mosawir tano ko mga bangsa tano na pangnal kano nago pangingiza kano ko mga pd a ulama o antonaa e katawiranon.

Ibarat o ka Consulta sa doctor a apiyapn mapasang a doctor so kiya Consultaan iyo na kailangan pn so kakowa sa 2nd Opinion ka giyoto e okit a mapiya ko kaploloba sa bolong sii ko mapned a paniyakit.

Balasan kano Allah sa madakl a mapiya.

03/01/2024

MALA A KALALALONGAN
so kapepamaawinga ko mga SAHABA
o Rasulullah (ﷺ).

Aya kabasa o imam (أبو زعة الرازي) Abo Zar’ah ar-Razi (mala a ulama sii ko elmo ko hadis):

“Amayka mailayingka so taw a dii niyan pama-awingn so isa ko mga Sahaba, na knalangka a skaniyan na Zindeeq (الزنديق) (miyadadag odi na zasangka ko paratiyaya niyan), sabap sa kagiya mataan a piyaratiyaya tano a so Rasulullah na bnar, goso Qur’an na bnar, nago aya kinirampay rkitano o Qur’an agoso mga hadis (Sunnah) o Rasulullah (ﷺ) naso mga Sahaba o Rasulullah (ﷺ).
Nago mataan a aya mapipikir iran na pha-awingan iran so mga saksi tano (sa kinisampay o Islam) ka an mabinasa so Qur’an agoso Sunnah, na miyapatot a siran e pama-awingan ka siran e miyamakasilay”.

(Batiya-angka so (منهج النقد في علوم الحديث للدكتور: نور الدين عتر ) page: 123).

12/12/2023

Inipangndao o Rasulullah a Du’a :

( سُبحانَ اللهِ العظيمِ وبحَمدِهِ )

Sa taw a batiyaan iyan nae sa makatlo ko oriyan o kapakasambayang iyan sa Sobo, na pakalidasn o Allah phoon ko Kabota, goso Panggal, goso Paralayis.

Piyanothol anan o imam Ahmad.