JAYZ NUSU

JAYZ NUSU Contact information, map and directions, contact form, opening hours, services, ratings, photos, videos and announcements from JAYZ NUSU, Digital creator, Goleo, Cagayan de Oro.

17/03/2024

GOOD NIGHT GUYS...

17/03/2024

crying is not
being weak

it only shows
that we have
limitations too

so if you can't
carry your
baggage anymore

cry
cry
cry

and look up at
the sky telling
“i made it too”

it will not solve
your problems
but at least you
let go of something
painful for a long
time that you're
keeping it from
other people

letting go always
has its own purpose

---JAYZ---

17/03/2024

Minsan gusto kong mapag-isa
Minsan naman mas gusto ko ring may kasama
Hindi ako ganoon kalungkot
Hindi rin ganoon kasaya

Ako'y na sa pagitan nang pangangamba,
Paghahanap at pagpunta,

Palalakad, paghinto kapag pagod na
Sa pagpapatuloy, pagkawala ng gana,
at sa pagiging masigla

Hindi ko alam,
ang takbo ng nararamdaman
Basta ayaw ko nang labis
at ayaw ko rin naman na magkulang

Doon lang ako sa may saktong timbang
Kung saan mahahanap ang kapayapaan,
at kalayaan ng aking nararamdaman.

---JAYZ---

17/03/2024

Minsan may mga bagay na kahit baliktarin o pilitin mo kung ipinagkait ito sayo, hinding hindi mo ito matatanggap.
Kahit ilang ulit mo itong pagsisihan wala talagang mangyayari.
Balewala ang pagsabing "pagod na ako" kung wala kang mahanap na lugar kung saan ka magpapahinga.
Wala kang karamay na makukuhanan mo ng lakas.

---JAYZ---

Why Baseball? Hindi naman sikat, Hindi naman suportado, hindi naman pinapansin, wala naman yumayaman sa sports na ito. P...
17/02/2024

Why Baseball?

Hindi naman sikat, Hindi naman suportado, hindi naman pinapansin, wala naman yumayaman sa sports na ito.

Pero bakit ito padin yung PINILI ko?

Isang araw alam ko na lahat ng mga taong nagdududa, lahat ng mga taong hindi naniniwala at lahat ng mga taong hindi binibigyan ng halaga ang Sports na ito ay magugulat nalang bigla.

Bakit ito yung Pinili ko?
Kasi Dito ako masaya, dito ako nakaramdam ng kapayapaan, at dito ko nakita yung tunay na PAMILYA❤️

Alam niyo yung palage kong sinasabi sa mga kapatid ko?
"Magustuhan nyo man yung Baseball o hindi ang mahalaga ay alam mong kahit anong mangyari nandyan lang yung Baseball sa tabi mo"

Ito yung Tahanan ko. Ito na yung naging buhay ko.

Hindi siya tula gusto ko lng maintindihan nila kung bkt ito sports ko

---JAYZ----

16/02/2024

"True Friend"

Ang sarap kaya sa pakiramdam na may mga taong nakaaalala mangamusta at handang makinig sa bawat kwento na 'yong dala.

Klase ng tao na makikinig lang na walang halong panghuhusga. Paalalahanin ka na hindi ka nag-iisa, na may kaagapay ka.

Magtatatanong ng kung "ano ba ang bago sa'yo? O kaya'y ano ang baon mong kwento?" Simulan mo, makikinig ako.

Tipo ng tao na handang maging silungan mo kapag inuulan ka ng problema. Ipararamdam na nandito lang ako na sa tuwing napapagod ka pwede ka sa'kin mamahinga.

Kaya kapag sinabi kong kumusta ka,
ang ibig kong sabihin nu'n magkwento ka.

----JAYZ----

11/02/2024

GOOD MORNING GUYS.

11/02/2024

"Sa kailaliman"

Kung tatanungin mo 'ko kung ano ang pakiramdam ng matinding kalungkutan,
Kung ano'ng pakiramdam na lamunin ng kadiliman,
Kung ano'ng pakiramdam na mawala sa katinuan,
Ito ang nabuo kong kasagutan—

Para akong maliit na ibon na naglakas-loob na harapin ang bagyo sa kalangitan.
Bagyo na kayang wasakin ang aking pakpak at buong katawan.
Habang may isang pwersang hinihila ako pababa sa kailaliman.
Na anumang sandali ay maaaring magdulot ng matinding pinsala sa aking katauhan.

