03/09/2026
Maikling kwento:
Noong ika-19 na siglo, ang Bustos ay sakop pa ng Baliuag, kapwa sa pamahalaan at sa aspetong panrelihiyon. Dahil dito, ang mga taga-Bustos ay kailangang tumawid sa ilog upang makapunta sa Simbahan ni San Agustin sa Baliuag, lalo na kapag may mga sanggol na pabibinyagan.
Ayon sa salaysay ng kasaysayan ng Bustos, noong 1862—bagama't may ilang tala na bahagyang nagkakaiba sa eksaktong taon—may grupo ng mga magulang, sanggol, ninong at ninang na tumawid sa ilog sakay ng isang planceta o balsa. Malakas ang ulan, hangin at agos ng ilog. Tumaob ang kanilang sinasakyan at marami ang nalunod, kabilang ang mga sanggol na dadalhin sana sa Baliuag para bautismuhan.
