05/11/2025
Dumadating talaga tayo sa punto ng buhay na hindi na tayo gano’n ka-excited sa mga ganap ng barkada, ‘di ba?
Yung mga gathering, inuman, o gala na dati, kahit pagod ka pa sa trabaho, game na game ka pa rin. Naalala ko pa nga noon, tuwing padating ang Sabado, sobrang saya ko kasi alam kong araw na ng inuman, kwentuhan, at tawanan kasama ang tropa. Pero dumating yung panahon na bigla na lang akong nagising — hindi na ako gano’n ka-excited sa mga ganap na ‘yon.
Siguro ganun talaga kapag nagmamature ka.
Mas pipiliin mong magpahinga kaysa gumala.
Mas gugustuhin mong manatili sa bahay kasama ang pamilya kaysa uminom sa labas.
Mas mahalaga na ngayon yung peace of mind kaysa sa ingay ng mga crowd.
Hindi naman ibig sabihin na ayaw mo na sa mga kaibigan mo — pero nag-iiba lang talaga ang priorities.
Dati, ang saya mo kapag may lakad. Ngayon, mas masaya ka kapag nasa bahay ka lang, nakakain ng paboritong ulam, at nakahiga habang nanonood ng movie kasama ang mga mahal mo sa buhay.
Ganun pala talaga ang maturity — tahimik pero puno ng contentment. ❤️
