Himaymay-Diwa

27/07/2026

🖋️ 𝐌𝐀𝐋𝐔𝐆𝐎𝐃 𝐍𝐀 𝐏𝐀𝐆𝐁𝐀𝐓𝐈 𝐒𝐀 𝐌𝐆𝐀 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐍𝐀𝐊𝐀𝐏𝐀𝐒𝐀 𝐒𝐀 𝐈𝐒𝐊𝐑𝐈𝐍𝐈𝐍𝐆 𝐍𝐆 𝐇𝐈𝐌𝐀𝐘𝐌𝐀𝐘-𝐃𝐈𝐖𝐀 ✨

Matapos ang masusing proseso ng iskrining, opisyal naming ipinapakilala ang mga bagong kasapi ng 𝗛𝗶𝗺𝗮𝘆𝗺𝗮𝘆-𝗗𝗶𝘄𝗮!

Sa bawat letra, guhit, at pitik ng inyong mga kamera, nawa'y maipamalas ninyo ang husay, dedikasyon, at integridad na inaasahan sa isang mamamahayag. Patuloy ninyong linangin ang inyong kakayahan at gamitin ang inyong talento sa paglalahad ng mga kuwentong sumasalamin sa katotohanan.

Sama-sama tayong 𝐦𝐚𝐤𝐢𝐚𝐥𝐚𝐦, 𝐦𝐚𝐤𝐢𝐢𝐬𝐚, 𝐚𝐭 𝐦𝐚𝐧𝐢𝐧𝐝𝐢𝐠𝐚𝐧.

Muli, taos-pusong pagbati sa inyong lahat!

16/07/2026

📣𝘼𝙏𝙏𝙀𝙉𝙏𝙄𝙊𝙉!! 𝙏𝙃𝙀 𝙎𝙀𝘾𝙊𝙉𝘿 𝙒𝘼𝙑𝙀 𝙃𝘼𝙎 𝘼𝙍𝙍𝙄𝙑𝙀𝘿📣

The official English and Filipino school publication of Señor Tesoro Academy, 𝗔𝗰𝗮𝗱𝗲𝗺𝗶𝗰𝗶𝗮𝗻𝘀 𝗧𝗿𝗶𝗯𝘂𝗻𝗲 𝗮𝗻𝗱 𝗛𝗶𝗺𝗮𝘆𝗺𝗮𝘆-𝗗𝗶𝘄𝗮, are now opening its doors for the second batch of truth-tellers who would like to join our team.

Screening Date and Time:
📅 FRIDAY, JULY 17, 2026
🕜 9AM TO 11AM
🖋️ROOMS 401, 402, AND 408

‼️NOTE: Those who already auditioned in the first batch do not need to attend the second screening, unless they are auditioning for another category.

This is now your time to showcase your passion about journalism and your commitment in valuing the truth🎧

📣𝘼𝙏𝙏𝙀𝙉𝙏𝙄𝙊𝙉!! 𝙏𝙃𝙀 𝙎𝙀𝘾𝙊𝙉𝘿 𝙒𝘼𝙑𝙀 𝙃𝘼𝙎 𝘼𝙍𝙍𝙄𝙑𝙀𝘿📣

The official English and Filipino school publication of Señor Tesoro Academy, 𝗔𝗰𝗮𝗱𝗲𝗺𝗶𝗰𝗶𝗮𝗻𝘀 𝗧𝗿𝗶𝗯𝘂𝗻𝗲 𝗮𝗻𝗱 𝗛𝗶𝗺𝗮𝘆𝗺𝗮𝘆-𝗗𝗶𝘄𝗮, are now opening its doors for the second batch of truth-tellers who would like to join our team.

‼️All aspiring journalists are required to proceed to Ma'am Angelica Arenos at the 3rd Floor Faculty to collect your waiver for tomorrow.

Screening Date and Time:
📅 FRIDAY, JULY 17, 2026
🕜 9AM TO 11AM
🖋️ROOMS 401, 402, AND 408

‼️NOTE: Those who already auditioned in the first batch do not need to attend the second screening, unless they are auditioning for another category.

