30/04/2025
Gikan sa Kauban Ta Uy News Desk:
DILI KRISIS ANG ELEKSYON; DSWD KUNSABO SA ‘VOTE BUYING’
Ang regular nga pagpahigayon sa pinili-ay matag tulo ka tuig usa ka pagpakita nga normal, lig-on ug nagtrabaho ang atong demokratikong sistema sa pang-gobyerno.
Ang pagpanghatag sa ayuda sama sa Assistance to Individuals in Crises Situation (AICS), Ayuda sa Kapus ang Kita Program (AKAP), ug Tulong Panghanapbuhay sa Ating Disadvantaged/ Displaced Workers (TUPAD) panahon sa eleksyon usa ka porma sa pagkurakot sa atong eleksyon.
Walay krises nga nahitabo, normal ang kahimtang sa atong mga palibot. Unya hag-as magmodmod og ayuda ang pipila ka mga incumbent nga mga opisyales. Subay sa Omnibus Election Code, gidili og krimen ang pagpahag sa usa ka kandidato sa bisan og unsa nga adunay balor (anything of value) ngadto sa mga botante.
Kining pagpanghatag sa ayuda panahon nga walay katalagman, og sa bisan kinsa lamang, bisan walay krises sa kinabuhi usa ka porma sa “vote buying.” Og ang mga ahensya sa gobyerno sama sa Dept. of Social Welfare and Development (DSWD) kunsabo niini nga krimen.
Angay og matarung nga i-kundina kining DSWD tungod sa iyang pagpagamit sa mga politiko nga anaa sa gahum tungod sa pag-abusar ug pagwaldas sa kwarta gikan sa buluhisan sa katawhan.
Angay usab nga ipanghimaraut ang Commission on Election, taliwala sa ilang pag issue wala ug tuo sa show-cause-orders ngadto sa mga kandidato ilang gipasagdan ang irregular, illegal ug immoral nga pagpanghatag sa ayuda.
“We condemn the Comelec for looking the other way samtang gigamit ang taxpayers money sa vote buying,” nagkanayon si BenCy Ellorin sa Kauban Ta Uy movement.
Busa angay ug matarong ang gihimo sa City Housing and Urban Development Department CHUDD dihang nagsulat kini ngadto sa rehiyonal nga opisina sa DSWD aton ipa-abot ang kabalaka sa kagubot nga nahitabo didto sa Canitoan relocation site diin ang pagpanghatag ug ayuda niadtong weekend miresulta sa kabugot.
Sa duha ka pahina ngadto kang DSWD regional director Ramel Jamen, nangayo og katin-awan ang CHUDD, pina-agi ni Ceasar Pagapulaan, Jr., department manager, nganong wala nagcoordinate ang iyang buhatan sa lokal nga pangagamhanan tungod kay ang mga relocation sites sa syudad ubos man sa pagdumala sa City Hall. (Abril 30, 2025)