Alam kong hindi ako nag-iisa sa laban.
May mga kasama akong mga agila na naghahangad ding makarating sa paroroonan.
Pero hindi kagaya ko, sila'y may kakayahan na ang bagyo ay iwasan.
Kaya nilang lumipad sa ibabaw nito at makarating sa dulo ng hindi nasusugatan.

Nalulungkot ako sa tuwing ako'y kanilang hinuhusgahan.
Ang aking paglipad ay bakit hindi ko na lang daw taasan.
Hindi nila ako nauunawaan.
Magkaiba kami ng lakas kahit pareho ang aming pinagdadaanan.

Imbes na ako ay tulungan, isang malakas na halakhak ang kanilang pakakawalan.
Nagpatuloy sila sa paglalakbay habang mag-isa akong naiwan.
May mga pagkakataong nakakatagpo ako ng mga sanga na pwede kong dapuan.
Pero madalas ay nawawasak sila na tila ba sa akin ay nabibigatan.

Muli kong ipapagaspas ang pagod ko nang mga pakpak dahil wala akong pwedeng asahan.
Pero alam mo ba kung ano'ng mas mahirap sa bagyo at pagsubok na nasa aking harapan?
Ito 'yung mga boses sa isip ko na patuloy akong sinasabihan—
Na mas magiging magaan ang lahat kung susuko na lamang ako at hayaang lamunin ako ng pwersa papunta sa kailaliman.

----JAYZ----

11/02/2024

Naranasan mo na ba na e discriminate?
Bilang mag-aaral? Anak? Tao?

Hindi ba't dapat na ang mga g**o ang ating pangalawang magulang sa loob ng apat na sulok ng silid aralan? Ngunit minsan ay sila pa ang nagiging dahilan kung bakit nasasaktan tayo ng hindi nila alam.

Hindi lahat ng mag-aaral ay kasing tapang ng mundo, aminin man natin sa hindi, sa panahon ngayon ay masyado na silang sensitibo, maging mulat sana tayo sa bawat salitang ating binibitawan, ikaw ang mas nakakaalam ng tama at ikaw ang dapat na kanilang tularan, hindi pa sila propesyonal katulad mo, sila ay isa pa lamang mga binhi na kailangan ng gabay upang lumago, maging patas ka sana sa kabila ng hindi pagiging patas ng mundo, hindi yong pinipigil mong sumikat ang araw na nagsisimula pa lamang sumilip sa mapaglarong yugto.

Naranasan mo na bang saksakin patalikod?

Masyado raw akong sipsip at papansin,
pinag-uusapan nila palagi ang aking pangalan satuwing hindi ako nakatingin, ganoon na ba talaga ang paraan ng paglalaro? Masyado ng hindi patas ang mundo, kapag ginalingan mayabang, kapag hindi magaling bobo?

Nag-aaral naman ako ng mabuti, nahihirapan lang akong intindihin ang ibang itunuturo, pero hindi ibig sabihin wala na akong kwentang tao, masyado lang nauna ang mga panghuhusga bago alamin ang itinaya kong pagsisikap para lang matuto.

Masyado ng hindi patas ang mundo,
at sa mga oras na nalulunod na ako ay wala man lang akong malapitan, sapagkat sa tuwing uuwi ako ng bahay ay wala naman akong mapagsabihan, masyado ng maliit ang tingin sa akin ng lahat, gusto nila akong umunlad ngunit patuloy nilang pinapamukhang hindi ako sapat.

Kaya't wag mong itatanong kung bakit tila tinatakasan ko ang kahit na sino, at ayaw ko sa kahit na saan, hindi ko na kase alam kung saan matatagpuan ang lugar kung saan 'di ako masasaktan.

----JAYZ----

Address

Goleo
Cagayan De Oro

Telephone

+639685980041

Website

Alerts

Be the first to know and let us send you an email when JAYZ NUSU posts news and promotions. Your email address will not be used for any other purpose, and you can unsubscribe at any time.

Shortcuts

Share

Category