This is now your time to showcase your passion about journalism and your commitment in valuing the truth🎧

15/07/2026

𝗧𝗜𝗡𝗚𝗡𝗔𝗡 | 𝗣𝗮𝗻𝗶𝗯𝗮𝗴𝗼𝗻𝗴 𝗬𝘂𝗴𝘁𝗼 𝗻𝗴 𝗣𝗮𝗺𝘂𝗺𝘂𝗻𝗼 𝘀𝗮 𝗔𝗦𝗧

Unang humarap sa kapuwa Tesoran ang mga halal na opisyal ng ASG-SHS nitong umaga ng ika-15 ng Hulyo sa STA Gymnasium matapos ilabas ang resulta ng halalan para sa 𝐀𝐜𝐚𝐝𝐞𝐦𝐲 𝐒𝐭𝐮𝐝𝐞𝐧𝐭 𝐆𝐨𝐯𝐞𝐫𝐧𝐦𝐞𝐧𝐭 (𝐀𝐒𝐆) ng Senior High School. Nagbigay rin ng mensahe si 𝗝𝗼𝗵𝗻 𝗠𝗶𝗰𝗵𝗮𝗲𝗹 𝗗𝗲𝗹𝗼𝘀 𝗦𝗮𝗻𝘁𝗼𝘀, ang bagong halal na Pangulo ng ASG-SHS, binigyang-diin niya ang kahalagahan ng tapat, responsable, at makabuluhang pamumuno.

Ang pagiging isang lider ay may kaakibat na malaking responsibilidad. Higit pa sa isang titulo, ito ay paninindigang magsilbi sa kanilang mga kapuwa mag-aaral nang may integridad at dedikasyon. Sa bawat hakbang ng paglilingkod, hindi lamang ang sariling pangalan ang kanilang kinakatawan, kundi maging ang tiwalang ipinagkaloob ng mga mag-aaral at ang dangal ng paaralan.

Salita ni: Ayexha Tamayo
Kuha ni: Pia Florentin

14/07/2026

𝗧𝗜𝗡𝗚𝗡𝗔𝗡 | 𝗛𝗮𝗹𝗮𝗹𝗮𝗻 𝟮𝟬𝟮𝟲 𝘀𝗮 𝗔𝗦𝗧, 𝗶𝗻𝗶𝗹𝘂𝗻𝘀𝗮𝗱

Kasalukuyang isinasagawa ang halalan para sa Academy Student Government (ASG) ngayong ika-14 ng Hulyo. Nagtungo ang mga mag-aaral sa computer laboratory at kani-kanilang mga silid-aralan upang pumili ng mga mamumuno sa susunod na taong panuruan.

Mahigpit na sinusunod ang maayos at organisadong proseso ng pagboto upang matiyak ang isang patas, malinis, at mapayapang halalan.

Ang pagtugon sa serbisyo para sa kabataan at para sa paaralan ay isang mahalagang bahagi sa paghubog ng matagumpay na taon ng pag-aaral. Ngunit, ang totoong lider ay hindi lamang magaling sa panahon ng pangangampanya. Ang isang lider ay may kakayahang harapin ang mga problema at handang magsilbing boses ng mga mag-aaral.

Ang boto natin ay isang hakbang para sa makabuluhang pagbabago. Pagkakataon natin ito upang ihalal ang karapat-dapat sa posisyong kanilang inaasam.

Salita ni Caleb Cayabyab at Pia Florentin
Kuha ni Tricia Untalan at Pia Florentin

14/07/2026

𝗧𝗜𝗡𝗚𝗡𝗔𝗡 | 𝗠𝗶𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲, 𝗺𝗮𝘁𝗮𝗴𝘂𝗺𝗽𝗮𝘆 𝗻𝗮 𝗴𝗶𝗻𝗮𝗻𝗮𝗽 𝘀𝗮 𝗦𝗧𝗔

Nagtipon noong ika-9 ng Hulyo ang mga kandidato mula sa O-EEY Partylist at SIKLAB-UNO Partylist upang ilahad ang kanilang mga plataporma, adhikain, at mga programang nais nilang isulong kung sakaling makuha nila ang tiwala ng mayorya. Binigyan-diin din sa programa ang kakayahan ng mga kandidato sa pamamagitan ng pagsagot sa mga katanungang may kaugnayan sa kanilang pamumuno.

Iniwan ng SIKLAB-UNO sa mga dumalo ang mga katagang “Lumiliyab, lumalagablab, at nag-aalab” bilang pagsasalarawan sa kanilang kawilihang paglingkuran ang kanilang mga kapwa mag-aaral. Samantala, itinampok naman ng O-EEY Partylist ang kanilang layunin na maghatid ng masaya at makabuluhang paglilingkod sa pamamagitan ng mga katagang “O-EEY sa saya, O-EEY sa serbisyo.” Bagama’t hindi na nagkakalayo ang kanilang mga adhikain at plataporma, pareho nilang ipinakita ang kani-kanilang kakayahang maglingkod nang tapat at may malasakit sa kapakanan ng mga mag-aaral.

Higit pa rito, nagsilbi rin itong paalala sa mga botante na maging mapanuri at responsable sa nalalapit na halalan. Bumoto nang tama. Bumoto ng tama.

Salita ni Andrea Santos at Marvie Joyce Devera
Kuha ni Triciamy Untalan at STRS 93.2

14/07/2026

𝗧𝗜𝗡𝗚𝗡𝗔𝗡 | 𝗠𝗶𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲, 𝗺𝗮𝘁𝗮𝗴𝘂𝗺𝗽𝗮𝘆 𝗻𝗮 𝗴𝗶𝗻𝗮𝗻𝗮𝗽 𝘀𝗮 𝗦𝗧𝗔

Humarap ang bawat kandidato ng STREAK Partylist mula sa Elementarya at Mababang Sekondarya (JHS) noong ika-9 ng Hulyo sa kanilang mga g**o at mga kapwa mag-aaral upang ipamalas ang kanilang kakayahang maglingkod sa paaralan sa pamamagitan ng paglalahad ng kani-kanilang plataporma.

Bilang paghahanda sa nalalapit na halalan, ito ay nagsilbing pagkakataon sa mga botante na lubusang makilala ang bawat kandidato upang sila ay makapili ng tunay na karapat-dapat na lider na may kapasidad na tugunan ang kanilang mga pangagailangan at bumoses kung kinakailangan.

Salita ni Pia Florentin
Kuha ni Triciamy Untalan at STRS 93.2

16/03/2026

Trono ng Kasalanan
Ni: Kimber Mark Pasaoa

Sa mundong binalot ng mga hadlang at pagsalungat, may isang bagay na hindi kayang pigilan ng kahit ano mang puwersa.

Ang pag-ibig.

Kalapastangan. Kung aalamin ang depinisyon nito sa diksiyonaryo, ito ay nangangahulugang pag-aalipusta o pagsalangsang sa mga batas, tradisyon, o kaugalian ng lipunan.

Ngunit sa himig ng awiting ‘Kalapastanganan’, salungat ang nais nitong ipaalam.

Madilim na laban sa gitna ng kalapastanganan. Sa ilalim ng mga bituin, habang ang mga pusong nag-iinit ay naghihintay ng kalayaan mula sa mga tanikala ng umaalab na pag-ibig at pagpupunyagi.

May tunog. May himig na pilit sumisiksik.

May himig na nagpapanginig ng kilabot sa mga pusong nababalot ng pag-ibig.

Sa bawat pintig ng musika, parang isang karayom na tumutusok sa puso na magluha ng dugo.

Sa bawat ritmo ng kanta, parang tinik na dahan-dahang sumusugat at winawasak ang dibdib.
Sa malamig na boses ng umaawit, parang isang pagtangis. Kalapastangan ang tanging sukli.

Pag-ibig na tinadhana, ngunit hindi pinahintulutan ng lipunang magsama.

Dalawang pusong pilit pinayabong ang pag-ibig, ngunit sa huli, may bungang hindi mabubura sa isang kisapmata.

Sa isang trono na pinakintab ng mga lumang tela na ginamit ng kalapastanganan, nakaupo ang isang pusong naghihintay ng kalayaan.

Ngunit paano nga ba makararating sa trono kung ang landas tungo rito ay hinahadlangan ng kalapastangan?

Kailan makatatabi? Kailan mayayakap? Kailan muling magsasama ang mga pusong pinag-uusig ng kalapastanganan?

Tunay ngang wala ang langit sa himpapawid. Wala sa kailaliman ang impyerno, sapagkat ito ay nasa puso ng mga taong sugatan at hinahadlangan ng kalapastangan.

Hinahadlangan ang bawat paghakbang. Hinahadlangan ang bawat paglingon. Hinahadlangan ang bawat pagtikhim.

Ang alaala ng isang pag-ibig na hindi makalimutan, kahit ang impyerno ay gumugulo sa isipan—ang langit ay bumubulong ng mga alaala na nagpapahinto sa pusong sugatan.

Masakit pakinggan. Mahirap maunawaan. Ngunit may maikling pagsubol. Sa pagtanggap ng pag-ibig, ang mga anghel ay nag-awitan ng isang matamis na himig na nagbigay ng pag-asa sa pusong naghihintay ng katapusan.

Mga luhang nagbabadyang mag-unahan sa pagpatak ay kusang nabuwag sa mga titig na nagtagpo. Mga luha ng kalungkutan ay napalitan ng ngiti ng kalibutan. Ngunit may tila malakas na tambol ang gumising at nagmulat sa bawat puso ng katotohanan. Pinabagsak ang mga pusong naghihintay. Isang ilusyon. Mabilis. Malabo.

May matinis na himig. Masakit sa tainga. Nag-iwan ng nakabibinging linya.

“Mamamatay akong nakangiti, kapag ikaw ang nasa aking tabi.”

Huling hiling ng isang pusong pinilit hadlangan ng kalapastanganan. Himig na hindi namamatay, pusong nag-iinit na makatanggap ng kalayaan na makawala sa isang kalapastanganan.

Ang awit ng pag-ibig na hindi mamamatay, magpapatuloy ng pag-asa sa mga pusong naghihintay ng kalibutan.

Tumapak man sa mga bubog at hayaan ang mga paang magdugo. Humawak man ng kutsilyo at hayaan ang mga kamay na paulit-ulit saksakin ang pusong binalot ng kalapastanganan.

Nilalaman ng puso ay mananatiling hindi masasaktan. Binalot man ang panahon ng kalapastanganan. Ikaw ay mananatiling pipiliin hanggang katapusan. Nawa’y sa susunod na buhay, hayaan na ang mga pusong maging malaya. Banayad na, malayo sa anumang pagdurusa.

Idinisenyo ni: Maria Elijah Nolasco

13/03/2026

Plumang Nilipasan ng Panahon — Literari

Sa aking plumang nawalan na ng tinta, nais paring maipagpatuloy ang hindi naipangakong nobela—ngunit ang manunulat na ito’y napagtantong wala ng saysay ang nobela, sapagkat nawalan na ng rason kung bakit gumagawa pa rin ito ng obra.

Bagamat wala ng tinta ang pluma, nananatiling matalim ang dulong panulat na siyang bumabakat upang ipagpatuloy ang naudlot na istorya. Bakas sa kamay ang kalyo, malikha lang ang obrang makatang mata lamang ang makakakita. Hindi natatapos ang nobela kung wala ang tinta ng pluma. May paghinto lamang, at nasa kabilang kabanata ang pag-asa.

Marahil ang tinta'y wala ng mailuluwa pa, ngunit ang kwento'y maipagpapatuloy pa rin ng tadhana. Sa tadhana tayo ay aasa, subalit ang sakit na dulot ng oras ay di maligtaan. Hindi teknikal na pagsulat ay problema ng isang awtor ng storya, kundi ang itinalang oras sa kanyang paglikha ng kanyang obra. Kuwento nga ba ang problema, o ang masakit na tadhana sa itinakdang nobela?

Inilikha ni: Kimber Mark Pasaoa
idinisenyo ni: Maria Elijah Nolasco

15/02/2026

📰𝐇𝐈𝐌𝐀𝐘𝐌𝐀𝐘-𝐃𝐈𝐖𝐀 | 𝐒.𝐘. 𝟐𝟎𝟐𝟓–𝟐𝟎𝟐𝟔
𝚂𝙴𝙽𝚃𝙸𝙽𝙴𝙻 𝙽𝙶 𝙺𝙰𝚃𝙾𝚃𝙾𝙷𝙰𝙽𝙰𝙽

Buong dangal naming inihahandog ang aming DSPC 2026 School Paper Entry, na hinubog at pinatibay ng temang nagbibigay-diin sa mahalagang papel ng pahayagang pangkampus sa paghubog ng isang henerasyong mulát, responsable, at may kapangyarihang makilahok sa pagbabago.

Ang bawat pahina ng aming publikasyon ay bunga ng masusing pag-aaral, maingat na pagsusulat, at tapat na paglilingkod. Sa bawat balita, lathalain, at editoryal, sinikap naming maging tinig ng katotohanan at salamin ng mga isyung dapat pagtuunan ng pansin. Hindi lamang ito tungkol sa patimpalak, ito ay isang paninindigan na ang kabataan ay may boses na dapat pakinggan at may pananagutang dapat gampanan.

Sa panahon ng mabilis na pagkalat ng maling impormasyon, nananatili kaming matatag bilang sentinel ng katotohanan. Sa aming panulat, pinipili naming magbigay-liwanag. Sa aming mga salita, pinipili naming magmulat. Sa aming pahina, pinipili naming ipaglaban ang katapatan, katarungan, at wastong impormasyon.

Basahin, ibahagi, at suportahan ang aming adhikain. 🖋️

-Diwa